22/09/2020
Sqarim
Lekturimi apo korrektimi gjuhësor bëhet me qëllim të përmirësimit të gabimeve gramatikore, në mënyrë që leximi i një punimi, dokumenti të bëhet pa vështirësi, si dhe të jetë i kuptueshëm nga ana përmbajtësore. Pra, detyra e lektorit/es është përmirësimi i gabimeve gjuhësore, duke u ndalur më hollësisht te rregullat e drejtshkrimit dhe shenjat e pikësimit.
Redaktimi është një proces rishikimi që ka të bëjë me anën e përmbajtjes dhe me anën gjuhësore të një punimi. Detyra e një redaktori/e është që t`i japë punimit formën përfundimtare, duke harmonizuar përmbajtjen me shprehjen gjuhësore të saj. Për këtë, redakori/ja heq gjërat që i gjykon si të panevojshme, zëvëndëson fjalë e shprehje me të tjera që kanë një forcë më të madhe shprehëse. Po ashtu, rregullon punimin nga ana sintaksore; rendin e fjalive në periudhë, lidhjen e tyre me paragrafin dhe të paragrafëve me tekstin.
