30/10/2026
ကိုယ်ပိုင်လုပ်ငန်းရှိရဲ့သားနဲ့ ဘာလို့ Digital Business ကို ထပ်လုပ်ခဲ့တာလဲ...
တကယ်တော့ ကျွန်မမှာ Full-time အလုပ်လည်းရှိတယ်။ ကိုယ်ပိုင်စီးပွားရေးလုပ်ငန်းလည်း ရှိတယ်။
ဒါပေမဲ့ တစ်ချိန်မှာ ကိုယ်ပိုင်လုပ်ငန်းကို COVID ကပ်ရောဂါကြောင့် ပိတ်သိမ်းခဲ့ရတယ်။
အဲဒီအတွေ့အကြုံကနေ စီးပွားရေးတစ်ခုတည်ဆောက်တဲ့အခါ ကိုယ်ပိုင်ကြိုးစားအားထုတ်မှုတစ်ခုတည်းနဲ့ မလုံလောက်ဘူးဆိုတာ နားလည်လာခဲ့တယ်။
မြန်မာနိုင်ငံမှာ ကိုယ်ပိုင်လုပ်ငန်းတစ်ခု လုပ်ကိုင်ရင် ရင်ဆိုင်ရနိုင်တဲ့ အခြေအနေတွေ အများကြီးရှိတယ်။
ရန်သူမျိုးငါးပါးအပြင် နိုင်ငံရေးအခြေအနေ အပြောင်းအလဲတွေကြောင့်လည်း ကိုယ်တည်ဆောက်ထားတဲ့ လုပ်ငန်းတစ်ခုက အချိန်မရွေး ထိခိုက်သွားနိုင်တယ်။
ဝန်ထမ်းတွေကို စီမံခန့်ခွဲရတာ၊ လုပ်ငန်းလည်ပတ်မှုအတွက် နေ့စဉ်ကြီးကြပ်ရတာ၊ ကိုယ်မရှိရင် လုပ်ငန်းရပ်သွားနိုင်တာတွေကလည်း စဉ်းစားစရာတွေပါပဲ။
အဲဒီအချိန်မှာ ကျွန်မ စဉ်းစားမိတာက...
ကိုယ်ဘယ်နိုင်ငံမှာပဲ ရှိနေပါစေ ဆက်လက်လုပ်ကိုင်နိုင်ပြီး နေရာဒေသတစ်ခုတည်းအပေါ် မှီခိုစရာမလိုတဲ့ လုပ်ငန်းမျိုးကို ရှာဖွေချင်လာခဲ့တယ်။
အဲဒီလို ရှာဖွေနေတဲ့ကာလမှာ အလိမ်ခံခဲ့ရတဲ့ အတွေ့အကြုံတွေလည်း ရှိခဲ့တယ်။
နောက်ပိုင်းမှာ Digital Business အကြောင်းကို သေချာလေ့လာကြည့်တဲ့အခါ ဒါဟာ စနစ်တကျ တည်ဆောက်ထားတဲ့ တရားဝင်စီးပွားရေးတစ်ခုဖြစ်တယ်ဆိုတာ သိလာခဲ့တယ်။
အထူးသဖြင့် ကျွန်မသဘောကျခဲ့တာက System နဲ့ လည်ပတ်နိုင်တဲ့အချက်ပါပဲ။
ကိုယ်တိုင်အရာရာကို လိုက်လုပ်နေရတာမျိုးမဟုတ်ဘဲ သင်ယူထားတဲ့ အသိပညာ၊ လုပ်ငန်းစနစ်နဲ့ အထောက်အပံ့တွေကို အသုံးချပြီး လည်ပတ်နိုင်တယ်။
ကျွန်မအတွက်တော့ နေ့စဉ်လုပ်ငန်းစီမံခန့်ခွဲမှုအပိုင်းမှာ အတော်လေး အဆင်ပြေခဲ့တယ်။
နောက်ထပ် စိတ်ဝင်စားစရာကောင်းတာတစ်ခုက ဒီလုပ်ငန်းကို လက်ဆင့်ကမ်းနိုင်တဲ့ အနာဂတ်အလားအလာပါ။
တစ်နေ့မှာ ကိုယ်အနားယူချင်တဲ့အချိန် ရောက်လာခဲ့ရင် ကိုယ်တည်ဆောက်ထားတဲ့ လုပ်ငန်းအတွေ့အကြုံနဲ့ စနစ်ကို သားသမီးတွေ၊ မိသားစုဝင်တွေကိုပါ လက်ဆင့်ကမ်းပေးနိုင်မယ်ဆိုတဲ့ အတွေးက ကျွန်မအတွက် တန်ဖိုးရှိတယ်။
ဒါကြောင့် Digital Business ကို ကျွန်မက လက်ရှိလုပ်နေတဲ့ အလုပ်နဲ့ ကိုယ်ပိုင်စီးပွားရေးကို စွန့်လွှတ်ပြီး လုပ်ခဲ့တာမဟုတ်ပါဘူး။
ကိုယ့်မှာရှိပြီးသားအရာတွေကို ထိန်းသိမ်းရင်း နောက်ထပ် အနာဂတ်တစ်ခုကိုပါ တည်ဆောက်ချင်ခဲ့တာပါ။
ကျွန်မအတွက် ဒီလုပ်ငန်းဟာ Plan B တစ်ခုတည်းမဟုတ်ဘူး။ Plan C လည်း ဟုတ်တယ်။
အရာအားလုံး အဆင်ပြေနေတဲ့အချိန်မှာ နောက်ထပ်လမ်းကြောင်းတစ်ခုကို ကြိုတင်တည်ဆောက်ထားတာဟာ အပိုအလုပ်လုပ်နေတာမဟုတ်ဘူးလို့ မြင်တယ်။
ဘဝမှာ အရာရာတိုင်းက အမြဲတမ်း အဆင်ပြေနေမယ်လို့ အာမခံချက်မရှိဘူးလေ။
တစ်ခါတလေ ကိုယ့်မှာရှိတဲ့အရာတွေကို ဆုံးရှုံးသွားမှ နောက်ထပ်တစ်ခု ရှာဖွေတာထက် အဆင်ပြေနေတုန်းမှာပဲ နောက်ထပ်လမ်းကြောင်းတစ်ခု ကြိုတင်ဖန်တီးထားတာ ပိုကောင်းပါတယ်။
ဒါဟာ ကျွန်မ Digital Business ကို ရွေးချယ်ခဲ့တဲ့ အဓိကအကြောင်းရင်းပါပဲ။ 💙
---
ကိုယ့်မှာ လက်ရှိအလုပ်တစ်ခု၊ ကိုယ်ပိုင်လုပ်ငန်းတစ်ခု ရှိနေရင်တောင် အနာဂတ်အတွက် နောက်ထပ်လမ်းကြောင်းတစ်ခု တည်ဆောက်ထားဖို့ စဉ်းစားဖူးလား။
