30/06/2022
معلومة تقنية ...
يلاحظ الكثيرون أنه في درجات الحرارة العالية ..كي توصل اكثر من 43 المكيف يولي يخدم مروحة ومعادش يبرد...انت يمشي فيبالك الي المكيف عدم والا تضربلو الغاز والى غير ذلك وتولي تكلم في صلاح المكيفات وفمة الي يجيك يعمل روحو شرجى الغاز بش ياخو عليك فلوس...وهو الموضوع الكل في نوع كومبريسور مكيفك الي هو صنف T1"
اذا اردت ان تشتري مكيف ركز في درجة تحمل الحرارة الخارجية خاصة جماعة الجنوب وين الحرارة مرتفعة...
وهي climate class "تصنيف المناخ":
T1=
درجة التحمل للحرارة الخارجية وهي 7 درجات تحت الصفر حتى 42-43 درجة
T2=بين -7 حتى 35 درجة مئوية
T3=بين -7 حتى 53 درجة مئوية
لذلك فالتصنيف المناخي الانسب لمكيفك هو مكيف صنف T3 ان شاء الله تكون قد حصلت الافادة و نشر المعلومة خاطر زادة اني كنت ما عنديش فكرة ع الموضوع لين بالبحث والتدقيق عرفنا الأمر.
معلومة أخرى قبل أن انساها...متعلقة بنوع الغاز الذي يعمل به المكيف الذي تريد شراؤه يجب أن يكون من نوع R410A ما تاخوش كليماتيزور غاز R22 فقد انتهى عصر ذلك الغاز.
غاز R410A يعتمد تكنولوجيا جديدة وهي تكنولوجيا الاهتزاز للتبريد...يعني ببساطة التكنولوجيا هاذي تخليه يبرد المحل فيسع والكومبريسور الي يدور فيه ما ياكلش ضو.
يعني مقتصد جدا في الطاقة.
يعني مكيفك لازم يكون T3 وغاز R410A بش ما تتعرضش لمواقف لا تحسد عليها.
