19/12/2018
Me kënaqësi dhe krenari të veçantë Korporata ABI pranoi mirënjohjen “Tatimpagues i vitit” e ndarë nga Oda Ekonomike e Kosovës. Kjo mirënjohje i ndahet kompanisë për herë të dytë, dhe paraqet një vlerësim të çmuar për menaxhmentin dhe familjen e madhe të punëtorëve në suaza të Korporatës ABI.
Këtë vit, Korporata ABI shënon 30 vjetorin e punës së suksesshme duke e begatuar portofolin edhe me një mirënjohje të rëndësishme. Tatimi në të ardhurat korporative është një ndër instrumentet themelore financiare të sigurimit të të ardhurave të buxhetit të shtetit, andaj jemi krenar që me anë të punës sonë të palodhshme dhe tatimeve të obliguara ndaj shtetit, realizohen shumë qëllime zhvillimore të politikave ekonomike, sociale, arsimore, shëndetësore, etj.
Gjatë viteve në vijim, do të vazhdojmë punën tonë të përkushtuar me qëllim që të mundësojmë zhvillim të mirëfilltë të sektorit të biznesit që do të rezultojë me zhvillimin e potencialit ekonomik dhe zhvillimor të Republikës së Kosovës.
