Etablissements Zgolli Freres

Call Directions Website Contact the business

Etablissements Zgolli Freres Toute la saveur en concentré

شنوة سر الـPizza البنينة؟ العجينة مهمة، الـfromage مهم، والـtopping زادا… أما كل شيء يبدأ من Sauce Pizza Zgolli و هذاكا ...
13/10/2026

شنوة سر الـPizza البنينة؟ العجينة مهمة، الـfromage مهم، والـtopping زادا… أما كل شيء يبدأ من Sauce Pizza Zgolli و هذاكا علاش هي le produit star du mois. لPizza Margherita، لPizza thon ولا 4 fromages هي الـbase، وإنت كملها على ذوقك.

SOS invités قالولك جايين بعد ساعة… شنوة تحضر؟ما فماش وقت للتخمام، تحل الـplacard وتشوف شنوة عندك من Zgolli… وتحضر menu ك...
11/10/2026

SOS invités قالولك جايين بعد ساعة… شنوة تحضر؟
ما فماش وقت للتخمام، تحل الـplacard وتشوف شنوة عندك من Zgolli… وتحضر menu كامل في أقل من ساعة:
Entrée حاضرة في 5 دقايق: سلاطة مشوية Zgolli مالحكة للصحن، تزيدها زيت، كعبات زيتون، رشة تن و عظم طايب مقصوص
و باش تدلل ضيافك اكثر حضرلهم Pizza express au pain de mie و ما عليك كان ترصف الخبز في الطبق تزيد عليه sauce pizza zgolli و topping الي تحب وتدخلو للفور 5 دقايق
Plat – مقرونة ب sauce macaroni zgolli: لحم مفروم و لا دجاج مقصوص cubes تقليهم في الزيت و تزيدهم sauce macaroni ما بقالك كان تطيب المقرونة 10 دقايق قبل ما يوصلو الضيوف، تخلطها بالصوص و تزيدها رشة جبن و عندك plat généreux للناس الكل
و لل Dessert تختار Crêpes،ولا pain perdu مع Confiture Zgolli كل شي حاضر من غير تعقيد.
ساعة واحدة، الضياف على الباب… والـmenu عالطاولة.

شنوة الفرق؟ Double concentré vs tomate concasséeالزوز طماطم… أما موش نفس الاستعمال!Double concentré de tomate : مركّز أك...
08/10/2026

شنوة الفرق؟ Double concentré vs tomate concassée
الزوز طماطم… أما موش نفس الاستعمال!
Double concentré de tomate : مركّز أكثر، لونو و طعمتو أقوى، مغرفة صغيرة منو تكفي باش تعطي للماكلة لون ونكهة أغنى. يمشي خاصة مع المقرونة، المرقة والأكلات اللي تستحق طماطم مركزة و sauce riche
Tomate concassée: تحافظ أكثر على قوام ومذاق الطماطم الفرشكة. تعطيك صوص أخف وtexture تمشي مع les recettes الصيفية ممتازة للبيتزا، الشكشوكة، العجة والأكلات السريعة
ومع Zgolli… كل وصفة عندها الطماطم اللي تناسبها.

الماكلة اللي كنت تكرهها صغير و وليت تحبها كبير؟وقت الصغر ديما فما ماكلة كي تشوفها فوق الطاولة تبدا تتشكا قبل حتى ما تذوق...
06/10/2026

الماكلة اللي كنت تكرهها صغير و وليت تحبها كبير؟
وقت الصغر ديما فما ماكلة كي تشوفها فوق الطاولة تبدا تتشكا قبل حتى ما تذوقها…
ملوخية، لوبيا، شربة عدس… وكل واحد عندو الأكلة اللي كان يعمل المستحيل باش ما ياكلهاش.
نكبروا، تتبدّل أذواقنا… وتتبدّل حتى نظرتنا للماكلة. و الحاجة الي كانت عادية، تولي مشتهية وساعات، نلقاو رواحنا نحضّرو نفس recette الي كنا نهربو منها… ونحاولو نلقاو نفس Goût الي كبرنا عليه.
وإنت، شنية الماكلة اللي كنت ما تحبهاش صغير، واليوم ما تنجمش تقوللها لا؟

Harissa Berbère :كل واحد يماتشي هريستو كيف ما يحب!الهريسة وحدها بنينة… أما كل واحد عندو الـmix متاعو باش يعمل تحريشة عال...
04/10/2026

Harissa Berbère :كل واحد يماتشي هريستو كيف ما يحب!

الهريسة وحدها بنينة… أما كل واحد عندو الـmix متاعو باش يعمل تحريشة عالطاير. وانت كيفاش تماتشي Harissa Berbère Zgolli متاعك؟ قوللنا على الـmix السري
هريسة + مايوناز
هريسة + زيت زيتون
هريسة + سلاطة مشوية

جيل أمي vs جيل TikTok : نفس الطبق، زوز طرققبل les recettes يتعداو مالجدة للام "حط شوية من هاذا، مغرفة من هاذا، وخليه يطي...
30/09/2026

جيل أمي vs جيل TikTok : نفس الطبق، زوز طرق
قبل les recettes يتعداو مالجدة للام "حط شوية من هاذا، مغرفة من هاذا، وخليه يطيب لين يعقاد"… لا balance، لا timer، والمقادير الكل بالعين والتجربة
اليوم نفس الماكلة تلقاها على TikTok تحت عنوان recette en 30 secondes و كل شي فيها محسوب بالغرام و بالطبيعة version healthy
تبدلت الطرق، تبدلت les ingrédients، وحتى الـ présentation والـ goût تبدلوا مع كل جيل…
أما فما منتوجات تبقى ديما حاضرة على طاولتنا منتوجات Zgolli، من الهريسة للطماطم والسلاطة المشوية والمعجون، تتعدّى من جيل لجيل خاتر الوصفات تتبدل، الأجيال تتبدل… أما البنّة هي هي
وإنتوما، في الكوجينة Team أمي ولا Team TikTok؟

15 دقيقة والعشاء حاضر: Croque تونسي بالهريسة والسلاطة المشوية كي تروّح بعد نهار طويل, آخر حاجة تحب تعملها هي تقعد ساعة ف...
27/09/2026

15 دقيقة والعشاء حاضر: Croque تونسي بالهريسة والسلاطة المشوية
كي تروّح بعد نهار طويل, آخر حاجة تحب تعملها هي تقعد ساعة في الكوجينة… جبنالك دبارة سريعة، بنينة وبنكهة تونسية.
باش تحضّر Croque تونسي، تستحق:
- الPain de mie
- هريسة Zgolli
- سلاطة مشوية Zgolli
- تن
- جبن
- زيت زيتون
تدهن tranche pain de mie بهريسة Zgolli، تزيد السلاطة المشوية، التن والجبن وتسكر بـ tranche ثانية.
تدهن من البرّا بشوية زيت زيتون وتحط الـ Croque في poêle سخونة، appareil à panini ولا في الفور، حتى يتحمّر الخبز ويذوب الجبن.

23 سبتمبر: اليوم العالمي للغة الاشارةموش الكلمات وحدها تحكي… فما لغة تتسمع و لغة تتشاف، أما كلنا نستحقو نفس الحاجة: إنو ...
23/09/2026

23 سبتمبر: اليوم العالمي للغة الاشارة

موش الكلمات وحدها تحكي… فما لغة تتسمع و لغة تتشاف، أما كلنا نستحقو نفس الحاجة: إنو صوتنا يوصل ونفهمو بعضنا
في اليوم العالمي للغة الاشارة، نتفكرو اللي التواصل حق للناس الكل، وإنو الاختلاف في طريقة التعبير حاجة طبيعية. و على خاتر خاطر اللغة مهما كانت طريقتها، دورها الأول إنها تقرّبنا لبعضنا نجمو اليوم نخصصو شوية وقت باش نتعلمو حتى بعض الكلمات البسيطة بلغة الإشارة.

الplat zemni du jour: البركوكش الڨفصي اليوم اكلتنا الزمنية من قاع الخابية الڨفصية. البركوكش هو صحن واحد يجمع الخيرات الك...
20/09/2026

الplat zemni du jour: البركوكش الڨفصي
اليوم اكلتنا الزمنية من قاع الخابية الڨفصية. البركوكش هو صحن واحد يجمع الخيرات الكل… أكلة توري قدّاش المطبخ التونسي القديم غني، متنوع وفيه وصفات تستحق تبقى وتتعاود من جيل لجيل. فما شكون باش يستغرب مالمكونات خاتر فيها برشا انواع متاع خضرة، بقول و لحوم بحرية وبرية و حتى كان الميزانية ماعادش تسمح ما فيها باس نتذكرو الوصفة الاصلية و مرة في الفال نودو بيها رواحنا. قولولنا حسب رايكم قداش من نوع لحم نستعملو في البركوكش:
5
6
7

العشاء متاع "ما عنديش ما نطيب" فما جملة تتعاود تقريب في كل دار عالاقل مرة في الجمعة: "اليوم ما عنديش ما نطيب!"أما الغريب...
17/09/2026

العشاء متاع "ما عنديش ما نطيب"
فما جملة تتعاود تقريب في كل دار عالاقل مرة في الجمعة: "اليوم ما عنديش ما نطيب!"أما الغريب إنو كي تتقال الجملة هاذي، العايلة الكل تعرف شنوة باش يجي على الطاولة.
عظم، تن، شوية جبن و ما تيسر من منتوجات Zgolli فلفل مسير، هريسة دياري وسلاطة مشوية … خبز سخون، وكل واحد يركّب صحنو على كيفو.
لا تحضيرات، لا وصفة، لا ساعات في الكوجينة… أما في الآخر تلقى الطاولة تعمّرت والقعدة حلات وساعات كلمة "ما عنديش ما نطيب" تعمل أحلى عشاء
وإنتوما في داركم، كي تسمعو "ما عنديش ما نطيب"… تعرفو شنوة الي باش يجي فالعشاء؟

Address

Avenue Habib Bourguiba
Nianou
8070

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00
Saturday 08:00 - 13:00

Telephone

+21672388456

Website

Alerts

Be the first to know and let us send you an email when Etablissements Zgolli Freres posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Etablissements Zgolli Freres:

Shortcuts

Share

Category