Azza Meddeb - Hopeful Azza

Azza Meddeb - Hopeful Azza Consultation avec techniques PNL
Formation en Soft Skills
Animation de Team Building
Profiling

بإمكانك حجز حصة تحليل شخصية أو استشارة قبل معدل 48 ساعة...
مرحبا بكم في دورات مهارات ناعمة سواء حضوريا أو عن بعد، في إطار حصص فردية أو ضمن فريق...

Vous pouvez réserver votre séance d'analyse de personalité ou bien consultation avant la moyenne de 48h
Je suis disponible et flexible pour one-to-one coaching ainsi des formations de soft skills en groupe soit en ligne à distance ou bien en présentiel...

أي نعم.. يمكن توصل لنهار معادش تعقل فيه روحك..!! و لهنا منيش نحكي على جسديا أو صوريا!!لهنا نحكي على عقليتك.. و كيفاش ترى...
18/07/2025

أي نعم.. يمكن توصل لنهار معادش تعقل فيه روحك..!!
و لهنا منيش نحكي على جسديا أو صوريا!!
لهنا نحكي على عقليتك.. و كيفاش ترى الأمور.. و شنوة تنجم تعمل.. و شنوة تحب تعمل.. و العباد إلي تحب تتعامل معاهم.. و إلي وقتيا معادش عندك الطاقة باش تاخذ و تعطي معاهم...
. ساعات في مراحل معينة من الحياة تتعدى بتحديات حاسمة تمصلك بارشة من طاقتك الجسدية و الروحية و النفسية.. و بالشوية بالشوية تولي أكثر حساسية نوعا ما تجاه بارشة تصرفات.. كلام.. طلبات.. لقاءات..
و لهنا منيش نحكي على حالة اكتئاب.. نحكي على تعب و إرهاق يخليوك تحب تنطوي نسبيا و تدخل قوقعتك.. تفهم روحك.. تواسي روحك.. تحلم و تخطط مع روحك..
مذابيك أقل جوجمة.. و أقل برامج.. و أقل احتكاك بالناس..
نحب نقلك كان حسيت إلي إنت في حاجة باش تقعد مع روحك.. متحشمش.. على خاطر حتى حد مينجم ياخذ بلاصتك و إلا يحس الي تحس فيه و يستوعب إلى تتعدى بيه.. و أكيد الي بالحق يحبك و يعزك باش يبقى يكنلك المودة و التقدير.. رغم قلة التواصل و البعد.. و باش يتفهم.. و يخليك على راحتك.. و يحيى الغربال الحياتي.. أكيد باش يبقى يصفي و إن شاء الله ربي يسخر لنا ديما من يخافه فينا 🤲🌹✨



عيد أضحى مبارك على جميع الأمة الإسلامية. شخصيا، عيد السنة بطعم مختلفخاصة بعد ما كونت عائلة وقررت نخوص غمار تحديات تقاليد...
06/06/2025

عيد أضحى مبارك على جميع الأمة الإسلامية. شخصيا، عيد السنة بطعم مختلف
خاصة بعد ما كونت عائلة وقررت نخوص غمار تحديات تقاليد الكوجينة و نظافة الدار بعد الذبيحة.. أكيد بارشة تعب لكن في نفس الوقت فرحة اللمة ممزوجة بحماس و امتنان 😍
نتمنالكم جميعا عيد خير و بركة و سلام..

إن شاء الله إلي حب و ما قدرش على أضحية السنة ربي يرزقه على قد نيته الطيبة و إلى قدر و سعى بش يخلص لله في القيام بشعائر العيد المقدسة ربي يتقبل منه و يبارك له 😇🤲

وربي يفرج كربة كل مهموم و يشفي كل مريض و يرحم موتانا العزاز الله ولي التوفيق للجميع 💖🌹



.... الرضا و القناعة بالنسبة لبارشة ناس مفاهيم تخوف أكثر ملي تحفز..!! على خاطر في معظم الأحيان نربطوهم بالكسل.. و الخوف....
22/05/2025

.... الرضا و القناعة بالنسبة لبارشة ناس مفاهيم تخوف أكثر ملي تحفز..!! على خاطر في معظم الأحيان نربطوهم بالكسل.. و الخوف.. و العجز.. و الفشل..!!

في حين إنه لو كان نحاولوا ننظروا من زاوية إيجابية.. نلقاوا إلي الرضا و القناعة مش بالضرورة باش يضروا الأهداف و الطموح الكبير و غيره.. كان بلحق نابعين عن إرادة صادقة..

لكن من ناحية أخرى التذمر الدائم و السخط المتواصل على الواقع ما ينجم كان يأثر سلبا على النفسية و يحبط العزيمة.. خاصة كان نعتبروا رواحنا في سباق تنافسي مع الآخر.. وين وصل و شنوة حصل و وين ماشي..

لهنا نحب نقول إلي صحيح ساعات النفسية تكون نسبيا هشة و قد تتسلل وسوسات و هلوسات مستفزة..

فلهنا مذابينا الوقت و الطاقة إلي باش نهدروهم في تأمل إنجازات الآخرين بفضول.. نسخروهم لمصلحتنا الخاصة.. باش نقربوا لأرواحنا أكثر.. و نحينوا توجهاتنا و مخططاتنا الحياتية المختلفة..

فلهنا بالحق نمن إنه - ألف خطوة و لا تنڨيزة - تفعيلها مفيد.. و في التأني السلامة و العجلة الندامة.. كل إنسان و خطوته و كل إنسان و حكايته الروحية و العملية.. 🌹✨



.. و لوهلة تاقف على حقيقة إنك عايش في وهم تأجيل تحقيق السعادة حسب مقاييس منظور اجتماعية غيرية بحتة..!!شنوة معناها؟!! معن...
09/05/2025

.. و لوهلة تاقف على حقيقة إنك عايش في وهم تأجيل تحقيق السعادة حسب مقاييس منظور اجتماعية غيرية بحتة..!!
شنوة معناها؟!! معناها كل يوم تقول ماني باش نرتاح كان ما نكمل أك الحاجة الفلانية..!!
مانستحق نكون فرحان كان ما نوصل للهدف الفلاني..!!
ما نستحق التقدير كان ما نحصل مكانة معينة..!!
ما نكون إنسان محبوب و جذاب كان ما نتمتع بكذا صفات و امتيازات...!!
و نبدا عادة في صراع كبير مع طاقتي.. و جهدي..
و مسؤولياتي.. مع الوقت.. و الأولويات.. و الحسابات.. و المخططات.. إلي يتأجل و يكونلي إحباط.. و إلي يلغى و يخلف حسرة.. و إلي يستنزف الصحة و يشتت التفكير..
و نبداوا نحبوا نوريوا تصويرة مثالية.. و لا غلطة!!
و إلي إنجموا نعملوهم الكل و جونا باهي!
اللهوة برواحنا.. و بديارنا.. و صغارنا على أحسن ما يرام.. مع نجاح ساحق في الخدمة و تحصيل ثروة في وقت قصير.. و السفر و الشوبنغ.. مع المحافظة على علاقة جيدة بالخالق و التخطيط لعمرة.. و تنظيم هوايات تفريغ طاقة و صقل مواهب الأولاد.. هذا الكل يلزم يكون بالتوازي.. و من غير و لا أي تدخلات خارجية.. أو مساعدات أو ما يعرف بالمزايا و لا أي تذمر يذكر..!!

الحاصيلو بشوية.. كفانا تحدي لرواحنا.. و تقليد لغيرنا و تأثر أعمى بصور نمطية أغلبها مروتشة...!!
حاول تسمع روحك.. كان بلحق تحب تحقق حاجات معينة راو قبل كل شيء على خاطرك إنت و لمصلحتك إنت.. و خاصة على قد خطوتك إنت...😇💖🌹✨



عيد ميلادي السنة مختلف جدا عن كل الأعياد الماضية.. و من غير الخوض في التفاصيل.. مؤخرا اكتشفت فيا قدرات كنت نجهلها.. و لك...
21/03/2025

عيد ميلادي السنة مختلف جدا عن كل الأعياد الماضية.. و من غير الخوض في التفاصيل.. مؤخرا اكتشفت فيا قدرات كنت نجهلها.. و لكن مواقف الحياة ساعات تخليك في مواجهة جدية مع تحديات ما عندك وين تهرب منها.. سواءا صحيا.. روحيا.. ماديا.. أو نفسيا..

بعض الوعود إلي عطيتها لروحي قاعدة نحاول نوفي بها.. بشوية بشوية.. و بعض التجارب الصعبة الي كنت نراها أكبر مني.. قاعدة نعيش فيها و نتصالح معاها..

و نحاول نكون أكثر رزانة دون قتل العفوية الفطرية إلي عندي.. نكون أكثر توازن.. و استقلالية..
و إنه نخدم على طاقة الصبر باش نحاول نعززها في شخصيتي.. و نحاول نطور في طاقة التحمل.. و التأقلم.. و نكون مركزة على اللحظة الراهنة دون الإفراط في التخطيط للآتي..

و حقيقة كل عام يتعدى يبدل فيا بااارشة.. و نكتشف فيه فيا قدرات.. و إمكانيات جديدة..
بالحق ساعات معادش نعرفني!! هاذاكة علاش عمرك ما تقول فهمت روحي..!! و هذا أنا..!!
البنادم طول ماهو يتنفس يتغير.. ينقص.. يزيد.. يعرف.. يكتشف.. يتطور.. يتنازل.. يضحي.. و في كل مرحلة حياتية.. قد تتبنى نسخة مختلفة.. و شخصية جديدة اللهم أعلم على مدة صلاحيتها..!!

فصراحة معادش يهمني وقتاش و وين وكيفاش نحتفل..
المهم أنا كيفاش وليت.. 😇🤗💬✨



.. الحقيقة مع الوقت نزيدوا ناقفوا على بارشة حقائق و وقائع.. و نبداوا بالشوية بالشوية نتخلصوا من بارشة أفكار مسبقة و معتق...
05/03/2025

.. الحقيقة مع الوقت نزيدوا ناقفوا على بارشة حقائق و وقائع.. و نبداوا بالشوية بالشوية نتخلصوا من بارشة أفكار مسبقة و معتقدات باتت أوهام..!!

صحيح نرى إنه الدنيا حرب متواصلة.. بينك و بين روحك.. بينك و بين مسؤولياتك و قدراتك.. مع أحلامك.. و طموحاتك..
لكن الدنيا زادة فيها لحظات هدنة لازم نعيشوها.. استراحات محارب نتمتعوا فيها بإنجازاتنا.. نستوعبوا إبتلاءاتنا.. نعدلوا فيها أفكارها و إنتظاراتنا و نستشرفوا نسبيا مستقبلنا..

و خلينا خاصة ديما واقعيين مفماش استقرار و سلام دائمين.. على خاطر لهنا في المقابل لازم فما حرص و سعي متواصلين باش نعيشوا نوعا ما سلام دنيوي.. و إلي أكيد أول ما يبدا من طريقة تحليلنا للأمور.. و تفاعلنا مع واقعنا.. و ما ينتج عنه من مبادرات.. و إنجازات..

و الله ولي التوفيق للجميع 🌹✨


.. و مع مرور السنوات ناقفوا على هشاشة و سطحية الكثير من البرامج التعليمية الي تربينا عليها.. فما مواد نعتقد إنه مش باش ...
15/01/2025

.. و مع مرور السنوات ناقفوا على هشاشة و سطحية الكثير من البرامج التعليمية الي تربينا عليها.. فما مواد نعتقد إنه مش باش تصادف نستحقوها أصلا..!! و مواد باقي غامضة و مسقطة..!!
و خاصة قداش تمنيت يعلمونا آداب و فنون التواصل مالصغرى.. تقبل و التأقلم مع الإختلافات.. كيفية تفادي و معالجة الخلافات.. بعض قواعد إدارة الوقت.. المشاعر .. و تنظيم الأولويات.. و كيفية اتخاذ القرارات.. تحليل البروفيلات و الذكاء العاطفي و الإجتماعي.. و غيره و غيره....!!!
على خاطر مبعد بالنسبة لبارشة ناس باش تفهم الي نوعية الدروس هاذي باش تتكلفلها غااااالية معنويا ماديا و نفسيا...
و لهنا بصفتي أم إن شاء الله في المستقبل نحاول نزيد نثقف روحي و نأطر أولادي على بكري.. و نصيحتي للأولياء راو مش الفايدة ولدك مهف في الحسابات.. و طيارة في اللغات..!!
المهم شنوة باش يعمل بيهم.. و كيفاش باش يصنع من نفسه إنسان فطن.. متوازن.. و مسؤول و ناجح في عينين نفسه قبل محيطه..







___-----------------_________--------________
. Et avec le temps On se rend compte de la superficialité et la vragilité de beaucoup de programmes éducatifs.. Des matières souvent inutiles..! Et des programmes dont une partie peut rester floue et absurde..!!

J'ai tellement souhaité apprendre dès mon jeune âge l'étiquette et l'art de la communication, Comment accepter et s'adapter aux différences... comment prévenir et éviter les désaccords... la gestion du temps... les sentiments... et l'organisation des priorités.. La prise de décisions.. L'analyse des profils et l'intelligence émotionnelle et sociale..
Et beaucoup d'autres clefs de vie et survie.. !!
Car plus t**d on découvre que ce type de leçons nous coûtent très très cher au niveau physique.. normal.. Et psychique..!!

Et là en tant que maman, Je vais faire mon mieux pour améliorer toujours ma culture.. Et bien encadrer mes enfants..
Mon conseil cadeau pour vous parent.. Même si votre enfant est super intelligent en mathématiques ou excellent en langues.. L'essentiel comment il peut en profiter !!..
Comment bâtir une version humaine attentive.. équilibrée.. responsable.. Et fière dans ses yeux pas seulement au niveau de son entourage..!!





ودااعا عزيزي 2024.. قداش كنت سريييع بالنسبة ليا.. قداش تعلمت منك.. و كبرت.. و اتغيرت خاصة معنويا و روحيا.. في مدة قياسية...
31/12/2024

ودااعا عزيزي 2024.. قداش كنت سريييع بالنسبة ليا.. قداش تعلمت منك.. و كبرت.. و اتغيرت خاصة معنويا و روحيا.. في مدة قياسية..!! و ممكن أنا انغمست في مهام بنسق عالي و بصفة منتظمة لدرجة إنه الوعي بالزمن عندي اختلف على قبل..
مخي ولى تقريبا كل ثانية يفكر.. شنوة عملت.. و شنوة نسيت.. و شنوة يلزمني نعمل.. و وقتاش و كيفاش.. حياتي السنتين إلي فاتوا معادش ملكي وحدي.. خذيت على عاتقي مسؤولية كبيرة و دقيقة.. إنه نأسس عايلة طيبة و متوازنة و نختبر مهمة الأمومة بدوام كامل.. خاصة إنه الطفل في عمر أقل من 3 سنوات نرى إنه في حاجة ماسة لوالديه حتى يشتد عوده و يبدا بشوية بشوية يبني شخصيته.. يكتشف العالم.. و يبني ثقة عالية تخوله يستقل نسبيا..
الحقيقة قراري إنه نتفرغ للعائلة -للأمانة- مكانش ساهل بالكل خاصة إنه أنا مالناس الي طبعها ديناميكي.. عندي طموح.. و منحبش الروتين.. و لكن اكتشفت إنه خدمة ربة بيت صعيييبة.. و أشق من مختلف التجارب الدراسية و العملية إلي خضتها في حياتي..
و لهنا صحيح قررت نخصص و نكرس سنوات من حياتي أساسا للعائلة متخلية على استقلالية مادية و امتيازات اجتماعية.. إلا أنه و -الحمد لله على حكمة الله قبل كل شيء- لازمني نشكر رفيق الدرب إلي رغم عثرات الحياة و الضغط اللي يعيش فيه الشعب التونسي اقتصاديا و اجتماعيا.. و.. و... إلا أنه أثبت إنه إنسان مسؤول و جدي.. و إنه العائلة في هرم أولوياته.. و كذلك نثمن دعم الوالدة و والدين زوجي.. و مختلف أفراد العائلة و لو بكلمة طيبة..
و أكيد ما فماش حياة مثالية.. و الكلنا نمروا بابتلاءات صحية.. مزاجية.. و غيره..
و لكن.. عموما نحمد ربي على لطفه.. و رحمته.. في كل مراحل حياتي ..

كلمة مني ليك.. عمرك ما تقول منجمش و إنت تحب تجرب.. و إلا تتسرع في الحكم على روحك.. و إلا تدخل في مقارنات سلبية معيقة.. أو تحصر روحك في قالب معين.. إستخير ربي و توكل.. و بحول الله تتسهل الأمور.. و تتلاشى العقبات..

نتمنالكم في العام جديد من كل قلبي ربي يناولكم ما في بالكم كانه في صالحكم و يكونلكم عام سعيد مبروك عليكم أجمعين 🥰🌹✨️



اليوم نحب نقول كلام من القلب للقلب..! راو طول ما نحنا عايشين.. الدنيا باش تبقى تعطي فينا بإستمرار في دروس حياتية مختلفة....
15/12/2024

اليوم نحب نقول كلام من القلب للقلب..!
راو طول ما نحنا عايشين.. الدنيا باش تبقى تعطي فينا بإستمرار في دروس حياتية مختلفة.. إلا أنه لهنا درجة الفهم و الإستيعاب متاعنا أكيد باش تختلف حسب العمر.. الحالة النفسية.. درجة الوعي.. و الخبرة المكتسبة.. و غيره من العوامل..!!

فمذابينا نخليوا كل وقت ياخو وقته.. و نتأملوا مليح في الإشارات و الرسائل اللي تقدمهالنا الدنيا.. و إلي أكيد ثمنها باش يختلف من شخص لشخص.. و من إطار لإطار..!

على خاطر كان باش نسكروا عينينا و نتجاهلوا الواقع.. فما احتمال كبير إنا نسقطوا في فخ اللامبالاة و نكران الحقيقة.. و التكلفة يمكن تكون غالية نوعا ما لاحقا.. عاجلا أو آجلا..!!
و كان زادة باش ناخذوا الأمور بجدية مبالغ فيها.. يمكن نوصلوا لدرجة الإكتئاب الحاد.. و حرق الأعصاب.. إلىي هو زادة عواقبه المعنوية و الجسدية وخيمة بدرجة عالية..!!

الحاصيلو.. نحاولوا قد ما نجموا اتباع منهج لا إفراط و لا تفريط.. و خير الأمور أوسطها.. مع إيلاء قيمة طيبة لدور الحدس و الجانب الروحاني عند إتخاذ قرارات مصيرية نوعا ما..

و الله يوفق الجميع يا رب العالمين 💖 🤲 🌹



.. بارشة فينا الله غالب يبداوا يضيعوا في طاقة كبيرة في التذمر .. و مقاومة الواقع.. في وقت الأجدر فيه التحليل الموضوعي لل...
03/12/2024

.. بارشة فينا الله غالب يبداوا يضيعوا في طاقة كبيرة في التذمر .. و مقاومة الواقع.. في وقت الأجدر فيه التحليل الموضوعي للأمور.. البحث السريع عن الحلول.. اللجوء للإستشارات.. و الإنطلاق في السعي تفكيرا.. ثم فعلا.. للتغيير.. التعديل.. و التطوير..

و هذا راو ميعنيش إنه أحيانا كيف نمروا بفترات ركود معينة.. فهذا لازم يحيلنا ضرورة لرفض الإطار إلي موجودين فيه.. و النفور من ما نطلق عليه '' منطقة الراحة'' ٠٠، و إلي هو كيف تجي تشوف أمر قد يكون مما لا مفر منه.. و فترة زمنية و مكانية باش تاخذ فرصتها في حياتك حتى لو كان اللاوعي متاعك مش قابلها و مش عاجبته نوعا ما..

الحاصيلو.. مختصر الحديث.. نعرف مش الناس الكل باش تنتبه و إلا تكون سريعة الهضم للكلام هذا.. و لكن أكيد فما إلي باش يحسه و يستوعبه و يرى قداش يشبه للي مر به سابقا أو قاعد يمر به حاليا..

و الله يوفقنا و ينور دربنا جميعا 🌹✨




Address

Tunis

Opening Hours

Monday 09:00 - 19:00
Tuesday 09:00 - 19:00
Wednesday 09:00 - 19:00
Thursday 09:00 - 19:00
Friday 09:00 - 19:00
Saturday 09:00 - 17:00

Telephone

+21654933737

Website

Alerts

Be the first to know and let us send you an email when Azza Meddeb - Hopeful Azza posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Azza Meddeb - Hopeful Azza:

Shortcuts

Share

Category