08/04/2026
مع إنك أجمد وأفخم مكان
وكمان عندك أحدث تكنولوجي
محدش بيشترى منك !!
المفاجأه ان العميل مش بيشترى الفخامة
لكن بيشترى راحة بال و تجربة سهلة
و مكان يخليه ميفكرش كتير
و خصوصًا لو زبونك VIP
فمعادلته بتكون بسيطة جدًا
راحة و سهولة و سرعة و مفيش وجع قلب
كل حاجة مفهومة ومترتبة و واضحة من غير مجهود
لكن بتحاول تثبت فخامتك بشكل مبالغ فيه
بكلام معقد وتفاصيل و تكنولوجيا محتاجة شرح
وكأن العميل لازم ينبهر الأول قبل ما يرتاح
فأحب ابشرك ان دة سبب رئيسى لانك مش هتبيع
محدش بيحب يحس إن اللى قدامه بيتصنع عليه
عشان يقنعه إنه الأفضل
وفى الـ Healthcare تحديدا
الفخامة الزايدة للاسف كتير بتبقى حاجز ذهني عملاق بيعطل قرار الشراء لو انت مش قادر توفر
جنبها Patient Experience قوية جدا بنفس شكل فخامتك اللى انت بانيها
العميل مش بيختارك عشان عندك أحدث جهاز
هو مش هيشتريه يافندم
هو هيشترى راحة البااااااال
ما دام قررت تبقى فخم ظاهرياً
يبقى مهم جدا تفهم ان الفخامة هى أنك
تخلى كل شيء يبان طبيعي جدا
وسهل بشكل رهيب رغم أن وراه
نظام شديد الاحتراف و مليان تفاصيل
و ساعتها عميلك مش هيختار غيرك
