06/01/2026
"واخفض لهما جناح الذل من الرحمة وقل رب ارحمهما كما ربياني صغيرا"
كلمة "الذل"
معبرة قوي
بعد ما الانسان يقول انا خلاص كبرت ..تواجهه جروحه وصدماته ..أوجاعه و موروثاته.. قيوده الداخلية…الوجع اللي الوالدين اتسببوا فيه ..وهو يواجه كل ده..يرفض ..يصرخ ويدبدب رجليه في الأرض يصرخ بعلو الصوت ويقول لاااا..ويجري في العالم يحاول يعرف نفسه الحقيقية ويتخطي الجروح يحاول يتشافي.. يحاول يعرف طريقه..يحاول يعرف هو مين وجاي منين
يحاول يعرف مصدره وخالقه
في الآخر لازم يرجع
رحلة البطل
ارجع تاني لمنشأك ..لبدايتك …وانزل تحت رجلين امك وأبوك لان خالقك نفسه عارف رحلتك وبيقولك انزل واتذل
وافهم
امك وابوك مش ملايكة ولا انت ملاك
هم مجرد بشر ضعيف
وانت كمان بشر ضعيف
مهما بلغت من علم ووعي
اكيد هتوجع ولادك برضو
انزل علي ركبك
وتذلل
امام اختيار الله لك …ولوالديك
انت بشر ضعيف!!!!
بس مش هتعرف توصل للذل ده من قلبك وتنكسر امام خالقك
وامام اختيار الله ليك وامام والديك اللي هم بوابة وجودك
الا لما تمشي الرحلة دي كلها
لو حاولت تبدأ علي طول بالذل والانكسار بيطلع تمثيل ومش حقيقي
مجرد ادعاء
ولما تمشي الرحلة لآخرها ربما ساعتها تفهم حكمة وجود كل الوجع ده في حياتك ..الوجع اللي مشاك الرحلة دي كلها علشان تفهم نفسك بنفسك وعلشان توصل لخالقك الحكيم عبر أعظم وأبعد/اقرب بوابة ..بوابة بابا و ماما! !
يا مهون الرحلة يارب !
د نهي دعادر
Dr Noha Daader
