26/07/2026
अमेरिकी राष्ट्रपति Donald Trump माथि इरानविरुद्धको सैन्य कारबाही थप विस्तार नगर्न आन्तरिक दबाब बढ्दै गएको छ।
सीएनएनका अनुसार अमेरिकी उपराष्ट्रपति JD Vance र संयुक्त सेनाका प्रमुख जनरल ड्यान केनले युद्ध लम्बिँदा अमेरिकी हतियार भण्डारमा पर्ने असर, सैन्य क्षमता र मध्यपूर्वको सुरक्षा अवस्थाबारे ट्रम्पलाई सचेत गराएका छन्।
अमेरिकी प्रशासनभित्र युद्धको दायरा विस्तार हुँदा खाडी क्षेत्रमा रहेका अमेरिकी सैन्य अड्डा, ऊर्जा पूर्वाधार तथा रणनीतिक साझेदार राष्ट्रहरू थप जोखिममा पर्न सक्ने चिन्ता बढेको बताइएको छ।
विश्लेषकहरूका अनुसार इरानसँग रहेका मिसाइल, ड्रोन तथा क्षेत्रीय सहयोगी समूहहरूको सक्रियताले खाडी राष्ट्रहरूको सुरक्षा चुनौतीपूर्ण बन्न सक्छ। युद्ध थप चर्किए ऊर्जा बजार, अन्तर्राष्ट्रिय व्यापार र क्षेत्रीय स्थिरतामा समेत असर पर्न सक्ने चेतावनी दिइएको छ।
इरान–अमेरिका तनाव नयाँ चरणमा प्रवेश गरिरहेका बेला वाशिङ्टनभित्र सैन्य कारबाहीको भविष्य र त्यसका सम्भावित परिणामबारे गम्भीर बहस सुरु भएको छ।
