03/08/2026
⚠️ Njoftim i rëndësishëm për bizneset
A është bërë i detyrueshëm kalimi nga PEF në SEF?
Ditëve të fundit janë krijuar paqartësi lidhur me kalimin nga Pajisjet Elektronike Fiskale (PEF) në Softuerët Elektronikë Fiskalë (SEF). Për këtë arsye, BerishaConsulting sjell këtë sqarim profesional bazuar në legjislacionin në fuqi.
Sipas Udhëzimit Administrativ (MF) Nr. 01/2026, neni 50, paragrafi 1:
«"Ministri përgjegjës për Financat, me vendim, përcakton tatimpaguesit dhe periudhën e kalimit nga përdorimi i Pajisjeve Elektronike Fiskale/Sistemeve Fiskale në Softuerë Elektronikë Fiskalë."»
Çfarë nënkupton kjo?
✅ Deri më tani nuk është marrë ende vendim që e bën të detyrueshëm kalimin për të gjitha bizneset.
✅ Ende nuk janë përcaktuar kategoritë e tatimpaguesve dhe afatet zyrtare të zbatimit.
✅ Bizneset mund të vazhdojnë përdorimin e Pajisjeve Elektronike Fiskale (PEF) sipas procedurave aktuale.
✅ Kalimi në SEF aktualisht mbetet zgjedhje vullnetare e tatimpaguesit. Nëse një biznes vendos të kalojë në SEF, duhet të zhvillojë edhe procedurën e çregjistrimit të pajisjes fiskale ekzistuese.
Rekomandimi i BerishaConsulting
Mos u nxitoni të bëni investime apo ndryshime operative pa u publikuar vendimi zyrtar i Ministrisë së Financave, i cili do të përcaktojë qartë afatet, kategoritë dhe procedurat e kalimit.
BerishaConsulting do të vazhdojë t'ju informojë me kohë për çdo ndryshim ligjor dhe administrativ, duke ju ofruar këshillim profesional dhe zgjidhje të sigurta për biznesin tuaj.
+383 44 692 308
BerishaConsulting
Kontabilitet • Tatime • Auditim • Konsulencë Biznesi
