24/12/2024
In die Musiek
Luister vir my in die musiek,
in die liedjies wat ons liefhet,
waar elke noot soos jou hand
my siel streel en aan my hart vat.
Ek sal ’n manier vind om te speel,
sodat jy my naby jou voel.
Elke melodie sal jou dra,
soos golwe wat jou stil omvou.
Elke vers sal jou gees oplig,
jou moegheid met liefde vervang.
Elke woord stuur my na jou toe,
om jou te genees, jou weer sterk te laat staan.
Luister vir my in die natuur se lied,
waar die voëls my boodskap dra,
’n simfonie van hoop en lig
wat jou nader aan ʼn gebed sal dra.
Die wind sal deur blare fluister,
soos my stem deur jou dag beweeg.
En as jy mooi luister, stil en sag,
sal jy my hart in elke klank ontdek.
Luister vir my, my liefde,
ek sal duisend maniere vind
om in jou oor te fluister:
Ek is hier, ek bly, ek is jou musiek.
Ferylynn Van Den Berg
