31/08/2026
Gjatë vizitave në terenë, kryetari z.Besart Dreshaj me bashkëpunëtor vizituan Fabrikën e Miellit ‘M&Sillosi’, ku u njoftuan për punën, rezultatet si dhe standardet e kësaj fabrike, si furnizues ndërkombëtar dhe prodhues më i madh në rajon me miell me cilësi të lartë.
Dreshaj ka përgëzuar menaxhmentin për të arriturat dhe ka ofruar perkrahje si Lidhje e Bizneseve, në rritjen e prodhimtarisë vendore e cila është çelësi i zhvillimit ekonomik të vendit tonë. Gjatë takimit, më drejorin z. Muhaxheri dhe bashkëpunëtoret, diskutuam gjerësisht sfidat me të cilat po përballen bizneset në Kosovë dhe rëndësinë e një përfshirjeje dhe avokimi të përbashkët për adresimin dhe tejkalimin e pengesave strukturore.
Gjatë kësaj vizite ishte vërtetë impresionuese të shihnim nga afër procesin e prodhimit, ku investimet në teknologji moderne kanë transformuar operacionet e fabrikës. I tërë procesi i prodhimit është plotësisht i automatizuar dhe funksionon e kontrollohet rigorozisht në përputhje me standardet më të larta të menaxhimit të cilësisë. Kjo qasje siguron një nivel të shkëlqyer të produkteve, të certifikuara sipas standardeve më të avancuara evropiane. Kjo i ka mundësuar fabrikës të konkurojë me sukses në tregjet e Bashkimit Evropian dhe më gjerë, duke e pozicionuar Kosovën si një aktor të rëndësishëm në ekonominë globale. 🌍✨
Fabrikën e Miellit ‘M&Sillosi’ jo vetëm që ndikon direkt në fuqizimin e ekonomisë së Kosovës, duke mbështetur mijëra fermerë kontraktorë dhe nënkontraktor të punësuarve, ka ndërtuar një zinxhir të fuqishëm furnizimi. Ky bashkëpunim strategjik ka krijuar një efekt të rëndësishëm multiplikativ në ekonominë lokale, duke kontribuar në rritjen e qëndrueshme të vendit. 💪
Suksesi i kësaj kompanie është një dëshmi e fortë e potencialit të jashtëzakonshëm që ofron Kosova në sektorin e prodhimit, duke ndikuar pozitivisht në përmirësimin e tregut të punës, zhvillimin ekonomik dhe ndërtimin e një imazhi pozitiv ndërkombëtar për vendin tonë. 🏅🌟
‘M&Sillosi’ me kapacitete të depozitimit prej 70,000 ton dhe kapacitete të prodhimit prej 600 ton në ditë është njëra nga fabrikat më të mëdha të përpunimit të grurit dhe më modernja në rajon dhe më gjerë.
Kosova ka nevojë për histori suksesi si kjo, dhe asgjë nuk duhet ta pengojë përparimin, përkundrazi, suksesi i tillë duhet të ndriçojë rrugën për të gjithë! 🌠
