01/02/2026
ننصحكم عومو في الشتاء قبل ما يوفى .
خاصة مرضى السكري .
علاش ؟
- البدن متاعنا فيه شحم أبيض و شحم اسمر .. الشحم الاسمر ما يتم تفعيله كان بالبرد و يولي مصدر طاقة كبير للحرق باش يدفي الجسم و الي ركزنا عليه السنة في المؤتمر الطبي هو علاج مقاومة الانسولين بالسباحة في الماء البارد ...
و طبعا زيادة الحرق تعاون في تنقيص الميزان
- العومان في البرد يقوي جهاز المناعة و يحفز صنع الكريات البيضاء تقول كينك لقحت
- العومان في البرد يحفز انتاج هرمون الاوندورفين الي هو من هرمونات السعادة و يتميز بانقاص حدة الالم كيما المورفين تقول انت ... يعني باهي علخر للناس الي عندهم وجايع مفاصل و فازات و يحفز عند الرجال انتاج هرمون التستوستيرون .
- العومان في البرد يحسن الدورة الدموية و ينشط القلب خاطر يزيد في الدم باش يدفي الجسم اما مالازمش يغوت 120 دق باش ما يعملش ارهاق لعضلة القلب و طبعا مش منصوح لمرضى القلب .
- العومان في البرد يزيد من تعقيد عملية التنفس الشي الي يخلي برشه اوكسيجان يدخل للجسم و ما ادراك ما الاوكسيجان الي البدن الكل يخدم به
- باهي برشه للي عنده ضغوط نفسية و يعاني من الاكتئاب .
الحاصل الي ينجم يعوم في الشتاء يتشجع .
