Auk þess: Ráðgjöf, vinnustofur og markþjálfun til að efla samstarf, vellíðan og árangur. M Ö G N U M
Mögnum er öflugt og framsækið þekkingarfyrirtæki sem sérhæfir sig í markþjálfun, fræðslu og ráðningum fyrir fólk og vinnustaði sem vilja ná lengra. Mögnum leggur áherslu á viðurkenndar nálganir og faglegar aðferðir sem skila viðskiptavinum virði og árangri. Hugmyndafræði markþjálfunar tvinnast inn í flestar lausnir og þjónustu Mögnum og er fyrirtækið samferða fólki og fyrirtækjum í vegferð sinni að árangri, skilvirkni, lausnum og vellíðan. Sýn og tilgangur: Mögnum það sem í okkur býr svo við eflumst sem við sjálf.
Þ J Ó N U S T A N
MÖGNUM markþjálfar fólk. Markþjálfun er samtalstækni, stuðningur og hvatning sem dregur fram möguleika, markmið og skilning hvers og eins og færir fólk áfram - áfram með viðfangsefni lífsins. Markþjálfun stuðlar að því að þú skiljir, skerpir, skoðir, skýrir, styrkir, skapir, segir, skynjir, slakir, skorir, skipuleggir, sættist, sannir eða sjálfeflist. Vinnustaðir treysta Mögnum fyrir stjórnendum sínum og starfsfólki til að eflast og styrkja fólkið sitt. Rannsóknir sýna að vinnustaðir sem nýta markþjálfa skila betri afkomu og starfsfólki líður betur, hefur betri fókus og meiri skilvirkni í störfum. MÖGNUM er fræðsluaðili sem býr til og stýrir námskeiðum og vinnustofum. Ef þú vilt efla, styrkja eða hrista upp í hópnum þínum þá er Mögnum málið. Sigga hefur mikla reynslu af námskeiðahaldi og leggur áherslu á virka þátttöku starfsfólks til að kveikja á nýrri sýn og virkja þekkingu. Í umsögnum um Siggu er helst sagt að hún nái vel til fólks, hvetji og búi til gott traust og öryggi til þátttöku. Efnistök og áherslur eru margskonar og ákveðin út frá þörfum hvers viðskiptavinar.
• Samskipti og að takast á við ágreining
• Sjálfsefling, sjálfstraust og markmiðasetning
• Stefnumótun, stjórnun og vinnustaðurinn
• Teymi, traust og styrkleikar
• Orku-, tíma-, verkefnastjórnun og forgangsröðun
MÖGNUM býður faglega ráðningarþjónustu fyrir einkaaðila og opinbera aðila. Sigga hefur áralanga reynslu af ráðningum og býr fyrir mikilli þekkingu á því sviði, þar með talið opinberum ráðningarferlum í samræmi við stjórnsýslulög.
Þjónustan spannar ráðningarferlið í heild allt frá upphafi til enda en einnig er hægt að velja afmarkaðri þætti ferlisins sem viðskipavinurinn vill fá aðkomu ráðgjafa að.
• Gerð starfslýsinga og auglýsinga
• Móttaka og utanumhald umsókna í öruggu kerfi
• Úrvinnsla, mat og greining umsókna s.s. viðtöl og umsagnir
• Svörun og upplýsingagjöf til umsækjenda
• Leit í gagnagrunni og tengslaneti
S I G G A
Framkvæmdastjóri, markþjálfi, ráðgjafi
Sigga hefur mikin og einlægan áhuga á fólki í öllu sínu veldi - þeim óendanlegu möguleikum sem við fólkið búum yfir í alls kyns birtingarmyndum. Þannig er hvert nýtt verkefni spennandi óvissuferð og ómetanlegt tækifæri til að kynnast nýju fólki og áskorunum þess í starfi og lífi. Sigga hefur tekið markþjálfunina með trompi síðast liðin 3 ár og er með um 1.200 klukkustundir að baki við að markþjálfa. Það setur hana í hóp reynslumestu markþjálfa landsins. Einnig er hún óumræðanlega stolt af PCC vottuninni sinni sem er næst hæsta vottunarstig í markþjálfun og einungis um 12 aðilar á Íslandi með þá vottun. Mælingar sýna að 86% fólks breytti hegðun og/eða hugsun eftir samtöl hjá henni. Sigga starfaði í 18 ár hjá Capacent og Gallup sem ráðgajfi í ráðningum, sérfræðingur og ráðgjafi í markaðsrannsóknum og starfsamannarannsóknum auk þess að stýra og skipuleggja vinnustofur og rýnihópa. Sigga var rekstrarstjóri útibús Capacent á Akureyri. Helstu styrkleikar Siggu eru húmor, velvild, væntumþykja, seigla og forystuhæfni. Sigga hefur fjölbreytta og mikla reynslu af því að vinna með fólki og fyrirtækjum sem endurspeglast í starfsreynslu hennar og menntunarvali. Framtíðarsýn Mögnum er að eflast og stækka, bjóða ávallt faglega þjónustu og vera fyrsta val aðila á norður- og austulandi í ráðningum, fræðslu, markþjálfun og ráðgjöf
Skoðið endilega nánar á www.mognum.is -þar eru frekari upplýsingar um þjónustuna sem og umsagnir og upplifun viðskiptavina.
