06/10/2026
Coñeces AVEMPO?
En España, a esclerose múltiple afecta actualmente a máis de 58.000 persoas, das cales arredor de 4.500 residen en Galicia. Trátase dunha enfermidade crónica do sistema nervioso central que pode manifestarse de formas moi diversas e cuxos síntomas, en moitos casos, son invisibles.
Neste contexto desenvolve o seu labor , unha entidade sen ánimo de lucro que este ano cumpre 30 anos de actividade. O seu obxectivo é axudar, acompañar e mellorar a calidade de vida das persoas afectadas pola esclerose múltiple e do seu entorno.
Ao longo destes anos, AVEMPO foi creando unha atención integral desde unha perspectiva interdisciplinaria, con servizos como fisioterapia, logopedia, psicoloxía, terapia ocupacional, atención social e pilates.
Pero o seu labor vai máis alá da rehabilitación. A asociación tamén ofrece información, orientación e acompañamento, contribuíndo a favorecer a autonomía persoal, a inclusión social e o benestar das persoas afectadas e das súas familias.
Na actualidade, AVEMPO conta con preto de 600 socios e socias, dos cales 361 son persoas afectadas pola esclerose múltiple.
Este ano, o noso III Bingo Solidario terá unha finalidade moi especial: a recadación será destinada a AVEMPO, para contribuír ao labor que desenvolve cada día.
Lembra a data: 17 de outubro ás 21h!
Vémonos no .doporrino para compartir unha tarde especial, pasalo ben e, sobre todo, sumar por unha boa causa. 🙌
Agardámoste!
Coñecer a realidade da esclerose múltiple, darlle visibilidade e apoiar a quen a vive tamén é unha forma de sumar.
