16/05/2026
نسخة من أنواع المديرين بتلاقيها فى أغلب الشركات يطلق عليه "المدير المجهري الانتقائي" الشخصية دى بيجتمع فيها حب السيطرة✊ مع التهرب من المسؤولية.🏃 علشان كده تلاقيه فى الأوقات الطبيعية بيحشر مناخيره👃فى كل تفصيله سواء كبيرة أو صغيرة وعاوز يعرف حتى "دبة النملة🐜" بيخنق الإبداع لأنه عايز كل حاجة تتعمل بطريقته هو وبس🫡
بيحس بالسيطرة والأهمية لما يراجع وراك كل كلمة وكل حرف.
وأول لما تحصل كارثة أو أزمة، بيتحول فجأة لـ "الرجل الخفى🌚" ودائما يتجنب اللوم وفى حالة الكوارث يقول "أنا مكنتش موجود" أو "محدش قالي" ولازم طبعا يبحث عن كبش فداء🐏 يشيل المسئولية. وتلاقيه بيحب الأضواء والسيطرة في الرخاء، وبيخاف على صورته جداً في وقت الأزمات فبيهرب🏃
👈 الخلاصة: ده شخص بيحب "السلطة" لكن بيترعب من "المسؤولية". هو عايز الوجاهة الاجتماعية والتحكم في البشر، لكن مع أول اختبار حقيقي لمهارات القيادة (اللي بتظهر في الأزمات) بينسحب لأنه معندوش حلول فعلية أو شجاعة لمواجهة النتائج وغالبا بيعمل نفسه من"بنها"🤔
لو الشخص ده مديرك، فالله يكون في عونك، خد حذرك لأن التعامل معاه بيحتاج سياسة "التوثيق الكتابي" لكل شيء عشان متبقاش فى يوم من الأيام كبش الفداء بتاعه.🐏
@أبرز المعجبين
