Iniciativa për themelimin e një Klubi të Biznesit është synim i kahmotshëm i liderëve të biznesit në Kosovë. Gjatë vitit 2022, si një nismë për të rritur bashkëpunimin e bizneseve kosovare me ato të diasporës, kjo ide ka filluar të jetësohet dhe realizohet. Klubi ka identifikuar anëtarët themeltarë të cilat do të jenë shtyllat kryesore të tij dhe organi më i lartë vendimarrës. Ne synojmë të jemi o
rganizatë biznesore, me një rol qendror në botën e biznesit në Kosovë dhe adresa kryesore e bashkëpunimeve të bizneseve kosovare me ato globale. Qëllimi:
Një ndër qëllimet kryesore të Klubit të Biznesit është thellimi i bashkëpunimit të vazhdueshëm mes bizneseve kosovare me ato globale dhe krijimi i hapësirave të nevojshme për rritje të angazhimit biznesor. Njëherësh, aktivitete që përfshijnë lobim, mbledhje të informacioneve, kërkim dhe vendosje të standardeve të industrive. Kompanitë anëtare do të kenë mundësi që përmes Klubit të Biznesit të çojnë përpara qëllimet e tyre në një gamë të gjerë fushash, nga çështjet rregullatore, hulumtuese e deri tek përmirësimi i imazhit të industrisë. Misioni:
Klubi i Biznesit synon që të siguroj dhe nxis bashkpunimin e sektorit privat me qëllim të rritjes së aktivitetit ekonomik, bashkpunimit ndërkombëtar, kontributit dhe avokimit të një ekonomie të mirëfilltë të tregut. Po ashtu, të ofrojë trajnime dhe edukim që do të përmirësojë suksesin e biznesit të secilit anëtar, të krijojë një atmosferë inkurajimi për anëtarët që të bëjnë biznes mes vete dhe me vendet e tjera evropiane, duke shkëmbyer njohuri, rrjetëzim dhe takime B2B. Vizioni:
Klubi i Biznesit ka për vizion që në një të ardhme të afërt të ketë bashkëpunim të shtuar të marrëdhënieve mes bizneseve kosovare dhe atyre globale, për t’i dhënë ndikimin dhe vëmendjen e duhur zhvillimit ekonomik në Kosovë. Objektivat e Klubit të Biznesit:
• Të ndajë informacione dhe përvoja ndërmjet anëtarëve;
• Të shërbejë si urë lidhëse ndërmjet bizneseve kosovare dhe atyre në diasporë;
• Të koordinojë dhe të pajtohet në çështje të interesit të përbashkët të
anëtarëve;
• Të mbrojë interesat ekonomike dhe të biznesit të anëtarëve;
• Të ofrojë bashkëpunim me institucionet relevante publike të Republikës së
Kosovës;
• Të avokojë për një mjedis të shëndoshë të të bërit biznes;
• Të avokojë për politika të favorshme makroekonomike;
• Të ofrojë propozime dhe sugjerime të politikave ekonomike tek institucionet
relevante;
• Të bashkpunojë me Odat Ekonomike dhe asociacionet e biznesit në vend dhe
më gjerë;
• Të promovojë dhe fuqizoj praktikat e mira të biznesit;
• Të ofrojë informata të sakta dhe kualitative për të mundësuar gjetjen e
partnerëve potencial, partnerëve të jashtëm dhe vendosjen e lidhjeve të
ndërsjella;
• Të ofrojë asistencë profesionale për të përmirësuar dhe avancuar aktivitetin
biznesor të anëtarëve;
• Të përcaktojë rregullat etiko-morale të të bërit biznes për anëtarët;
• Të vendos relacione të mira me media dhe të kontribuojë në informimin e
publikut rreth çështjeve ekonomike dhe të biznesit.
