Tadbirkorlikni rivojlantirish agentligining Qash vil vakolatli ofisi

12/10/2021

Tovar belgisini ro‘yxatdan o‘tkazish qoidalari o‘zgardi

⚡️⚡️ Adliya vazirining buyrug‘i bilan tovar belgisi va xizmat ko‘rsatish belgisini ro‘yxatdan o‘tkazish uchun talabnoma tuzish, topshirish va ko‘rib chiqish qoidalariga o‘zgartish va qo‘shimchalar kiritildi.

📋 Talabnoma beruvchining xohishiga ko‘ra talabnomaning ekspertizasi vakolatli organ tomonidan tezkor tartibda, ya'ni talabnoma ko‘rib chiqishga qabul qilinganligi to‘g‘risida qaror chiqarilgan kundan e'tiboran bir oy mobaynida o‘tkazilishi bilan to‘ldirildi. Bunda talabnomaning ekspertizasini tezkor tartibda o‘tkazish talabnoma beruvchining bu haqdagi iltimosnomasiga asosan amalga oshiriladi. Iltimosnoma vakolatli organga talabnoma bilan bir paytda yoki u topshirilgan sanadan e'tiboran 3 oy davomida taqdim qilinishi kerak.

®️ Ifodalangan belgini ekspertizadan o‘tkazish Adliya vazirligi huzuridagi Intellektual mulk agentligi tomonidan amalga oshiriladi (“Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi qonunning 15-moddasi).

❇️ Belgilanishicha, ifodalangan belgining muhofazaga layoqatlilik axborotini izlash rasmiy ekspertiza yakunlangan kundan boshlab 10 kun ichida amalga oshiriladi. Uning natijalari bo‘yicha hisobot tuziladi, unda quyidagilar aks ettiriladi:

🔹 izlash o‘tkazilgan talabnoma raqami;
🔹 talabnoma topshirilgan sana;
🔹 talabnomada ko‘rsatilgan belgining tovar va xizmatlarning xalqaro klassifikatsiyasi bo‘yicha sinflari;
🔹 axborotni izlash o‘tkazilgan belgining tasviri;
🔹 ma'lumotlar bazalari, lug‘atlar, maxsus adabiyotlar ro‘yxati;
🔹 bibliografik ma'lumotlar ko‘rinishidagi axborotni izlashga aloqador hujjatlar, muayyan sinflarga havolalar;
🔹 axborotni izlash yakunlangan sana.

❇️ Belgilanishicha, ommaga ma'lum bo‘lgan har qanday ma'lumotlar axborot izlashning hajmiga kiritilishi mumkin.

A’zolik👇
Telegram (https://t.me/TadbirkorQashvil)

12/10/2021

Tadbirkorlarga oshxonasi mavjud bo‘lmagan maktablar binosidan ijara to‘lovisiz foydalanishga ruxsat beriladi

🔰 Vazirlar Mahkamasining “Umumiy o‘rta ta'lim muassasalarida sog‘lom ovqatlantirishni tashkil etishni yanada takomillashtirish chora-tadbirlari to‘g‘risida”gi qarori loyihasi e'lon qilindi.

✨ Oshxonasi mavjud bo‘lmagan umumiy o‘rta ta'lim muassasalari o‘quvchilari uchun arzon, sifatli va sog‘lom ovqatlanish jarayonini tashkil etish maqsadida, Xalq ta'limi vazirligi xulosasiga asosan umumiy ovqatlanish xizmati sohasida kamida ikki yillik tajribaga ega bo‘lgan tadbirkorlik sub'yektlariga eng maqbul takliflarni tanlash orqali mazkur ta'lim muassasalari hududida oshxona faoliyatini yuritish uchun bino va inshootlar hamda yer maydonidan 5-10 yillik muddatga ijara to‘lovisiz foydalanish bo‘yicha umumiy o‘rta ta'lim muassasalari rahbarlari bilan to‘g‘ridan to‘g‘ri shartnoma tuzishga ruxsat beriladi.

❇️ Bunda, tadbirkorlik sub'yektlariga o‘quvchilar uchun sifatli oziq-ovqat mahsulotlari va taomlar tayyorlash hamda ularni arzon narxlarda sotish, oziq-ovqat mahsulotlari va taomlarning xavfsizligi va sifatini kafolatlash, oziq-ovqat mahsulotlari va taomlarni tayyorlashda hamda oziq-ovqat xomashyosini saqlashda sanitariya qoidalari, normalari va gigiyena normativlariga qat'iy rioya etish majburiyatlari yuklanadi.

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari Xalq ta'limi vazirligi bilan kelishilgan holda:

🔹 2021-2025 yillarda umumiy o‘rta ta'lim muassasalarida oshxonalarning faoliyatini tashkil etish bo‘yicha umumiy o‘rta ta'lim muassasalarining budjetdan tashqari mablag‘lari, qonunchilik hujjatlarida taqiqlanmagan homiylik xayriyalari hisobidan hududiy manzilli dasturlarni ikki oy muddatda ishlab chiqadi va belgilangan tartibda tasdiqlaydi;

🔹 umumiy o‘rta ta'lim muassasalari hududida fuqarolar tomonidan noqonuniy qurilgan va tegishli hujjatlarsiz oshxonalar sifatida faoliyat olib borayotgan talab darajasida bo‘lgan binolarni umumiy o‘rta ta'lim muassasasi balansiga olish, talab darajasida bo‘lmagan binolarni buzish choralarini ko‘radi.

A’zolik👇
Telegram (t.me/TadbirkorQashvil) | Instagram ()

09/10/2021

✨ Joriy yilning 11-oktabr kuni “Savdoni oshirish sirlari” mavzusida biznes-treninga tadbirkorlarni taklif etamiz.
⏰ Boshlanadi: 10:00
🏢 Manzil: Qarshi shahar Madaniyat boshqarmasi binosi
Murojaat uchun: 📞 91-950-95-59

07/10/2021

Endilikda koʻchmas mulk boʻyicha shartnomalarni E-ijara dasturiga kiritish majburiy boʻladi

⚡️⚡️ 2022-yil 1-yanvardan yuridik shaxslar koʻchmas mulkni ijaraga berish (olish) yoki tekin foydalanish shartnomalarini davlat soliq xizmati organlarida elektron shaklda hisobga qoʻyishi belgilandi. Bu haqda Davlat soliq qoʻmitasi matbuot xizmati xabar berdi.

❇️ Yangi tartibga koʻra shartnomalarini ushbu dastur orqali hisobga qoʻymaslik soliq xavfining yuqori mezoni sifatida baholanadi va QQS guvohnomasi vaqtinchalik toʻxtatilishi yoki QQS toʻlovchi sifatida roʻyxatdan oʻtish uchun arizasi rad etilishiga sabab boʻladi.

Shuningdek, Soliq qoʻmitasi koʻchmas mulk ijara shartnomalarini davlat soliq xizmati organlarida hisobga qoʻyish interaktiv xizmati — E-ijara dasturi sinovdan oʻtkazilayotganini eslatib oʻtgan. Dastur orqali soliq toʻlovchilar 2020-yil 1-yanvardan eʼtiboran tuzilgan shartnomalarni hisobga qoʻyishi mumkin.

🔴 Maʼlumot uchun, “Mening holatimni tekshirish” xizmati test jarayonidaligi sababli yuqoridagi holat yuzasidan QQS guvohnomasi bekor qilinmaydi yoki vaqtincha toʻxtatilmaydi.

A’zolik👇
Telegram (t.me/TadbirkorQashvil)

Mazkur kanalda tadbirkorlikni rivojlantirishga oid yangiliklar, maslahat va tajribalar to'g'risida ma'lumot berib boriladi. Murojaat uchun: t.me/TadbirkorQashvil www.facebook.com/fbTadbirkorQashvil/ instagram.com/TadbirkorQashvil

07/10/2021

Jahon banki Oʻzbekiston YaIM oʻsishi prognozini yaxshiladi

⚡️⚡️ Jahon banki Oʻzbekiston YAIM oʻsishi prognozini 4,8% dan 6,2% ga oshirdi.

🔹 Oʻsishga investitsiya, savdo va pul oʻtkazmalarining tiklanishi yordam beradi.

❇️ Taʼkidlanishicha, ijtimoiy yordamni kengaytirish, qishloq infratuzilmasini yaxshilash va emlash xarajatlarini kengaytirishga qaratilgan davlat investitsiyalari 2021-yilda davlat xarajatlarini koʻpaytirishda davom etadi.

✨ Ushbu xarajatlar soliq tushumlari va xususiylashtirish daromadlarining oʻsishi hisobiga qoplanadi.

A’zolik👇
Telegram (t.me/TadbirkorQashvil) | Instagram (TadbirkorQashvil)

07/10/2021

O'zbekiston Quruqlik portlari to'g'risidagi bitimga qo'shildi

⚡️⚡️ Prezident tomonidan 5.10.2021 yildagi BMT Osiyo va Tinch okeani iqtisodiy va ijtimoiy komissiyasining «Quruqlik portlari» toʻgʻrisidagi hukumatlararo bitimiga Oʻzbekistonning qoʻshilishi haqidagi PQ-5256-son qaror imzolandi.

🔹 2013 yil 1 mayda Bangkokda tuzilgan Bitimning asosiy maqsadi Osiyo va Tinch okeani mintaqasi mamlakatlarining хalqaro ahamiyatga ega «quruqlik portlari» tarmogʻini rivojlantirish siyosatini muvofiqlashtirishdan iboratdir.

🔸 Xalqaro ahamiyatga ega «quruqlik porti» deganda bir yoki undan ortiq transport turlari bilan bogʻlangan, qayta ishlash, vaqtincha saqlash va хalqaro savdo jarayonida tashilayotgan yuklarni qonuniy talablarga koʻra koʻrikdan oʻtkazishda hamda tegishli bojхona nazorati funksiyalari va rasmiylashtirishni amalga oshirishga moʻljallangan logistik markazga ega mamlakat hududlaridagi joy tushuniladi.

✨ Bitimda хalqaro ahamiyatga ega «quruqlik portlari» roʻyхati, shuningdek ularni rivojlantirish va ulardan foydalanish tartib-taomillari belgilangan.
🔰 Transport vazirligi mazkur shartnomani amalga oshirish yuzasidan vakolatli organ etib belgilandi.

🔴 Hujjat Qonun hujjatlari ma’lumotlari milliy bazasida e’lon qilingan va 5.10.2021 yildan kuchga kirdi.

A’zolik👇
Telegram (https://t.me/TadbirkorQashvil) | Instagram (Tadbirkorlikqashvil)

Mazkur kanalda tadbirkorlikni rivojlantirishga oid yangiliklar, maslahat va tajribalar to'g'risida ma'lumot berib boriladi. Murojaat uchun: t.me/TadbirkorQashvil www.facebook.com/fbTadbirkorQashvil/ instagram.com/TadbirkorQashvil

06/10/2021

2021-yil 1-oktabrdan boshlab qonunchilikdagi o'zgarishlar

✅ Soliq stavkalari o‘zgaradi

🔹 Ayrim ishlab chiqariladigan alkogol' va tamaki mahsulotlari turlariga soliq stavkalari oshiriladi.
🔹 sement (klinker) ishlab chiqaruvchilar uchun foyda solig‘ining stavkasi 20 dan 15%gacha pasaytiriladi.

✅ QQS summalarini hisobga olishning yangi tartibi joriy etiladi

🔹 Eksport qilinadigan tovarlar ishlab chiqaruvchisi O‘zbekistondagi bank hisobvarag‘iga chet el valyutasi tushumi kelib tushishidan qat'i nazar kiruvchi QQSni hicobga olishi mumkin.

✅ Yangi soliq va ma'muriy yengilliklar

❌ Quyidagilar bekor qilinadi:

🔹 qat'iy belgilangan miqdordagi JShDS to‘lovchisi bo‘lgan yakka tartibdagi tadbirkorlar tomonidan soliq organlariga soliq hisobotini topshirish majburiyati;
🔹 alohida tayyor import iste'mol tovarlarining bojxona deklaratsiyasi rasmiylashtirilgan sanadan keyin 12 oy o‘tgach sotuvga qo‘yilishi hamda chakana savdoda realizasiya qilinishiga qo‘yilgan taqiq;
🔹 davlat boshqaruvi organlari va mahalliy davlat hokimiyati organlarining bir qator nazorat funksiyalari.

✅ Eksportni qo‘llab-quvvatlash

🔹 Eksportni rag‘batlantirish agentligi yillik eksport hajmi $20 mln dan oshgan korxonalarga bir martalik moliyaviy resurslar $5 mln gacha miqdorda taqdim etishni boshlaydi. Resurslar eksport bilan bog‘liq savdo operatsiyalari va eksportoldi moliyalashtirish kreditlari uchun tijorat banklari orqali bir yilgacha muddatga taqdim etiladi;
🔹 oxirgi 12 oy davomida $1 mln dan ortiq tayyor to‘qimachilik mahsulotlarini eksport qilgan korxonalar asosiy va yordamchi ishlab chiqarishi uchun butlovchi buyumlar, xom ashyo va materiallar olib kirishda bojxona to‘lovlarini to‘lash bo‘yicha foiz hisoblanmagan hamda ularning to‘lanishini ta'minlash talab etilmagan holda 120 kunga to‘lovni kechiktirish (bo‘lib-bo‘lib to‘lash) imkoniyatiga ega bo‘lishdi;
🔹 yuqori sifat va nazorat tizimiga ega mamlakatlardan sertifikatlangan va deklaratsiyalangan asbob-uskuna, butlovchi qismlar, xom ashyo, o‘lchov vositalari, kimyoviy reagentlar, ko‘tarish moslamalari va transport vositalari importida milliy sertifikat olish talabi bekor qilinadi.

✅ Bojxona sohasida yangiliklar

🔹 DBQning Toshkent, Sirdaryo, Qashqadaryo va Xorazm viloyatlari bo‘yicha boshqarmalarida toifadan tashqari maqomga ega bo‘lgan masofaviy elektron deklaratsiyalash bojxona postlari ochiladi. Ular TIF ishtirokchilari tomonidan taqdim etilgan elektron BYuDning masofaviy bojxona rasmiylashtiruvini amalga oshiradi;
🔹 chegara bojxona postlaridagi inspeksion ko‘rik majmualari (rentgen) bilan ishlash guruhlari xodimlariga zararli mehnat sharoitlari uchun Davlat byudjeti mablag‘lari hisobidan lavozim maoshining 40%i miqdorida har oylik ustama beriladi.

✅ Investisiya loyihalarini qo‘llab-quvvatlash

🔹 Investorning qiymati 200 mlrd so‘mdan oshadigan, uning o‘z mablag‘lari ulushi 25%dan kam bo‘lmagan loyihalari zarur tashqi muhandislik-kommunikasiya tarmoqlari bilan Davlat byudjeti mablag‘lari hisobidan ta'minlanadi.

✅ Elektron onlayn-auksionlarni o‘tkazishning yangi qoidalari

🔹 Auksion natijalari bo‘yicha pul mablag‘lari «Elektron onlayn-auksionlarni tashkil etish markazi» DUKning maxsus hisobraqamida yig‘iladi va auksion g‘olibi tomonidan ob'ekt qabul qilinganligi tasdiqlangandan so‘ng, ular buyurtmachi hisobraqamiga o‘tkaziladi.

A’zolik👇
Telegram (t.me/TadbirkorQashvil)
Instagram (Tadbirkorlikqashvil)

06/10/2021

Tadbirkorga berilgan subsidiya qo‘shimcha 20 nafar xotin-qizni doimiy ish bilan band qildi

✨ Bandlik va mehnat munosabatlari vazirligi huzuridagi jamoat ishlari jamg‘armasi hisobidan “Imonaxon FAXRIDDINOVNA” oilaviy korxonasiga 70 million so‘m miqdoridagi 15 dona tikuv mashinalari subsidiya asosida berildi.

- Shu kunga qadar korxonamizda 31 nafar kishi doimiy ish bilan band edi, - deydi tadbirkor Nargis Eshdavlatova. Ushbu tikuv mashinalari bilan qo‘shimcha 20 nafar kishining bandligi ta'minlanmoqda. Shuningdek, xotin-qizlarimiz uyida turib ham bizga buyurtmaga ko‘ra mahsulot tayyorlab berib daromad olishini yo‘lga qo‘ydik. Faoliyatimizni kengaytirib, eksportga ham mahsulotlar chiqarishni maqsad qilganmiz.

🔸 Ochilish marosimida Qamashi tuman hokimi va deputatlar ham ishtirok etib, tadbirkorning ish faoliyati bilan tanishdi.

Tadbirkorlikni rivojlantirish agentligining Qashqadaryo viloyati bo'yicha vakolatli ofisining facebookdagi rasmiy sahifasi.

06/10/2021

Onlayn nazorat kassa mashinalariga oid tartib o‘zgarmoqda, tadbirkorlar ortiqcha to‘lovlardan qutulishi mumkin

⚡️⚡️ Davlat Soliq qo‘mitasi tomonidan ishlab chiqilgan qaror loyihasida onlayn NKMlardan foydalanish uchun bir qator mantiqsiz to‘lovlar bekor qilinishi ko‘zda tutilmoqda.

Davlat soliq qo‘mitasi tomonidan VMning “O‘zbekiston Respublikasi hukumatining ayrim qarorlariga o‘zgartirish va qo‘shimchalar kiritish, shuningdek, ba'zilarini o‘z kuchini yo‘qotgan deb hisoblash to‘g‘risida”gi qarori loyihasi ishlab chiqildi.

Unda Vazirlar Mahkamasining 2019-yil 23-noyabrdagi 943-son qaroriga:

🔹 onlayn NKM yoki virtual kassaga texnik xizmat ko‘rsatuvchi korxonalar tomonidan tadbirkorlik sub'yektlarining talablari bo‘yicha faqat ko‘rsatilgan xizmatlar uchun to‘lov undirilishi lozimligi;
🔹 virtual kassani davlat reyestriga kiritish uchun Davlat soliq qo‘mitasining maxsus hisob raqamiga pul mablag‘i o‘tkazilmasligi;
🔹 onlayn NKM yoki virtual kassani davlat reyestriga kiritish maqsadida “Kiberxavfsizlik markazi” DUK tomonidan ekspertiza xulosasi ariza kelib tushgan kundan boshlab 15 ish kunidan kechiktirmasdan taqdim etilishi to‘g‘risidagi me'yorlar belgilanmoqda.

Tadbirkorlikni rivojlantirish agentligining Qashqadaryo viloyati bo'yicha vakolatli ofisining facebookdagi rasmiy sahifasi.

25/08/2021

Umumiy ovqatlanish korxonalari yer va mol-mulk solig‘ini to‘lashdan ozod qilinadi

“Umumiy ovqatlanish va turizm sohalarini qo‘llab-quvvatlashning qo‘shimcha chora-tadbirlari to‘g‘risida”gi Prezident qarori qabul qilindi.

🔰 Qarorga ko‘ra, koronavirus pandemiyasi davrida umumiy ovqatlanish va turizm sohalarida faoliyat yuritayotgan tadbirkorlarni qo‘llab-quvvatlash maqsadida 2021 yil 1 sentyabrdan:

📅 2021 yil 31 dekabrgacha umumiy ovqatlanish korxonalari yuridik shaxslardan olinadigan yer solig‘i va yuridik shaxslarning mol-mulkiga solinadigan soliqni to‘lashdan ozod qilinadi;

📅 2023 yil 1 sentyabrgacha turistik (mehmonxona) yig‘imini hisoblash va to‘lash to‘xtatiladi.

📑 Umumiy ovqatlanish korxonalari mahalliy davlat hokimiyati organlariga ariza yubormasdan turib, soliq organlarini xabardor qilgan holda tegishli soliq va yig‘imlar bo‘yicha 2021 yil 15 avgust holatiga ko‘ra mavjud qarzdorlikni, shuningdek, barcha soliqlar bo‘yicha jarima va penyalarni 2022 yil 1 yanvardan 1 iyulga qadar foizlarni undirmasdan teng miqdorlarda kechiktirib (bo‘lib-bo‘lib) to‘lashi mumkin.

A’zolik👉 t.me/TadbirkorQashvil
Instagram👉 tadbirkorqashvil
facebook👉 Tadbirkorlikni rivojlantirish agentligining Qash vil vakolatli ofisi

11/08/2021

Qashqadaryo yangi tashkil etilgan korxonalar soni bo‘yicha respublikamizda yetakchilardan biri

2021-yil yanvar-iyul oylarida (fermer va dehqon xo‘jaliklarisiz) jami 61 612 ta korxona va tashkilotlar yangi tashkil etilgan. Davlat statistika qo‘mitasi bu haqda ma'lumot berdi.

📌 Bu o‘tgan yilning mos davriga qaraganda 6 301 taga ko‘p.

📍 Hududlar kesimida yangi tashkil etilgan korxonalar soni:

🔹Toshkent shahri – 10 296 ta
🔹Qashqadaryo viloyati – 7 186 ta
🔹Samarqand viloyati – 6 322 ta
🔹Farg‘ona viloyati – 5 438 ta
🔹Toshkent viloyati – 5 249 ta
🔹Namangan viloyati – 3 838 ta
🔹Andijon viloyati – 3 681 ta
🔹Surxondaryo viloyati – 3 622 ta
🔹Buxoro viloyati – 3 501 ta
🔹Qoraqalpog‘iston R. – 2 859 ta
🔹Jizzax viloyati – 2 771 ta
🔹Xorazm viloyati – 2 685 ta
🔹Navoiy viloyati – 2 663 ta
🔹Sirdaryo viloyati – 1 501 ta

A’zolik👉 t.me/TadbirkorQashvil