28/11/2021
⛔️ PAS BEKEND: Vierde vlaag in Desember verwag, maar SA bly vir eers op vlak 1 - alles wat jy móét weet
President Cyril Ramaphosa het Sondagaand in sy jongste toespraak min veranderinge aan die huidige inperkingsmaatreëls aangekondig. Dié toespraak volg ná Suid-Afrika vandeesweek die Omikron-variant ontdek het en 'n vierde vlaag van Covid-19-infeksies oor die volgende paar weke regoor die land verwag word het.
Die drastiese styging in Covid-19-gevalle in Gauteng is weens die nuwe variant.
Dié toespraak volg ná hy met die presidensiële koördineringsraad, die bevelsraad en die kabinet oor die naweek vergader het.
Só raak die jongste veranderinge aan die regulasies jou:
⚠️ Covid-19-entstowwe: Opvolg-inentings sal binnekort landwyd bekendgemaak word. Sahpra ondersoek 'n moontlike derde dosis van die Pfizer-inentings, terwyl inentings van 'n tweede dosis van Johnson & Johnson entstowwe reeds toegedien word.
🧪 Die regering se spesiale taakspan kyk om inentings verpligtend te maak vir sommige geleenthede soos publieke sportsgeleenthede, publieke vervoer en werksplekke. Dit sal deur die kabinet besluit word.
🚨 Vlak van inperking: Suid-Afrika bly op 'n aangepaste vlak 1 van die inperkingsmaatreëls.
⏰ Aandklokreël: Die aandklokreël sal steeds van middernag tot 04:00 geld.
Nie-noodsaaklike instellings moet reeds teen 23:00 saans sluit om seker te maak dat hul werknemers teen aandklok tuis is.
🍻 Drank: Drankwinkels mag steeds gedurende hul normale lisensie-ure drank verkoop.
Restaurante en kroeë mag elke dag van die week tot 23:00 drank bedien.
🏘 Byeenkomste: Alle sosiale, politieke, kulturele en gelowige byeenkomste word nou tot 750 mense binne en 2 000 mense buite beperk. Dit mag wel nie 50% van die toelaatbare kapasiteit van 'n perseel oorskry nie.
Ramaphosa sê wel dat matriekpartytjies, wat superverspreiders kan wees, vermy of uitgestel word.
Die reël is nie op begrafnisse en verassings van toepassing nie.
🚫 Nasionale Ramptoestand: Die nasionale ramptoestand is tot 15 Desember verleng. Ramaphosa se taakspan beplan die opskorting van die ramptoestand in die nabye toekoms.
⚰️ Begrafnisse: Nie meer as 100 mense mag 'n begrafnis of verassing bywoon nie. Geen byeenkomste ná begrafnisse of nagwake word toegelaat nie.
🦠 Inentings: Meer as 26 miljoen inentingsdosisse is huidiglik in die land toegedien. Enige persoon ouer as 12-jaar kan gratis 'n inenting kry.
Ramaphosa sal weer volgende week met die bevelsraad vergader en besluit of enige veranderinge aan die huidige inperkingsmaatreëls gemaak moet word of nie.
Ramaphosa sal na verwagting weer Sondag, 5 Desember, met Suid-Afrikaners praat.
Lees die toespraak hier: https://bit.ly/3FXSvBV
Jy kan die volledige toespraak hier kyk: https://youtu.be/0Sq6Nv-DSxA
