30/09/2026
MALMESBURY VEILIGHEID
Uit die gemeenskap. Vir die gemeenskap.
Baie inwoners sien die voertuie, patrollies, kameras en reaksies op insidente, maar wie is Malmesbury Veiligheid (MV) werklik?
Malmesbury Veiligheid is 'n geregistreerde NPO (Nie-winsgewende Organisasie) wat bestaan uit plaaslike inwoners wat hul tyd, kennis en energie vrywillig beskikbaar stel om ons dorp veiliger te maak.
MV ontvang geen ledemaatskapsfooie nie en die bestuur dien op 'n volledig vrywillige basis. Ons bestuur bestaan uit persone vanuit beide die landbou- en dorpsektor wat 'n gemeenskaplike doel deel: om Malmesbury 'n veiliger plek vir almal te maak.
Die huidige bestuur van Malmesbury Veiligheid:
• Danny Stofberg - Voorsitter
• Truter de K**k - Ondervoorsitter
• Maré Truter - Sekretaris
• Thomas van Wyk
• Pieter Stoffberg
• JP Swart
• Pieter Euvraard
• Willem Swart
Hierdie bestuur word ondersteun deur 'n span toegewyde vrywilligers wat op verskillende vlakke betrokke is by veiligheid, patrollies, tegnologie, administrasie, fondsinsameling en gemeenskapsprojekte.
MV is nie 'n sekuriteitsmaatskappy nie en funksioneer nie in kompetisie met bestaande sekuriteitsverskaffers nie. Ons werk saam met SAPD, sekuriteitsmaatskappye, wetstoepassing sover as ander plaaswagte en ander buurtwagte en ander rolspelers waar nodig om die beste moontlike uitkoms vir ons gemeenskap te bereik.
Deur die ondersteuning van donateurs, besighede en inwoners kon MV reeds beduidende beleggings maak in tegnologie soos AI-kameras en voertuigherkenningstelsels (LPR), wat 'n waardevolle rol speel in die voorkoming en bekamping van misdaad.
Ons glo dat veiligheid nie net die verantwoordelikheid van 'n paar mense is nie, maar van 'n hele gemeenskap wat saamstaan.
Dankie aan elke inwoner, vrywilliger en donateur wat deel vorm van hierdie reis.
Saam bou ons aan 'n veiliger Malmesbury.
