Ismet R. Mulaj

28/04/2026

Mallkuar qofshi ju deputetë që po e mbani peng Kosovën për inate politike!

Ju jeni deputetë. Keni marrë besimin e popullit dhe merrni paga të majme për të punuar në interes të qytetarëve, jo për teke personale, inate partiake e kalkulime të ulëta politike.

Kosova nuk është Belgjika, nuk është Izraeli, nuk është Italia e as Norvegjia, vende që mund ta përballojnë luksin e krizave të gjata institucionale dhe zgjedhjeve të shpeshta. Kosova është një shtet i ri, i brishtë dhe me sfida të mëdha. Nuk e ka luksin që ju, për kokëfortësi e interesa të ngushta, ta ktheni vendin prapë në zgjedhje.

Ju jeni politikanë. E politika, siç ka thënë Otto von Bismarck: “Politika është arti i së mundshmes.”
Kompromisi nuk është dobësi. Kompromisi është përgjegjësi. Është pjekuri. Është detyrim ndaj popullit që ju ka votuar.

Sot nuk po tregoni as art, as vizion, as përgjegjësi. Po tregoni vetëm provincializëm politik dhe ego personale. Po e mbani peng shtetin për pazare, ndërkohë që qytetarët presin zgjidhje, stabilitet dhe institucione funksionale.

Mjere ky popull kë ka votuar…
Dhe mbajeni mend: historia nuk do t’ju kujtojë si burrështetas, por si politikanë provincialë që, në momentin kur Kosovës i duhej mençuri, zgjodhët inatin.

07/03/2026

Lugu i Butë

17/02/2026

Gjykata Speciale mund t’i dënojë heronjtë e gjallë të Kosovës, por kurrë nuk mund ta ndryshojë historinë. Historia është shkruar me sakrificë dhe gjak, dhe ajo nuk zhbëhet me vendime gjykatash.

Kjo gjykatë u themelua për një qëllim krejt tjetër, ndërsa sot po merret me çështje që largohen nga arsyeja fillestare e krijimit të saj.

Për mua, ky është një rast i paprecedent në botë, që lë shumë pikëpyetje dhe hap debat të thellë në drejtësinë ndërkombëtare.

Gëzuar 17 shkurti.

25/01/2026

10/01/2026

Lumir,

Humbja politike është moment prove, jo vetëm për partinë, por për karakterin e udhëheqësit. Aty ndahet përgjegjësia nga justifikimi, reflektimi nga arsyetimi i gatshëm. Dhe pikërisht këtu po çalon mënyra se si po e trajton LDK-në pas humbjes.

Ka diçka thellësisht jopolitike – madje antifilozofike – në nevojën për ta gjetur fajin gjithmonë jashtë vetes. Te “të tjerët”, te armiqtë, te mercenarët, te rrethanat, te koha e padrejtë. Është më e lehtë ta ndërtosh një narrativë rreth rrethimit sesa ta bësh një autopsi të ndershme të vetes. Por politika serioze nuk ndërtohet mbi alibi.

LDK nuk humbi sepse u sulmua. Partitë nuk bien nga zhurma, por nga heshtja e brendshme. Humbja ndodh kur njerëzit nuk ndihen më të përfshirë, kur anëtarësia nuk e sheh më veten në pasqyrën e lidershipit, kur mesazhi bëhet korrekt, por jo bindës; i pastër, por jo i gjallë.

Kur çdo kritikë etiketohet si komplot, çdo zë ndryshe si shërbëtor i dikujt tjetër, atëherë lidershipi fillon të mbrohet, jo të udhëheqë. Dhe një parti që mbrohet vazhdimisht, e humb aftësinë për të ecur përpara. Faji kolektiv pa përgjegjësi individuale është mënyra më e sigurt për ta ngrirë partinë në vend.

Filozofia politike na mëson se pushteti nuk është justifikim, por barrë. Humbja nuk është padrejtësi, por mesazh. Pyetja nuk është “kush na e bëri?”, por “çfarë nuk kuptuam?”. Jo “pse nuk na votuan?”, por “pse nuk u bëmë të domosdoshëm?”.

LDK ka mbijetuar dekada jo sepse gjithmonë ka fituar, por sepse ka ditur të reflektojë. Ka ditur të heshtë, të mendojë dhe të ndryshojë. Sot i duhet pikërisht kjo: më pak armiq imagjinarë dhe më shumë ndershmëri me veten.

Sepse përgjegjësia nuk e dobëson lidershipin. E legjitimon. Dhe vetëm një lidership që pranon barrën e humbjes, ka të drejtën morale të kërkojë besimin për fitoren tjetër.

05/01/2026

Paradoksi i "Rrugës së Re" – Pse dështoi strategjia e Lumir Abdixhikut?
​Lidhja Demokratike e Kosovës (LDK), dikur shtylla e institucionalizmit në vend, po përballet me një krizë identiteti që u shpërfaq qartë në rezultatet e fundit zgjedhore. Ndonëse Lumir Abdixhiku erdhi në krye si një shpresë për reformë, analizimi i fushatës dhe diskursit të tij nxjerr në pah pesë gabime strategjike që çuan në tkurrjen e mëtejshme të partisë.
​1. Personalizimi i fushatës kundrejt opozitarizmit të shpërndarë
​Një nga gabimet kryesore ishte përqendrimi i tepërt i fushatës rreth figurës së liderit, duke e shndërruar atë në një garë "unë kundër të gjithëve". Ndërsa Abdixhiku projektonte një imazh modern, opozitarizmi real brenda partisë ishte i fragmentuar. Kjo krijoi një paradoks: derisa LDK-ja si parti shënonte rënie, figurat që kishin mbajtur një linjë të qartë dhe të ashpër opozitare arritën të mbledhin vota, duke dëshmuar se elektorati kërkonte konfrontim politik me pushtetin, jo thjesht një imazh estetik të liderit.
​2. Teknokracia si zëvendësim për vizionin politik
​Programi "Rruga e Re" vuajti nga një qasje tepër teknike. Në përpjekje për t’u dukur profesional, Abdixhiku ofroi zgjidhje që ngjanin më shumë me doracakë inxhinierikë sesa me premtime politike frymëzuese.
​Mungesa e prioriteteve: Qytetari mesatar nuk arriti të deshifronte se cili ishte prioriteti i parë: ekonomia, siguria apo arsimi.
​Ambiguiteti ndërkombëtar: Në tema kritike si dialogu me Serbinë apo marrëdhëniet me SHBA-në dhe BE-në, LDK-ja ofroi kritika por jo një alternativë të besueshme që do t'i bënte votuesit të besonin se ata do të vepronin ndryshe nga qeveria aktuale.
​3. "Aderimet e minutës së fundit" dhe mungesa e kohezionit
​Strategjia e aderimeve të reja u tregua e pasuksesshme në terren. Shumica e të ardhurve ishin teknokratë pa bazë elektorale, të cilët u futën në listë pa pasur kohë të integroheshin me strukturat e vjetra të partisë. Kjo krijoi një hendek ndërmjet:
​Veteranëve politikë, që ndiheshin të anashkaluar.
​Të ardhurve të rinj, që pa mbështetjen e drejtpërdrejtë të kryetarit, nuk kishin fuqi mobilizuese. Ky "eksperiment" dështoi të krijonte një kohezion organik, duke e lënë partinë të ndarë në grupe interesi.
​4. Kaosi në ligjërim: Mes kritikës dhe propozimit
​Gjuha politike e LDK-së ishte shpeshherë kontradiktore. Në njërën anë, partia tentonte të ishte korrekte dhe institucionale, ndërsa në anën tjetër, sulmet ndaj LVV-së ishin shpesh të pakoordinuara dhe reaktive. Ky kaos në komunikim bëri që LDK-ja të humbte rolin e "përcaktuesit të temave" (agenda-setter), duke u mjaftuar me reagime ndaj veprimeve të kryeministrit, në vend që të impononte temat e veta.
​5. Pamundësia për të krijuar një narrativë vizuale
​Në epokën e medias sociale, LDK-ja dështoi të prodhonte spote apo mesazhe politike që "ngjiten" në memorien kolektive. Fushatat e tyre ishin sterile dhe me mungesë kreativiteti emocional. Përderisa kundërshtarët përdornin simbole dhe narrativa të fuqishme, fushata e LDK-së mbeti brenda kornizave të zyrave dhe sallave të mbyllura, pa arritur të transmetonte një vizion që zgjon pasion apo shpresë tek qytetarët.
​Përfundim:
LDK-ja e Lumir Abdixhikut tentoi ta modernizojë partinë përmes një fasade teknokratike, por harroi se politika është mbi të gjitha kauzë, emocion dhe terren. Pa një kohezion të brendshëm dhe pa një gjuhë të qartë politike, "Rruga e Re" përfundoi në një rrugë pa krye elektorale.

28/12/2025

Une e votova voten!

24/12/2025

Skam koment.

24/12/2025

Ish-ministri i Tregtisë dhe Industrisë, Ismet Mulaj, për Front Online ka paralajmëruar krizë të thellë energjetike👇👇