17/06/2026
PRF - Platelet Rich Fibrin hármeðferð!
PRF-meðferð í hársvörð hentar sérstaklega fólki sem finnur fyrir hárþynningu eða auknu hárlosi.
Það eru margir að glíma við hárþynningu, ekki bara herramenn sem eru að fá skalla, einnig eru margar konur sem misst hafa hár t.d vegna ójafnvægi í hormónakerfinu, nýbakaðar mæður, konur á breytingarskeiðinu, eftir veikindi og lyfjameðferðir.
Við örvum hársekkina sjálfa og bætum blóðflæði til hársvarðar. Þetta getur styrkt hársekkina, hægt á hárlosi og örvað nýjan hárvöxt,
Hafa þarf í huga að ekki er hægt að örva hársekki sem eru ekki lengur virkir. PRF getur örvað veika hársekki en ekki endurvakið dauða hársekki.
Við mælum alltaf með nokkrum meðferðum sem framkvæmdar eru með ca 4-6 vikna millibili og svo er gott að koma í eftirmeðferð tvisvar á ári. En enginn vinnur eins úr meðferðunum, árangur er mishratt að koma fram.
Meðferðin er einnig mjög gagnleg fyrir fólk sem er
að íhuga hárígræðslu, þar sem PRF getur undirbúið hársvörðinn og bætt aðstæður fyrir ígræðslu,
eða fyrir fólk sem hefur farið í hárígræðslu, þar sem PRF getur stytt bataferlið og styrkt ígrædda hársekki.
Hárígræðsla er enn ekki framkvæmd á Íslandi svo fólk þarf að fara erlendis í hárígræðslu með tilheyrandi skipulagi og kosnaði. Það eru ekki allir sem hafa tök á þeim kosti og því gæti PRF meðferð mögulega verið annar kostur sem hægt væri að skoða.
Meðferð er framkvæmd af hjúkrunarfræðing, hægt er að bóka í fría ráðgjöf þar sem metið er hvort PRF meðferðin hentar þér.
