IDRA Research & Consulting - Kosova

04/05/2026

IDRA Research & Consulting dhe IDRA Research & Consulting - Kosova, në bashkëpunim me Resilience Solutions dhe me kontraktor GIZ Kosova, është duke implementuar projektin “Vlerësimi i Rreziqeve Natyrore dhe Klimatike, si dhe Hartimi i Planeve për Menaxhimin e Rreziqeve” në komunat e Prizrenit, Gjakovës dhe Gjilanit.

Në kuadër të projektit, janë organizuar punëtori për validimin e të dhënave, koordinimin me institucionet lokale dhe diskutimin e gjetjeve kryesore lidhur me rreziqet natyrore dhe klimatike. Gjatë këtyre sesioneve, pjesëmarrësit kontribuan në validimin e hartave dhe të dhënave ekzistuese, identifikimin e të dhënave që mungojnë, si dhe diskutimin mbi zonat, infrastrukturën dhe komunitetet më të cenueshme.

Punëtoritë gjithashtu shërbyen si platformë për të diskutuar sfidat kryesore në menaxhimin e rreziqeve, pronësinë dhe përgjegjësinë mbi të dhënat, si dhe hapat e ardhshëm drejt hartimit të planeve efektive për menaxhimin e rreziqeve nga fatkeqësitë.

Ky proces synon të mbështesë komunat në forcimin e kapaciteteve lokale, përmirësimin e planifikimit dhe rritjen e qëndrueshmërisë ndaj rreziqeve natyrore dhe klimatike.

04/05/2026

Kemi hapur një pozitë pune për Asistent/e të Hulumtimeve.

Të interesuarit që i plotësojnë kushtet mund të aplikojnë përmes platformës superpuna.

Pozita është me orar të plotë në Prishtinë dhe ofrohet fillimisht me kontratë 6-mujore, me mundësi vazhdimi.

🗓️Afati i aplikimit: 25 maj 2026

🔗 Aplikoni këtu:

superpuna është platformë punësimi e krijuar nga Qeveria e Republikës së Kosovës, në kuadër të skemës së Punësimit të Garantuar për të Rinjtë, e cila do të lehtësojë qasjen e të rinjve në tregun e punës dhe do të ndihmojë bizneset në angazhimin e punëtorëve të rinj.