Pokhara Chamber of Commerce & Industry

02/11/2026

सम्पुर्ण उद्योगी/ ब्यबसायीहरुमा हार्दिक अपिल

02/11/2026

पोखरा उद्योगवाणिज्य सङ्घ सामाजिक विकास केन्द्र अन्तर्गत बालश्रम न्यूनीकरण परियोजना मा आबद्ध भएका बालबालिकाहरूका लागि जीवन उपयोगी सिप सम्बन्धी कार्यक्रम सम्पन्न भएको छ। जसमा पोखरा उद्योगवाणिज्य सङ्घका अध्यक्ष शोभा गौतमको अध्यक्षतामा कार्यक्रम सम्पन्न भएको थियो। जसमा पोखरा उद्योग वाणिज्य सङ्घका महासचिव सुदीप प्रधानङ्ग कार्यसमिति सदस्य मनहरी पौडेल तुलबहादुर थापा को उपस्थिति रहेको थियो। कार्यक्रममा कार्यक्रमको जानकारी सामाजिक विकास केन्द्र का वित्त तथा प्रशासन संयोजक सरिता ताम्राकार ले गर्नुभएको थियो। यस कार्यक्रमको सहजकर्ताको रुपमा मदरल्यान्ड माध्यमिक विद्यालयका शिक्षक प्रेमनारायण पोखरेल ले सहजीकरण गराउनु भएको थियो । पोखरा उद्योगवाणिज्य सङ्घ सामाजिक विकास केन्द्रका संयोजक दामु अधिकारीले कार्यक्रमको अनुगमन गर्नुभएको थियो। बालश्रम न्यूनीकरण परियोजनाका परियोजना निरीक्षक विजया अधिकारीले कार्यक्रम सञ्चालन गर्नुभएको थियो। जसमा ३५ जना बालबालिकाहरूको सहभागिता रहेको थियो।

02/11/2026

हार्दिक श्रद्धाञ्जली

30/10/2026

पोउवा संघमा एपिएफ स्टाफ कलेजको ११ औं ब्याचका शिक्षार्थी

पोखरा,१३ कात्तिक । सशस्त्र प्रहरी बलको स्टाफ कलेजबाट ११ औं ब्याचको रुपमा कमाण्ड तथा स्टाफ कोर्स अध्ययनरत अधिकृतहरुले पोखरा उद्योग वाणिज्यमार्फत् निजी क्षेत्रको सुरक्षा चासो,औद्योगिक तथा व्यावसायिक वातावरणबारे जानकारी लिएका छन् ।
एपिएफ स्टाफ कलेजका सहसमादेशक वरिष्ठ प्रहरी उपरीक्षक जहरसिंह बुढामगरको नेतृत्वमा रहेको प्रतिनिधिमण्डलका सदस्यहरुले औद्योगिक सुरक्षामा सशस्त्रसँगको सहकार्य,सीमा सुरक्षा तथा विपद् व्यवस्थापनमा सशस्त्रको भूमिकाप्रति निजी क्षेत्रको दृष्टिकोणबारे पनि चासो राखेका थिए ।
अन्तक्र्रियाको दौरान उठेका सवालहरुको जवाफ दिँदै नेपाल उद्योग वाणिज्य संघका केन्द्रीय सदस्य तथा पोखरा उद्योग वाणिज्य संघका निवर्तमान अध्यक्ष गोकर्ण कार्कीले उद्योगी÷व्यवसायीको पहिलो चासो सुरक्षा नै भएको र सशस्त्र प्रहरीले आफ्नो कार्यक्षेत्रअन्तर्गत औद्योगिक तथा सीमा सुरक्षामा सशस्त्र प्रहरीले दिएको योगदान महत्वपूर्ण रहेको बताए ।
एक प्रश्नको उत्तर दिँदै केन्द्रीय सदस्य कार्कीले जेनजी आन्दोलनपछि उद्योग÷व्यवसायहरु पूर्ण क्षमतामा संचालन हुन नसकेको जिकिर पनि गरे ।
अन्तत्र्रिmया कार्यक्रममा बोल्दै पोखरा उद्योग वाणिज्य संघ तथा कार्यक्रमकी अध्यक्ष शोभा गौतमले सशस्त्र प्रहरी हतियारधारी सुरक्षा बल मात्र नभएर,नागरिक समाजका दैनिक क्रियाकलापसँग सहकार्य गर्ने शक्ति भएको बताइन् ।
अध्यक्ष गौतमले औद्योगिक क्षेत्र भनेको एउटा व्यक्तिले उद्योग संचालन र नाफा प्राप्त गर्ने ठाउँमात्र नभएर रोजगारी प्रदान एवं देशको अर्थतन्त्रलाई उत्पादन र राजश्वबाट टेवा पु¥याउने क्षेत्र पनि भएके बताउँदै त्यहाँ सुरक्षा नहुँदा देशको अर्थतन्त्रलाई पु¥याउने धारणा राखिन् ।
‘औद्योगिक क्षेत्रमा भएको एपिएफको उपस्थितिले उद्योगीहरु ढुक्कसँग निदाउन पाएका छन्,’उनले भनिन्,‘ यहाँहरुले त्यहाँ भएको एपिएफको तैनाथीलाई व्यक्तिको सम्पत्ति सुरक्षाको रुपमा हेर्नु हुने छैन भन्ने हामीले ठानेका छौँ ।’
उनले भन्सार छली र अनधिकृत व्यापारले राज्यले राजश्व गुमाउने मात्र नभएर देशको व्यापार चक्रलाई पनि प्रभावित पार्ने भएकाले त्यो कार्य पूर्णरुपले रोकिनुपर्ने पनि बताइन् ।
एपिएफ स्टाफ कलेजका सहसमादेशक वरिष्ठ प्रहरी उपरीक्षक जहरसिंह बुढामगरले उत्पादन,वितरण राम्रो भएका देशहरु नै समृद्ध बनेको चर्चा गर्दै यी क्षेत्रमा आइपर्ने समस्या समग्र राष्ट्रकै समस्या हुने धारणा राखे । सशस्त्र प्रहरीले आफ्नो कार्यक्षेत्रमा रहेको सीमा र औद्योगिक सुरक्षा एवं विपद् व्यवस्थापनका निम्ति निजी क्षेत्रसँग सहकार्य गर्दै आइरहेको पनि उनको भनाइ थियो । उनका अनुसार विपद् व्यवस्थापनका निम्ति सशस्त्र प्रहरीले समुदायसँग सहकार्य गर्दै आइरहेको छ भने नागरिक समाजका सदस्यलाई तालिमसमेत प्रदान गरेको छ ख।
सशस्त्र प्रहरीको स्टाफ कलेजले संचालन गरेको तालिममा १५ जना सहभागी यो तालिम त्रिभुवन विश्वविद्यालयबाट स्वीकृतप्राप्त स्नातकोत्तर तह पढाइ भएको उनले जानकारी दिए । स्टाफ कोर्स पूरा गर्नु भनेको सशस्त्र प्रहरीको नेतृत्वमा पुग्ने बाटो बन्नु पनि हो ।
पोखरा उद्योग वाणिज्य संघका उपमहासचिव प्रदीप राजभण्डारीको संचालन रहेको अन्तक्र्रिया कार्यक्रममा कार्यसमिति सदस्य मनोहरि पौडेलले धन्यवाद ज्ञापन गरेका थिए ।

29/10/2026

नेपाल उद्योग बाणिज्य महासंघका निबर्तमान अध्यक्ष श्री चन्द्र प्रसाद ढकाल ज्यु सङ्ग भेटघाट एवं छलफल कार्यक्रम सम्पन्न .

29/10/2026

पोउवा संघमा थाइल्याण्ड सरकारका उद्योग मन्त्रालयका सल्लाहकार
व्यावसायिक साझेदारी र सहकार्य तथा द्विपक्षीय लगानी वृद्धिको सहमति

पोखरा,१२ कात्तिक । पोखरा र थाइल्याण्डका उद्योगी÷व्यवसायीबीच व्यावसायिक साझेदारी र सहकार्य तथा द्विपक्षीय लगानी वृद्धि गर्ने सहमति बनेको छ ।
थाइल्याण्डको उद्योग मन्त्रालयका सल्लाहकार दीपेन्द्र देसार नेतृत्वको प्रतिनिधिमण्डलसँग बिहीबार पोखरा उद्योग वाणिज्य संघमा भएको वृहत छलफल र अन्तक्र्रियापछि सो सहमति जुटेको हो ।
नेपाली मुलका देसार थाइल्याण्डमा सूचना प्रविधि,पर्यटन तथा आयात–निर्यात व्यवसायमा संलग्न रहेका छन् । लामो समयदेखि थाइल्याण्ड बस्दै आएका देसारले पोखराका उद्योगी÷व्यवसायीलाई थाइल्याण्डको बजारसम्म पुग्ने पुलको काम गर्ने प्रतिवद्धता पनि जनाएका छन् ।
थाइल्याण्डको प्रतिनिधिमण्डलाई स्वागत गर्दै पोखरा उद्योग वाणिज्य संघका अध्यक्ष शोभा गौतमले थाइल्याण्डमा रहेका साना तथा मझौला व्यवसायीका उत्पादनहरु नेपाली बजारमा ल्याउने गरी व्यावसायिक साझेदारी निर्माण,नेपाली उत्पादनको थाइल्याण्डमा थप बजारको खोजीका निम्ति पोखरा उद्योग वाणिज्य संघले सहकजीकरण गर्ने बताइन् ।
अध्यक्ष गौतमले नेपालले थाइल्याण्डमा हालसम्म गलैंचा,मासु,स्टेसनरी सामान र कुकुर बिरालोसम्म निर्यात भएको दृष्टान्त दिँदै निर्यात वृद्धिका निम्ति नेपाली उत्पादनको गुणस्तर वृद्धिमा सघाउन थाइल्याण्डको प्रतिनिधिमण्डलसँग आग्रह पनि गरिन् ।

बौद्धमार्गी थाइल्याण्ड र बुद्धको जन्मभूमि नेपालबीच पर्यटन आदान प्रदानको सम्भावनाबारे चर्चा गर्दै अध्यक्ष गौतमले अगाडि भनिन्,‘ लुम्बिनीमा थाइल्याण्डका बौद्धमार्गीको अगुवाइमा निर्मित गुम्बाहरुले धेरै सम्भावना देखाएका छन् । हामीसँग थाइल्याण्डको जस्तो समुद्र र बिच त छैन तर हामीसँग सुन्दर ताल,सुन्दर हिमाल र पदयात्राका लागि पहाड र चढ्नको लागि हिमाल र विविधतायुक्त संंस्कृति छ । त्यसैले यहाँ पर्यटन उद्योग फस्टाउनेमा कुनै द्विविधा छैन ।’

अन्नपूर्ण पदयात्रा मार्गको प्रस्थान बिन्दु पोखरा र आसपासमा अहिले विश्वप्रसिद्ध होटलका चेनहरु स्थापित भएको बताउँदै अध्यक्ष गौतमले पर्यटन उद्योगमा अग्रणी रहेको थाइल्याण्डका व्यवसायीसँगको सहकार्यमा यहाँ त्यस्ता होटल र रेस्टुरेन्ट खोल्ने वा थाइल्याण्डका व्यवसायीको लागि यहाँ व्यवसाय गर्ने वातावरण निर्माण गर्न पोखरा उद्योग वाणिज्य संघले सहजीकरण गर्ने बताइन् ।
‘सूचना प्रविधिको क्षेत्र अर्को सहकार्यको सम्भावित क्षेत्र भएकोमा पनि हामी प्रष्ट छौँ,’अध्यक्ष गौतमले भनिन् ।
थाइ प्रतिनिधिमण्डबाट दुई देशका व्यवसायी सहभागी गराउँदै बिजनेस एक्सपोको आयोजना गर्ने प्रस्तावलाई स्वीकार्दै अध्यक्ष गौतमले भनिन्,‘मेला र महोत्सवको जननी पोखरा उद्योग वाणिज्य संघ यस्तो मेला आयोजना गर्न सक्षम र इच्छुक छ । समयले साथ दियो र तयारी पुग्ने अवस्था रह्यो भने आउँदै गरेको हाम्रो मेलाअन्तर्गत नै नेपाल–थाइल्याण्ड बिजनेस एक्सपो समेत आयोजना गर्ने सम्भावनबारे पनि हामी छलफल गर्नेछौँ । ’
सोही कार्यक्रममा मन्तव्य राख्दै थाइल्याण्डको उद्योग मन्त्रालयका सल्लाहकार दीपेन्द्र देसारले आफ्नो भ्रमणको उद्देश्य दीर्घकालीन सम्बन्ध स्थापित गर्नु रहेको बताए । थाइल्याण्ड सरकारको उद्योग मन्त्रालयको सल्लाहकारको रुपमा आफूले नेपाली उत्पादनहरु थाइल्याण्ड पु¥याउन सहजीकरण गर्ने प्रतिवद्धता व्यक्त गर्दै अगाडि भने,‘हामी पर्यटन र सेवा क्षेत्रमा पनि सहकार्य गर्न सक्छौँ,त्यहाँको लगानी नेपाल भित्र्याउनका निम्ति सहजीकरण गर्छौँ र थाइ उत्पादनहरु नेपाल आयात गर्ने व्यवसायीलाई पनि सहजीकरणका निम्ति तयार छौँ ।’
कार्यक्रममा संक्षिप्त मन्तव्य राख्दै पोखरा उद्योग वाणिज्य संघका निवर्तमान अध्यक्ष तथा नेपाल उद्योग वाणिज्य महासंघका केन्द्रीय सदस्य गोकर्ण कार्कीले नेपालमा लगानी भित्र्याउने र व्यवसाय प्रवद्र्धन गर्ने अभियानमा नेपाल उद्योग वाणिज्य महासंघले सहजीकरण गर्ने बताए ।
पोखरा उद्योग वाणिज्य संघका वरिष्ठ उपाध्यक्ष दिनेशचन्द्र बास्तोलाको धन्यवाद र उपमहासचिव प्रदीप राजभण्डारीको संचालन रहेको कार्यक्रममा बोल्दै नेसनल हेल्थ फाउण्डेसनका अध्यक्ष प्रकाश रजौरियाले सहकार्यका निम्ति साइत कुर्न नहुने र सानो कामबाटै त्यसको थालनी गर्न सकिने बताए ।
अन्तरक्र्रिया कार्यक्रममा सहभागी पोखरा उद्योग वाणिज्य संघका पदाधिकारी तथा सदस्यहरुले सहकार्यको विविध पक्ष एवं सम्भावनाका क्षेत्रबारे जिज्ञासा राखेका थिए ।

28/10/2026

Discussion and Interaction Program Held Between Pokhara Chamber of Commerce and Industry (PCCI) and ILO SESC Project Evaluation Consultant Mr. Christoph David Weinmann and Consultant Mr. Ujjwal Krishna Mali.

27/10/2026

पोखरा उद्योग बाणिज्य संघद्वारा संचालित सामाजिक बिकास केन्द्रको संयोजकमा मनोनयन हुनुभएका पोखरा उद्योग बाणिज्य संघका पुर्व अध्यक्ष श्री दामु अधिकारी ज्युलाई संघमा स्वागत गर्दै हार्दिक बधाई एवं सफल कार्यकालको शुभकामना व्यक्त गर्दछौं ।

26/10/2026

सूचना

26/10/2026