07/29/2024
أنا مي ابوجبل, بعالج الناس اللي عندها مشاكل نفسيه، أنا (هيبنوثيرابيست Hypnotherapist)... هي الكلمه غريبه شويه بس معناها بسيط جدا.
“هيبنوثيرابي Hypnotherapy” هي كلمتين.. "هيبنو" معناها الاتصال بالعقل الباطن و "ثيرابي" هو قيادة العقل الباطن لإحداث تغيير جذري دائم .
يا تري ايه أهمية الاتصال بالعقل الباطن؟
العقل الباطن هو المكان اللي بتتكون فيه كل مشاكلنا النفسية و بالتالي لو عاوزين الحل يكون جذري و دائم لازم نبدأ من هناك.
خلينا نبتدي الحكايه من الاول.. عقل الإنسان بينقسم لجزئين.. العقل الباطن و هو بيمثل ٩٠٪ من عقلك و العقل الواعي و هو بيمثل ١٠٪ بس .
العقل الباطن هو المسئول عن كل العمليات اللا تطوعيه اللي بتحصل في الجسم زي التنفس ، دقات القلب، الهضم ،التئام الجروح،.مقاومة الجراثيم …الخ
العقل الباطن هو اللي فيه الذاكرة اللانهائية لكل حاجه حصلت في حياتك منذ ولادتك و حتي قبل الولاده من و انت لسه في الرحم.
العقل الباطن هو اللي بيتكون فيه قيمك، أخلاقك ،مبادئك ،مخاوفك علي هيئة "برامج" بتحكم و توجه بصوره مباشره كل تصرفاتك البسيط منها و المعقد .
أوضح لكم بمثال.. خلينا نقول ان في إنسان عاوز يتخلص من وزنه الزائد.. الإنسان ده عارف كويس اوي ازاي يحسب السعرات الحرارية و ماشي علي دايت و منظم أكله و بقي منتظم في الجيم و ابتدي فعلا ينزل في الوزن .. اسبوع في التاني ابتدي الإنسان ده تدريجيا يكسل، ميروحش الجيم و يبوظ أكله و يزيد تاني في الوزن ..
ايه اللي حصل؟
اللي حصل ان كل الحاجات اللي عملها سواء جيم و للا دايت دي حاجات منطقيه .. و التفكير المنطقي ده تفكير العقل الواعي اللي هو بيمثل ١٠٪ بس من عقله ..
يعني يادوبك حل ١٠٪ بس من المشكله..
طيب و ال٩٠٪ الباقيه اللي هي عقله الباطن أخبارها ايه؟
قلنا قبل كده ان العقل الباطن بيشتغل علي هيئة "برامج" بتحكم و توجه بصوره مباشره كل تصرفات الإنسان البسيط منها و المعقد .
عقله الباطن فيه برنامج بيقول " انت وزنك زائد فلازم تفضل تأكل عشان متقلِّش عن الوزن ده".. لو الإنسان مغيرش البرنامج ده حيلاقي صعوبه كبيره جدا انه ينزل في الوزن . عقله الباطن حيقاوم الهدف ده لأنه ببساطه مش شبه البرنامج الموجود.
باختصار.. احلام العقل الباطن أوامر..
عقلك الباطن فيه برامج بتحكم كل سلوكك .. و اي برنامج موجود في عقلك الباطن ده برنامج واجب النفاذ.. و الموضوع ده ليه عيوب و مميزات. ..
عيبه انك كل ما حتحاول تعمل اي تغيير في حياتك .. عقلك الباطن حيقاومك بشده عشان تفضل زي ما انت و ما تخرجش عن البرنامج اللي موجود..
قيس علي ده اي هدف عاوز توصله.. زي التخلص من الوزن الزائد ،التوقف عن التدخين ، عاوز تتعلم لغه جديده أو تغير شغلك حتلاقيك فاقد للشغف و الحماس و عمّال تأجل و الوقت بيضيع و مبتعملش اي حاجه عشان توصل لأهدافك.. (هي دي مقاومة العقل الباطن.)
و قيس برضه علي ده كل المشاكل النفسيه اللي عندك زي الاكتئاب و الخوف و الفوبيا و الصدمات و القلق و التوتر و الضغط العصبي ومشاكل النوم و العلاقات العاطفيه الغير ناجحه و عدم الثقة في النفس و الالام او الاعراض الجسدية المزمنه المصاحبه للمشاكل النفسيه.. القائمه لا نهائيه.. و كل المشاكل دي بتتكون اساساً في العقل الباطن.
نيجي بقي للميزه الرائعه ..تخيل لو ان البرنامج الموجود في العقل الباطن ده إيجابي و لصالحك برضه حيبقي برنامج واجب النفاذ.. تخيل لو البرنامج ده انك مثلا شغوف بشغلك جدا و بتحبه حتلاقيك بتعمله بمنتهي السهوله بدون اي كسل او مقاومه و بتنجح فيه نجاح باهر و طموحك فيه ملوش حدود حتبقي بجد unstoppable.
او لو البرنامج انك بتاكل صحي و بتحب الجيم، حتلاقيك مش بتعاني و انت بتنظم أكلك و لا عمّال تجبر نفسك تروح الجيم ،.. العكس تماما هو اللي حيحصل حتلاقيك اتوماتيك منظم أكلك و بتروح الجيم و انت مبسوط و متحمس.
لو عندك هدف، لازم.. لازم، الهدف ده يماثل البرنامج اللي في عقلك الباطن يا اما عقلك الباطن حيرفض الهدف ده وحيقاومه و حتلاقيه صعب التحقيق جدا حتلاقي نفسك مكتئب، كسلان، تعبان، عمّال تأجله و بتضيع وقتك علي الفاضي ..
تخيل لما ٩٠٪ من عقلك واقف ضدك و بيقاومك ؟!!!
اما بقي لو عقلك الباطن موافقك علي نفس الهدف حتلاقي نفسك بدل ما تحاول تحقيق الهدف ده ب ١٠٪ بس من عقلك .. حيبقي معاك ١٠٠٪ من كل عقلك و كيانك و طاقتك و تركيزك و كل خليه من جسمك موجهه لتحقيق الهدف ده..
أظن مفيش في الدنيا احسن من كده!
أنا كا هيبنوثيرابست لما بيجيلي كلينت عنده مشكله نفسيه او هدف عاوز يحققه او عاوز يغير عاده او سلوك سيء عنده ، هدفي الاول من خلال الثيرابي هو الاتصال مع عقله الباطن عشان اعرف هو ليه بيقاوم التغيير و ليه حابس الإنسان ده جوه حالة الاكتئاب او التوتر او الخوف.. بنعرف السبب و نحلله فالبرنامج بيتغير ..باختصار أنا بساعد الكلينت انه يتخلص من المقاومه Resistance اللي بتظهر في صورة مشكله نفسيه زي قلق ، توتر ، اكتئاب، كسل و احيانا آلام او اعراض جسديه مزمنه.
المقاومة اللي واقفه في طريقه و بتمنعه انه يعيش حياته بصوره طبيعيه زي ما هو يحب .. اول ما يتخلص من المقاومه دي بيلاقي نفسه بيحقق هدفه بكل سهولة و الشىء الرائع اللي بيحصل ان المشكله بتختفي و حتي الآلام او الاعراض الجسدية المزمنه برضه بتختفي.
النتيجه فعلا بتكون رائعه جدا لدرجة اني لمَّا بنتهي من الثيرابي بسأل الكلينت "يا تري ايه المشكله دلوقت؟" الكلينت يرد في منتهي التعجب و السعاده و يقول "مكنش في مشكله!!!"
أنا معالجه معتمده (Certified Hypnotherapist) و جهة اعتمادي هي اهم و اقدم كلية للهببنوثيرابي في امريكا و هي (Hypnosis Motivation Institute) و مقرها في كاليفورنيا. اتخرجت منها مع مرتبة الشرف و تم اعتمادي لمعالجة حالات كتير منها : التعافي من الصدمات ( Trauma Recovery ) التعافي من الاحزان ( Greif Recovery ) حالات القلق و المخاوف ( Anxieties and Fears) الالام الجسديه المزمنه المصاحبة للمشاكل النفسية ( Pain Management ) نقص التركيز و فرط الحركه ( Attention Deficit and Hyperactivity Disorder ) التوقف عن التدخين ( Smoking cessation ) كما تم اعتمادي كممارس للبرمجه اللغوية العصبيه( Certified Practitioner of Neuro Linguistic Programming ).
أنا عشت معظم حياتي في امريكا.. اتعلمت الهيبنوثيرابي هناك و اخدت فيه شهادات كتير جدا .. السيشنز بتاعتي اونلاين و ده خلاني اعمل سيشنز مع ناس من جميع أنحاء العالم سواء ناطقين بالعربيه او الانجليزيه و الحمد لله غيرت حياة ناس كتير خليتهم سعداء و أقوياء و مقبلين علي الحياة وعندهم امل و طموح و ناجحين في حياتهم العمليه و الخاصه و طبعا اهم حاجه ان الثيرابي معايا مفيهوش اي أدويه نهائياً.
ايه اللي بيميزني عن اي ثيرابيست تاني؟
اللي بيميزني ان اللي بقدمه مختلف عن كل اللي موجود
-مش بقعد معاك بهدف أني أشخّصك و أديك دوا و ده لان الدوا مش دايما بيكون الحل .. في أحيان كتير بيكون مجرد مسكِّن للعَرَضْ مش علاج للمشكله الاساسيه ، و للأسف المشكله الاساسيه بتفضل زي ما هي حتي مع أخد الدوا لسنين طويلة.
-مش حسمَّعلك نظريات و لا نصايح.. شوف انت بقالك كام سنه بتسمع نصايح و مفيش اي حاجه اتغيرت.
-مش حقدملك علاج سلوكي و لا هوم ورك ولا كورس من عشر فصول تحطه في الدرج و متعملش منه حاجه.
-مش حقولك "ساعد نفسك" لأنك لو كنت قادر تعمل ده لوحدك كنت عملته.
-اللي بقدمه مختلف عن كل ده
بقدملك علاج حقيقي و بشتغل معاك بصوره مكثفه و قويه للوصول لجذور المشكله (Root Cause) السبب الرئيسي اللي بيخلي عقلك حابسك جوا الحاله دي و مخليك مش قادر تعيش حياتك بشكل طبيعي... عشان مش هدفي انك تتعايش مع مشكلتك .. هدفي انك تتخلص منها للأبد ..الوصول لأصل المشكله هو النقطة اللي يبدأ عندها التغيير الجذري وبداية الحل الحقيقي و النتيجه انك بتتحرر من مشكلتك بنسبة ١٠٠٪ .. يعني التشخيص و العلاج بيحصل في نفس الوقت.
-كل حاجه عندي بتتعمل جوا السيشن .. مش مطلوب منك اي حاجه .. كل اللي عليك تعمله انك تيجي في معادك و تجاوب علي أسئلتي
-بشتغل مع كلينت (واحد بس) في اليوم لاني عاوزه اوفر له كل اهتمامي و كل المساحه اللي هو محتاجها و عشان كده المواعيد المتاحه عندي محدوده جدا
-السيشن بتكون مكثفه و قويه و غير مقيده بوقت و ده السبب ان الكلينت بيشوف معايا نتائج سريعه.
-السيشن بتكون اونلاين (زووم فيديو كول).. حتقدر توصللي من اي مكان في العالم بضغطة زرار و حتحس كأنك قاعد في مكتبي بالظبط .
-أنا معالجه معتمده( Certified Hypnotherapist ) و جهة اعتمادي هي اهم و اقدم كليه للهيبنوثيرابي في امريكا (Hypnosis Motivation Institute) و مقرها في كاليفورنيا .
-خبره ٨ سنين في العلاج النفسي
-ريفيوهات ممتازه لكلينتس من جميع أنحاء العالم (تقدر تشوفها علي صفحتي.)
-تقييمي علي جوجل خمس نجوم
