14/12/2019
💣 Dead Lift
▪️لو التمرين دا مش في نظامك التدريبي هيفوتك كتير جدا
❓طب ليه طب و ايه بقي العضلات اللي الديدليفت بياثر عليها ؟
1️⃣ Quadriceps العضلة الامامية
2️⃣ Hamstrings العضلة الخلفية
3️⃣ Gluteus عضلة المؤخرة
4️⃣ Trapezius عضلة الترابيس
5️⃣ Abdominal muscles عضلات البطن
6️⃣ Lower back muscles عضلات القطنية
7️⃣ Calves عضلة السمانة
8️⃣ Adductors muscles عضلات الضامة
9️⃣ Forearm عضلة الساعد
🔟 Biceps Brachi عضلة البايسيبس
حلو اوي الكلام دا بس لو اتلعب صح طبعا
و الا هيبقي من اخطر التمارين اللي ممكن تعملها ف حياتك
ركز معايا عشان ميحصلكش حاجة و تدعي عليا
1️⃣ حط البار على الأرض وأقف قدامه ودخل رجلك (القدمين) تحت البار بحيث وإنت طالع بيه يبقى يادوب لامس قصبة رجلك
2️⃣ إبدأ إتني ركبتك الأول قبل ما تتني ضهرك .. إوعى تتني ضهرك الأول قبل ركبتك وركز إنك تحط الحمل كله على عضلة الرجل الخلفية والمؤخرة والفخدين مش على الضهر
3️⃣ إمسك البار بمستوى عرض كتافك مش أوسع ولا أضيق علشان تحافظ على توازنك وتقدر تشيل أقصى وزن
4️⃣ حافظ على مستوى صدرك مرفوع لفوق لإنك لو ماعملتش كده هتلاقي نفسك غصب عنك بتقوس ضهرك وبتحمل على العمود الفقري
و ساعتها يبقي مبروك عليك الإصابة 😱
5️⃣ إوعى إوعى إوعى ترجع بضهرك لورا وتعصره أبدا ، بعد ماتطلع بالبار حافظ على الإستقامة الطبيعية لضهرك كإنك واقف لكن ما ترجعش لورا سم زيادة .. إوعى
6️⃣ ما تلعبش الديدليفت وإنت لابس كوتشي عالي ، يفضل إنك تلبس حذاء نعله رفيع أو شراب علشان كل ما رجلك كانت ثابته على الأرض كل ما الأداء كان امن أكتر
7️⃣ ما تشيلش أوزان أكبر من طاقتك وقوتك بغرض الإستعراض ولا علشان تبان بطل و تتشبحن 😅،
🎦 شوف الكلام دا بنفسك ف الفيديو دا للبطلLayne Norton عن كيفية لعب الديدليفت
https://www.youtube.com/watch?v=d5eGGZXb0Is&t=24s
🔰 بتختلف أشكال ومسميات تمارين الديدليفت مع اختلاف طريقة إستهداف العضلات مع ثبات طريقة اللعب
🔵 انواعه كالاتي
1️⃣Stiff-Legged Deadlifts
2️⃣Sumo Deadlifts
3️⃣Hex Bar Deadlift
4️⃣Romanian Deadlift
5️⃣Jefferson Deadlift
