Avantaj.uz

25/06/2021

«БУХГАЛТЕРИЯ ҲИСОБИ ТЎҒРИСИДА»ги янги тахрирдаги қонуннинг 24-моддасида "Агар юридик шахс (бюджет ташкилотларидан ташқари) 1 октябрдан кейин рўйхатга олинган бўлса, биринчи ҳисобот йили кейинги йилнинг 31 декабрида тугайди" дейилган. Ушбу моддада ёзилганлардан кўплаб солиқчиларнинг ҳабари йўқ. Агар корхонангиз йилнинг 4-чорагида очилган бўлса ҳам, йиллик молиявий ҳисоботларни (баланс ва молиявий натижалар тўғрисида ҳисобот) топширишингиз талаб қилинади. Амалиётда ҳисобот топширмаганларга ҳисобот топширмаганда кўриладиган чоралар ҳам қўлланилганига гувоҳ бўлганмиз. 2021 йил 1-октябрдан кейин рўйхатдан ўтадиган фирмалар 2021 йил учун молиявий ҳисоботларни топширмайдилар.

07/06/2021

21/05/2021

Яшайдиган уйингиз манзилига фирма очманг!

Ҳозирги кунда янги очилган фирмаларнинг юридик манзили таъсисчининг уй манзили бўлиб чиқмоқда. Бу нотўғри. Турар жойдан фақат яшаш мақсадларида фойдаланиш мумкин. Ижара шартнома қилинса ҳам уйдан тадбиркорлик мақсадида фойдаланиш мумкин эмас. Тадбиркорлик учун нотурар бинолардан фойдаланиш керак.
Тадбиркорликни бошланишидан хато билан бошламанг!

#бухгалтерузбекистан #бухгалтерудаленно

20/05/2021

Корпоратив карта орқали тўлов қилсангиз ЭХФ талаб қилинг, ЭҲФ беролмаганлардан товарлар сотиб олманг!

СКнинг 47-моддасига мувофиқ сотувчи корпоратив пластик карта ёрдамида харид қилиш чоғида харидорнинг талабига биноан ЭҲФни тақдим этиши шарт. Амалиётда ҳали ҳам қоғоз шаклида фактура бериш ҳолатлари учраб турибди. Бу нотўғри. Қоғоз шаклидаги фактуралар кирим ҳужжати сифатида тан олинмайди ва тўланган пуллар корпоратив карта сақловчисининг шахсий эхтиёжига ишлатилган деб топилиб, даромад солиғи тўланишиги олиб келиши мумкин.

#бухгалтерузбекистан #бухгалтерудаленно

20/05/2021

100 милллион сўм моддий ёрдам олса ҳам бўлади, фақат...

Моддий ёрдамнинг максимал ёки минимал миқдори, унинг берилиши мажбурийлиги тўғрисида қонун ҳужжатлари мавжуд эмас. Ҳар бир корхона ўзининг молиявий имкониятига қараб ҳодимларига моддий ёрдам бериши мумкин ёки умуман бермаслиги ҳам мумкин. Моддий ёрдам берилган тақдирда СК 378 моддада кўрсатилган миқдордаги қисми даромад солиғидан озод қилинади, ундан ошган қисми эса солиққа тортилади.

#бухгалтерузбекистан #бухгалтерудаленно

18/05/2021

Суғурта учун қилинган ҳаражат ойма-ой ҳисобга олинади!

Аксарият бухгалтерлар суғурта учун ўтказилган маблағни ҳаммасини ўша пайтни ўзида тўлиқлигича ҳаражатга олиб борадилар. Бу нотўғри. Суғурта даври қанча бўлса, мос равишда тенг улушларда ойма-ой суғурта харажати тан олиниши керак. Масалан, кредит олишда суғурта хизматидан фойдаландингиз ва 3 млн сўм тўлов қилдингиз. Кредит муддати 3 йил. Агар кредитни муддатидан аввал тўлаб бўлсангиз, айтайлик 2 йилда, қолган бир йил учун суғурта тўловини (1 млн) суғурта компаниясидан қайтариб олишингиз мумкин.

#бухгалтерузбекистан #бухгалтерудаленно

17/05/2021

Алимент миқдори қанча?

Алимент суд томонидан белгиланганда отанинг (онанинг) ҳар ойдаги иш ҳақи ва (ёки) бошқа даромадининг қуйидаги қисмича ундирилади

бир бола учун — 25 %;
икки бола учун — 33 %;
уч ва ундан ортиқ бола учун - 50 %;

Лекин ҳар бир бола учун ундириладиган алимент миқдори қонун ҳужжатлари билан белгиланган меҳнатга ҳақ тўлаш энг кам миқдорининг 26,5 фоизидан кам бўлмаслиги керак.

Демак, ҳозирги кунда бир бола учун алиментнинг ЭНГ КАМ миқдори, 747 300 сўм х 26.5% = 198 034,5 сўм!

https://t.me/BuxgalteriyaXizmati

13/05/2021

РАМАЗОН ҲАЙИТИ МУБОРАК БЎЛСИН!

Тортиқ бўлсин сизга дуо-саломлар,
Дуода энг гўзал, ширин каломлар.
Илоҳо уйингиз нурларга тўлсин,
Рамазон Ҳайитингиз муборак бўлсин!

Яқинларингизни қилинг зиёрат
Ўқиган намозингиз бўлсин ижобат
Энг яхши ишингиз бўлсин ибодат
Ҳайит айёмингиз бўлсин муборак!

12/05/2021

Онлайн НКМ ёки терминаллар Асосий Восита эмас!

Агар корхонангиз ҳисоб сиёсатида Асосий воситалар қиймати учун пастроқ қийматлар белгиланмаган бўлса, сотиб олинган санада БҲМнинг 50 баробаридан арзон қийматдаги товар моддий бойликлар Асосий восита деб ҳисобланмайди. НКМ ва терминалларни инвентар ва хўжалик жиҳози сифатида 1080 счётга кирим қилиш зарур. Техник хизмат кўрсатиш бўйича ҳар ойлик харажатлар унинг қийматига киритилмайди. Ушбу харажатлар 9410 счётда юритилади.

05/05/2021

Кирувчи счет-фактураларни текшириб кейин қабул қилинг!

Кирувчи счет-фактурада контрагентингиз сизнинг ҚҚС кодингизни ёзмаган бўлса, ушбу счет-фактура ҚҚС хисоботининг қабул қилинган счет-фактуралар реестрида акс этмайди ва фактурадаги ҚҚС суммаси хисобга (зачет) олинмай қолади!