16/06/2021
📋📋 Form E
Form E ເເມ່ນໜັງສືຢັ້ງຢືນຮັບຮອງຈາກແຫຼ່ງກໍາເນີດຜະລິດສິນຄ້າທີ່ຈະຜະລິດສົ່ງອອກຈາກສະມາຊິກປະເທດໃນຂົງເຂດການຄ້າເສລີ ອາຊຽນ-ຈີນ ACFTA (ASEAN-China free trade area) ໂດຍຕ້ອງຄົບມາດຕະຖານໃນຂົງເຂດການຄ້າເສລີ ອາຊຽນ - ຈີນ ທີ່ລະບຸໄວ້ ແລະ ໄດ້ຢັ້ງຢືນຮັບຮອງຈາກແຫຼ່ງກໍາເນີດຜະລິດສິນຄ້າພາຍໃຕ້ ACFTA
ເຮົາຄວນກວດກາເບິ່ງວ່າສິນຄ້າຈະນຳເຂົ້າຈາກປະເທດຈີນສາມາດຂໍ form E ໄດ້ຫຼືບໍ່ ເພາະວ່າສິນຄ້າຫຼາຍຊະນິດໄດ້ຮັບການຫຼຸດຜ່ອນພາສີນຳເຂົ້າ ເຊິ່ງອາດຈະຫຼຸດເຫຼືອ 0% ເເຕ່ກໍ່ບໍ່ເເມ່ນສິນຄ້າທຸກປະເພດທີ່ສາມາດຫຼຸດຜ່ອນພາສີໄດ້ ຕ້ອງຂຶ້ນຢູ່ກັບປະເພດສິນຄ້າທີ່ລະບຸໃນຂໍ້ຕົກລົງ ຂອງ ACFTA ນຳ.
ສິ່ງສຳຄັນຄືລາຍລະອຽດຂອງເອກກະສານນຳເຂົ້າສົ່ງອອກທັງຫມົດນັ້ນຈະຕ້ອງຄືກັນທຸກໂຕອັກສອນບໍ່ວ່າຈະເປັນ bill of landing, commercial invoice, packing list, ທີ່ຢູ່ຜູ້ນໍາເຂົ້າສົ່ງອອກ, ລຳດັບຈັດລຽງສິນຄ້າ, ເຄື່ອງໝາຍສິນຄ້າ ເເລະ ຕົວເລກສິນຄ້າຢູ່ຫີບຫໍ່, ຈຳນວນສິນຄ້າ ເເລະ ຊະນິດຂອງສິນຄ້າ ລວມໄປຮອດລະຫັດພິກັດສິນຄ້າ ( HS code ), ແຫຼ່ງກໍາເນີດຜະລິດສິນຄ້າ, ນໍ້າໜັກລວມ, ເລກທີ ເເລະ ວັນທີຂອງ Invoice ກໍ່ຕ້ອງຖືກຕ້ອງ 100% ຫາກຂໍ້ມູນໃນ form e ບໍ່ຕົງກັນກັບເອກະສານທີ່ຢື່ນປະກອບຄວບຄູ່ກັນໄປ ເຈົ້າໜ້າທີ່ມີສິດປະຕິເສດ form e ເເລະ ບໍ່ອະນຸຍາດຫຼຸດຜ່ອນພາສີສິນຄ້ານໍາເຂົ້າໄດ້.
Form E ມີອາຍຸ 1 ປີ ນັບຈາກວັນທີອອກໜັງສືຮັບຮອງຈາກແຫຼ່ງກໍາເນີດຜະລິດສິນຄ້າ
ອອກໂດຍໜ່ວຍງານທີ່ມີອຳນາດໃນການອອກໜັງສືຮັບຮອງຈາກແຫຼ່ງກໍາເນີດຜະລິດສິນຄ້າຂອງປະເທດຈີນ
ສະເເດງສິນຄ້າບໍ່ເກີນ 20 ລາຍການ
ຈັດພິມເປັນພາສາອັງກິດເທົ່ານັ້ນ
ຂໍ້ມູນທີ່ລະບຸໃນເອກກະສານຕ້ອງຖືກຕ້ອງຄົບຖ້ວນ ແລະ ຕົງກັບເອກກະສານທີໃຊ້ປະກອບໃນການນຳເຂົ້າ-ສົ່ງອອກ
ດັ່ງນັ້ນຜູ້ນຳເຂົ້າສິນຄ້າຈາກປະເທດຈີນຄວນກວດກາເບິ່ງວ່າສິນຄ້າທີ່ທ່ານຈະນໍາເຂົ້າສາມາດຂໍ Form E ໄດ້ຫຼືບໍ່
_____________________________
☎️: +8562078288578, +85621258345
🏢: 457/1 Naxay,Xaysettha ,Vientiane
📩: [email protected]
#ນຳເຂົ້າ #ສົ່ງອອກ #ຂາອອກ #ຂາເຂົ້າ #ຂົນສົ່ງຕ່າງປະເທດ
#ຂົນສົ່ງທາງເຮືອ #ຂົນສົ່ງທາງຍົນ #ຂົນສົ່ງທາງລົດ #ຂົນສົ່ງ
#ຂົນສົ່ງສິນຄ້າ #ນຳເຂົ້າສິນຄ້າ #ຊິບປິ້ງ #ຈັດຊື້
