Csi albaraka

12/06/2020

المطلوب لعملية التسجيل :

مضمون الولادة للتلميذ

بطاقة تعريف الولي

الهاتف الجوال للولي

مزيد التفاصيل حول عملية التسجيل خطوة بخطوة اتبع الرابط التالي :

19/11/2019

الإمتحانات قربت و تو باش تبدا المراجعة 👌👌.
و كالعادة حضرنا الامتحانات متاع مدارس صفاقس و زدناهم الاصلاح كيما وعدناكم عمناول 😍😍 .
و مع الامتحانات زدنا حضرنا زوز كراسات للانتاج الكتابي بالفرنسية للثالثة و الرابعة 📕📕📂📂 .
و شوية ملخصات دروس و غيرها 🤩🤩🥳🥳 .
بالنسبة للي يسكن خارج صفاقس نبعثوهملو واصلين لمقره 👮‍♂️👮‍♂️.
التفاصيل و طريقة الحصول على الكتب و الكراسات عبر الرابط التالي
⬇️⬇️⬇️⬇️⬇️⬇️⬇️⬇️⬇️
https://docs.google.com/forms/d/e/1FAIpQLSceT9umQfk35zrTDuuwW_q5Ot-T71j9VMUWq-h3M51rWnNhuQ/viewform.
بالنسبة للي ماش يجي ياخذ مباشرة من مقرنا بصفاقس وضعنا مثال هندسي في أول تعليق
العنوان : إعلامية البركة - طريق العين كلم 6
الهاتف : 967 032 70 - 846 462 52 - 806 850 58 ☎️☎️

04/05/2019

26/04/2019

08/12/2018

29/11/2018

19/07/2018

*** سي ناجي يدخل للدار هازز القفة و يمسح في العرق .. ****

ناجي :أيييه .. السلام عليكم .
فتحية :و عليكم السلام و رحمة الله . جيت يا سي ناجي؟
ناجي(باستهزاء) :لا مازلت في الكار .
فتحية :الدنيا سخونة البرا؟
ناجي :ياخي ماكش تارا في العرق؟ و الابالكشي صبيت دبوزة ماء على راسي؟
فتحية :تشبيك متنرفز يا سي ناجي ؟ وسع بالك هذا هو الصيف و اللي يجي وقتو ما يتلام عليه.
ناجي : الحمد لله على ما يعطي ربي.

*** سكوت .. ثم فتحية تنظر لسي ناجي بطرف العين ***

فتحية : في بالك اللي أختي نسيمة جاية تسهر بحذانا الليلة؟
ناجي ( يقلقل راسو) : مرحبا بيها
فتحية : و الله هاكا الطفل مارجهم.
ناجي :أشبيه زادا؟
فتحية :ماهو خذا الباك .. عاد قعد حاير في حكاية التوجيه الجامعي.
ناجي : و اشفيها ما يحير .. ماهم ياخو الشعبة اللي تناسبو و تناسب مخو و امكانياتو و يعرف روحو ينجم يوصل فيها.
فتحية : لا هو يحب على شعبة مستقبلها مضمون و بعد ما يكمل يدبر خدمة ديراكت
ناجي ( يقهقه): لا ماهي الخدم مطيشة و تستنى في ولد أختك حتى يتخرج باش يشدها.
فتحية : بالله متزيدش على ما بينا محناش ناقصين أحنا.
ناجي (باستغراب): "محناش" و " أحنا" ؟ شنوا دخلت معاهم في العجة أنت؟
فتحية :يا شومي .. موش ولد أختي؟
ناجي : لا محسوب تو كي يتخرج و يخدم تو يعطيك شوية من الشهرية
فتحية :محاجتيش .. و بربي كان عندك كلمة باهية قولها و الا عينا بسكاتك.
ناجي : باهي أني ماش نقلك على حاجة تنفع ولد أختك بعد ما يتوجَه.
فتحية :اش فما زادا أش اتذكرت؟
ناجي :أنا اليوم مروح للبلاد ، قعد نستنى في الكار في المحطة، عاد لقيت ورقة معلقة فيها حكاية الترسيم الجامعي عن بعد.
فتحية :و اش فيها هاذي ؟ حاجة جديدة تي ماهو كيما كل عام..
ناجي ( بغضب) :تي اصبر خليني نكمل..
فتحية :هاني سكت .. كمل يا سيدي.
ناجي :قلك يا للا الطلبة اللي ماش يعملو الترسيم الجامعي عن بعد من غير ما يمشيو يشدو الصف و يشريو كارطة و بعد يمشيو للبيبلينات باش يعملو الترسيم..
فتحية ( باستهزاء) : أه مالا كيفاش؟ يرقدو و يقومو يلقاو رواحهم مرسمين؟
ناجي ( بحنق) :يا والله أحوال .. تو ماش تسكت خليني نكمل نحكيلك و الا اقلب علينا هالصحن تراه.
فتحية :بربي يا سي ناجي من غير غش .. ماك تعرف النسا الكل هكا كان التخرنين و الصبر مفماش. بربي كمل والله لا عاد نقص عليك .
ناجي ( ينفخ لتهدئة نفسه) :قلك هاذي بيبلينات يعملولك هوما الترسيم من عندهم .. الطالب ما يدفع كان حق الترسيم و معلوم الخدمة و اللي هي أقل من اللي كان كان ماش يصرفو لو كان مشا شرا كارطة جديدة و يهز ورقتو و يروح .. لا صف و لا ضياع وقت و زيد رابح فلوس.
فتحية : و الله الحكاية هايلة هاذي .. عاد شكون اللي مايمشيلهاش ؟
ناجي : تي أشنحكيلك أنا مالا؟
فتحية : و هاذي الفازة كان للطلبة الجدد اللي نجحو في الباك؟
ناجي :لا يالا.. حتى الطلبة القدم اللي عندهم كارطة قديمة .. ماهو يلزمها تجديد و اللي هو بمصروفو زادا
فتحية : معناها طلبة جدد و الا قدم الزوز رابحين.
ناجي: و نزيدك زيادة .. قالك ماهو التلامذة متاع الليسيات زادة ولاو يترسمو بالانترنات .. في هالبيبلينات زادة يعملو الترسيم متاع التلامذة .
فتحية: زادة ؟؟ والله يعطيهم الصحة .. ايا ربي يسهل للصغيرات و ربي يهديهم و ينجحهم.

*** تقوم فتحية و تجي خارجة من الدار ***

ناجي : تي وين ماشية؟
فتحية :ماش نوصل فيسع لجميلة جارتنا نقوللها على الحكاية.
ناجي : اب .. اب .. اب .. كي متبلش الفولة في فمك.
فتحية :ياخي حكاية كيما هكا تستنى هي؟ تي ماهو اللي ينجم يستنفع بيها نقولولو عليها ياخي ما فيبالكش اللي بنتها نجحت في الكنترول؟
ناجي : مالا حتى انا أني خارج للقهوة تو نلقى سي عبد الرزاق و سي الحبيب تو نقوللهم عليها خير ما يمشيو يحصلو يشريو كارطة ماهم زادا أولادهم الزوز يقراو في الكلية
فتحية :تي استنى مقتليش وين ها " البيبلينات" هاذي؟
ناجي : يا للا تطلع في ثنية العين حتى لين توصل للضو متاع كيلوماتر 6 ، تدور على اليسار كاينك ماشية لطريق منزل شاكر، دوبلاش تدخل في القصاص تو تلقاها جيست بعد القهوة و اسمها " إعلامية البركة"
فتحية : عاد هاذي هاي ساهلة شكون ميعرفش يوصللها. أيا مالا برا انت للقهوة خليني انا نمشي لجميلة . و ربي يقدرنا على فعل الخير.
ناجي :أمين .. وهاكا مولا البيبلينات ربي يعطيه ما يتمنى كي سهَل على العباد .. واحنا أوكا نعملو اللي علينا و نقولو للي نعرفوهم باش الناس الكل تستنفع.
فتحية : و الله هذا هو الكلام الصواب..

13/07/2018

ملخصات قواعد اللغة الفرنسية للسنة الثالثة و الرابعة والخامسة ...

11/07/2018

تعلم الأرقام للسنة التحضيرية شكلا و كتابة و تلوينا نرجو أن تنال إعجابكم

11/07/2018

تعلم الأحرف العربية .. قراءة و كتابة و شكلا يمكن للتلميذ أن يتعرف على الحرف بطرق كتابته المختلفة نرجو أن تنال إعجابكم ...