06/04/2026
✍🏻 လူ့သဘာဝက မကောင်းမှုမှာ ဘာကြောင့် ပျော်မွေ့တတ်ကြသလဲ✨
လူတွေဟာ ကောင်းတဲ့သတင်းထက် မကောင်းတဲ့သတင်းကို ပိုစိတ်ဝင်စားကြပါတယ် …
ချီးကျူးတဲ့သတင်းတစ်ခုထက်
အငြင်းပွားစရာ သတင်းတစ်ခုက
ပိုပြီးမြန်မြန် ပြန့်နှံ့သွားတတ်ပါတယ်
ဒါဟာ လူတွေ မကောင်းလို့ မဟုတ်ဘူး
စိတ်ပညာမှာ "Negativity Bias" လို့ ခေါ်တဲ့ သဘောတရားတစ်ခုရှိတယ် …
လူ့ဦးနှောက်က ကောင်းတဲ့အရာတွေထက် အန္တရာယ်ရှိနိုင်တဲ့ အရာတွေ မကောင်းတဲ့ အတွေ့အကြုံတွေကို ပိုသတိထားမှတ်မိအောင် တည်ဆောက်ခံထားရတာ ဖြစ်ပါတယ် …
ရှေးခေတ် လူသားမျိုးနွယ်တွေက အန္တရာယ်တွေကြားမှာ အသက်ရှင်ရတဲ့အခါ
"လှပတဲ့ပန်းတစ်ပွင့်" ကို သတိမထားမိလို့ ဘာမှမဖြစ်ပေမယ့် …
"အဆိပ်ရှိတဲ့ မြွေတစ်ကောင်" ကို သတိမထားမိရင် အသက်ဆုံးရှုံးနိုင်တယ်ဆိုတာကို ကောင်းကောင်းနားလည်နိုင်ကြပါတယ် …
အဲဒီလို ရှင်သန်ရေးအတွက် လိုအပ်ခဲ့တဲ့ ဦးနှောက်ရဲ့ လုပ်ဆောင်ပုံက
ဒီနေ့ခေတ်အထိ ကျန်ရှိနေသေးတာပဲဖြစ်ပါတယ် …
ဒါကြောင့် လူတွေဟာ
အပြစ်တင်သံတွေကို ပိုမှတ်မိတယ်
အရှုပ်အရှင်းတွေကို ပိုစိတ်ဝင်စားတယ်
အငြင်းပွားမှုတွေကို ပိုအာရုံစိုက်တယ်
ဒါပေမယ့်...
လူသားတွေရဲ့ အားသာချက်က
ကိုယ့်ရဲ့ သဘာဝကို နားလည်ပြီး ရွေးချယ်နိုင်စွမ်း ရှိတာပါပဲ
မကောင်းတဲ့အရာကို စိတ်ဝင်စားမိတာက သဘာဝဖြစ်ပါတယ် …
ဒါပေမယ့်
ကောင်းတဲ့အရာကို တန်ဖိုးထားဖို့
ကူညီပေးတဲ့လက်ကို မှတ်မိဖို့
လောကကိုအကျိုးပြုတဲ့ စကားတွေကို ဖြန့်ဝေဖို့ကတော့
ကျမ တို့ရဲ့ ရွေးချယ်မှု ဖြစ်ပါတယ် …
ဦးနှောက်က မကောင်းတာကို အရင်မြင်နိုင်တယ်
ဒါပေမယ့် နှလုံးသားက ကောင်းတာကို ရွေးချယ်နိုင်တယ် …
အဲဒီရွေးချယ်မှုကပဲ လူသားကို လူသားဖြစ်စေတာဖြစ်ပါကြောင်း ချစ်မိတ်ဆွေများအား ချစ်ခင်စွာမျှဝေတင်ပြအပ်ပါတယ် …
Credit:
