21/07/2026
علاش الكليماتيزور يقص على التبريد وقت الڨايلة والسخانة القوية؟ 🥵🌡️
يا جماعة الخير، برشة حرفاء يكلموا فينا هالأيام وتشكاو اللي المكيفات متاعهم تمشي مريڨلة الصباح وفي الليل، أما وقت "الذروة" (بين الـ 12 والـ 4 متاع العشية) تولي تخرج في الهواء السخون وما تبردش. كخبير صيانة عندو عشرات السنين في الميدان، حبيت نوضحلك الحكاية باش تبداو على دراية:
ضعف ضغط الضوء (Chute de tension): وقت الذروة، الناس الكل تشعل في الكليماتيزورات فرد وقت، الضوء يضعف في الشبكة (يطيح تحت 220 فولت).
المكيفات العادية والقديمة (On/Off): الموتور (Compresseur) متاع الكليماتيزورات القديمة يحتاج دزة قوية متاع ضوء باش يديماري. كيف يلقى الضوء طايح، الموتور يسخن ويقس (يسيرلو Blocage) لحماية نفسه، ويبقى يخدم كان الفرفارة برك.
القطعة الخارجية في الشمس: المروحة اللبرا تعاني من السخانة اللي تفوت 45 درجة، وما عادش تنجم تبرد الغاز بسهولة.
شنوة الحل توة؟ 🤔
نظف الفيلترات: اغسل فلاتر الوحدة الداخلية بانتظام باش تسهل خروج الهواء البارد.
برمج التميراتير على 24 أو 25: ما تحطوش على 16 أو 18 وقت الذروة، خلوه في الـ 24 باش الموتور ما يتعبش ويرتاح.
أحسن حل للمستقبل: الكليماتيزورات القديمة ما عادش تواكب طقسنا وضغط الكهرباء الحالي. الحل الجذري هو التوجّه للمكيفات الجديدة اللي تخدم بتكنولوجيا Inverter، خاطرها مجهزة بـ "كارطة إلكترونية" ذكية تخلي الموتور يخدم حتى لو كان الضوء طايح (Basse tension) وتوفر في نفس الوقت أكثر من 40% من استهلاك الفاتورة..
22270721
