Lifecreative

04/06/2023

02/05/2023

01/12/2023

#التجارة
اليو بغيت نفيدكم فهاد الموضوع وللناس اللي باغين يتحركو فالتجارة سوا بالقليل ولا الكتير ... المهم التجارة كلنا كنعرفو باللي وصا عليها الرسول صلى الله عليه وسلم ولكن بزااف ديال الناس معارفينش باللي هي واحد العالم اللي وخا تقرا عليه فأرفع المدارس وأجود المعاهد يلا معندكش التجربة راه معمرك غتكون كتبيع وتشري ... جيت باش ندوي على شي نقط مهمة باش دخل لعالم التجارة ...

1-
معمرك دخل لشي مجال ونتا مكتفهم فيه والو ويلا كان عاجبك شي ضومين وبغيتي توكل فيه عالله شوف شي واحد ينصحك ولا يعاونك وخا غا بالخبرة ديالو (مع العلم أن الخبرة هي أهم حاجة فأي مجال) حيت هي الأساس كتكون عارف منين دخل ومنين تخرج .. وتشوف شي واحد اللي تحس بيه معقول هو اللي ينصحك

2- #الموقع
أول حاجة خاصك تفكر فيها هي الموقع ديال المحل فين خاصو يكون وماشي كاع المواقع صالحة داكشي على حساب أش غدير فيه وشنو نوع التجارة اللي غدير فيه ، نعطيك مثال واش بوتيك تاع حوايج هي دروكري ؟ بطبيعة الحال لا الدروكري غتمشي تفتحو فمنطقة يلاه كتبنى ماشي موبل واحد ولا جوج المهم تكون شابكة بني غتخدم مزيان ، ولكن يلا فتحتي بوتيك تما غتكون غا كتخربق ... (تقدر تفتحها تما مور ميتبنا داك السيكتور ويسكنو فيه الناس وتولي الدنيا عمرة ديك الساعة ممكن)

3-
مخصكش تشري السلعة غالية كيفما كان النوع ديالها ديما حاول تقلب ديما على اللي يبيع ليك السلعة رخيصة شويا دور فالسوق وسول ولا قول شي واحد كتعرفو ينعت ليك شي واحدكيدير ثمن مزيان باش نتا يكون عندك هامش الربح زايد شويا مثلا يلا ربحتي درهم فالبياسة ماشي هي يلا ربحتي فيها 2 دراهم .. ومن جهة خرى باش حتى يلا كان حداك شي منافس كتكون شاد معه السوق غتقوليا كيفاش غنشد معه السوق ؟ نعطيك مثال واحد البياسة خديتيها ب 6 دراهم خاصك تبيعها ب 8 دراهم باش تاخد فيها 2 دراهم ديالك ولكن واحد آخر تلقاه خداها غير 5 دراهم وكيبيعها ب7 هاهو ناقص عليك درهم وسي نورمال الكليان يمشيو عندو حيت ناقص درهم ولكن فالنفس الوقت تا هو رابح 2 دراهم حيت البلان كامل كاين فالشرا عاد البيع ...

4- #المعاملة
قبل مدخل لعامل التجارة خاصك تكون زوين فالمعاملة ديالك طرونكيل يكون وجهك مطلوق البشاشة ماشي معبس ومغوبش ومكرررف بحالا غارقين ليك الباطوات أنا ماشي كنقول تبقا حال فمك وهاها ومخصكش تكعا نو على بنادم غا لحم ودم كلشي كيكعا ولكن على حساب بنادم كاين اللي ضحك ليه فوجهو وتهضر معه زوين كيجبو الحال وكيرجع عندك مرة خرى وهانتا كسبتي كليان وكاين اللي كيجي عوال يصرطك هاد النوع نوضها معاه سانكايم من الاول باش يجمع راسو وميلقاكش زبدة حيت يلا لقاك زبدة مشيتي فخنشة مقطعة .. المهم عينك ميزانك مرة هكا 😊 مرة هكا 😒 ومعمرك تفكر ضارب وسط المحل ديالك حيت السمعة ديالك هي السمعة ديال المحل ونتا جاي باش ترزق الله وتطور راسك ماشي باش ضارب

5- #النظافة
النظافة بلا مندوي عليها كلشي عارف باللي النقا هو كلشي نتاو براسك تمشي عند شي واحد تلقاه موسخ وخا كاع تشري عندو هاد المرة ولكن مغترجعش عندو مرة خرى خصوصا داكشي ديال الماكلة ...
بس النظافة كتشملك حتى نتا ماشي غا المحل 🙏

6- #الصبر
التجارة كتبغي الصبر ماشي تبغي تبدا تشد الفلوس بالعرّام من الديبار هادشي راه مكاين حتى فشي دومين إلا يلا كنتي كتاجر فالممنوعات ولا كتشفر ديال الناس هنا ممكن (ولكن داكشي مكيدومش) التجارة بجميع أنواعها كتبغيك تكون عندك القناعة والصبر تقدر تربح غا شويا فالاول وخا غا شي بركة قليييييلة بزااف ولا متربح والو (تخلص غا الكرا ديال المحل يلا كنتي كاري) ولا تقدر تخسر فيه كاع بمعنى آخر شويا ديال الريسك شويا ديال المغامرة يلا مغامرتيش ومعشتيش التجربة راك مغديش تزيد القدام ومغديش تستافد من الأخطاء ديالك باش تزيد القدام ديك الساعة يا إما غتبدل المعاملة ولا تبدل الموقع ولا تبدل كاع نتا نوع المشروع عينك ميزانك على حساب التجربة المهم بنادم ميستسلمش وبروفيتي فالأخطاء ويزيد القدام ...

7- #المعقول
هاحنا وصلنا للمعقول وصلنا للصَّح ، خليت هاد النقطة هي اللخرة باش متنساش حيت المعقول هو أهم حاجة فهادشي كامل والله ومكنتي معقول لا سخر ليك الله فداكشي للي كدير تقدر طرافيكي وتشلهب فالاول وامشي بعيد ولكن كون متأكد راك مغتستمرش حيت المعقول هو اللي كيدوم كنتي داخل جاهل وباغي تربح بمرة رتك غتخسر بمرة ...

مقال زوين للمشاركة مع الجميع.
حظ موفق في عالم التجارة... 🍀🍀🍀🍀🍀

#نصائح


#التجارة

اليو بغيت نفيدكم فهاد الموضوع وللناس اللي باغين يتحركو فالتجارة سوا بالقليل ولا الكتير ... المهم التجارة كلنا كنعرفو باللي وصا عليها الرسول صلى الله عليه وسلم ولكن بزااف ديال الناس معارفينش باللي هي واحد العالم اللي وخا تقرا عليه فأرفع المدارس وأجود المعاهد يلا معندكش التجربة راه معمرك غتكون كتبيع وتشري ... جيت باش ندوي على شي نقط مهمة باش دخل لعالم التجارة ...

1-
معمرك دخل لشي مجال ونتا مكتفهم فيه والو ويلا كان عاجبك شي ضومين وبغيتي توكل فيه عالله شوف شي واحد ينصحك ولا يعاونك وخا غا بالخبرة ديالو (مع العلم أن الخبرة هي أهم حاجة فأي مجال) حيت هي الأساس كتكون عارف منين دخل ومنين تخرج .. وتشوف شي واحد اللي تحس بيه معقول هو اللي ينصحك

2- #الموقع
أول حاجة خاصك تفكر فيها هي الموقع ديال المحل فين خاصو يكون وماشي كاع المواقع صالحة داكشي على حساب أش غدير فيه وشنو نوع التجارة اللي غدير فيه ، نعطيك مثال واش بوتيك تاع حوايج هي دروكري ؟ بطبيعة الحال لا الدروكري غتمشي تفتحو فمنطقة يلاه كتبنى ماشي موبل واحد ولا جوج المهم تكون شابكة بني غتخدم مزيان ، ولكن يلا فتحتي بوتيك تما غتكون غا كتخربق ... (تقدر تفتحها تما مور ميتبنا داك السيكتور ويسكنو فيه الناس وتولي الدنيا عمرة ديك الساعة ممكن)

3-
مخصكش تشري السلعة غالية كيفما كان النوع ديالها ديما حاول تقلب ديما على اللي يبيع ليك السلعة رخيصة شويا دور فالسوق وسول ولا قول شي واحد كتعرفو ينعت ليك شي واحدكيدير ثمن مزيان باش نتا يكون عندك هامش الربح زايد شويا مثلا يلا ربحتي درهم فالبياسة ماشي هي يلا ربحتي فيها 2 دراهم .. ومن جهة خرى باش حتى يلا كان حداك شي منافس كتكون شاد معه السوق غتقوليا كيفاش غنشد معه السوق ؟ نعطيك مثال واحد البياسة خديتيها ب 6 دراهم خاصك تبيعها ب 8 دراهم باش تاخد فيها 2 دراهم ديالك ولكن واحد آخر تلقاه خداها غير 5 دراهم وكيبيعها ب7 هاهو ناقص عليك درهم وسي نورمال الكليان يمشيو عندو حيت ناقص درهم ولكن فالنفس الوقت تا هو رابح 2 دراهم حيت البلان كامل كاين فالشرا عاد البيع ...

4- #المعاملة
قبل مدخل لعامل التجارة خاصك تكون زوين فالمعاملة ديالك طرونكيل يكون وجهك مطلوق البشاشة ماشي معبس ومغوبش ومكرررف بحالا غارقين ليك الباطوات أنا ماشي كنقول تبقا حال فمك وهاها ومخصكش تكعا نو على بنادم غا لحم ودم كلشي كيكعا ولكن على حساب بنادم كاين اللي ضحك ليه فوجهو وتهضر معه زوين كيجبو الحال وكيرجع عندك مرة خرى وهانتا كسبتي كليان وكاين اللي كيجي عوال يصرطك هاد النوع نوضها معاه سانكايم من الاول باش يجمع راسو وميلقاكش زبدة حيت يلا لقاك زبدة مشيتي فخنشة مقطعة .. المهم عينك ميزانك مرة هكا 😊 مرة هكا 😒 ومعمرك تفكر ضارب وسط المحل ديالك حيت السمعة ديالك هي السمعة ديال المحل ونتا جاي باش ترزق الله وتطور راسك ماشي باش ضارب

5- #النظافة
النظافة بلا مندوي عليها كلشي عارف باللي النقا هو كلشي نتاو براسك تمشي عند شي واحد تلقاه موسخ وخا كاع تشري عندو هاد المرة ولكن مغترجعش عندو مرة خرى خصوصا داكشي ديال الماكلة ...
بس النظافة كتشملك حتى نتا ماشي غا المحل 🙏

6- #الصبر
التجارة كتبغي الصبر ماشي تبغي تبدا تشد الفلوس بالعرّام من الديبار هادشي راه مكاين حتى فشي دومين إلا يلا كنتي كتاجر فالممنوعات ولا كتشفر ديال الناس هنا ممكن (ولكن داكشي مكيدومش) التجارة بجميع أنواعها كتبغيك تكون عندك القناعة والصبر تقدر تربح غا شويا فالاول وخا غا شي بركة قليييييلة بزااف ولا متربح والو (تخلص غا الكرا ديال المحل يلا كنتي كاري) ولا تقدر تخسر فيه كاع بمعنى آخر شويا ديال الريسك شويا ديال المغامرة يلا مغامرتيش ومعشتيش التجربة راك مغديش تزيد القدام ومغديش تستافد من الأخطاء ديالك باش تزيد القدام ديك الساعة يا إما غتبدل المعاملة ولا تبدل الموقع ولا تبدل كاع نتا نوع المشروع عينك ميزانك على حساب التجربة المهم بنادم ميستسلمش وبروفيتي فالأخطاء ويزيد القدام ...

7- #المعقول
هاحنا وصلنا للمعقول وصلنا للصَّح ، خليت هاد النقطة هي اللخرة باش متنساش حيت المعقول هو أهم حاجة فهادشي كامل والله ومكنتي معقول لا سخر ليك الله فداكشي للي كدير تقدر طرافيكي وتشلهب فالاول وامشي بعيد ولكن كون متأكد راك مغتستمرش حيت المعقول هو اللي كيدوم كنتي داخل جاهل وباغي تربح بمرة رتك غتخسر بمرة ...

مقال زوين للمشاركة مع الجميع.
حظ موفق في عالم التجارة... 🍀🍀🍀🍀🍀

منقول