18/03/2026
*Lamtumirë, Axha Luan!”
Sot, komuniteti arkeologjik i Kosovës dhe të gjithë ata që e njohën dhe e respektuan, janë në zi. U nda nga jeta një nga pionierët e arkeologjisë kosovare, Luan Koçbashliu, njeriu që me pasionin dhe përkushtimin e tij, kontribuoi në zbulimin dhe ruajtjen e trashëgimisë sonë kulturore.
Si pjesë e ekipit të arkeologëve, studentëve dhe puntorëve që punuam bashkë në kalanë e Korishës, e kujtojme me respekt dhe mirënjohje kontributin e tij të çmuar. Axha Luan ishte një mentor i përkushtuar, një arkeolog i pasionuar dhe një njeri i dashur. Ai na mësoi se si të përjetojmë arkeologjinë, si ta ruajmë trashëgiminë dhe si ta ndajmë me të tjerët pasionin për historinë.
Kujtimi për të do të mbetet i gjallë në punën tonë, në zbulimet e reja dhe memorien tonë. Axha Luan, lamtumirë! Pusho i qetë, do të mbetesh përherë në zemrat tona.
