EIMUR

31/08/2026

Nýr framkvæmdastjóri Eims

Við erum mjög ánægð að tilkynna að Hildur Arna Magnúsdóttir hefur verið ráðin framkvæmdastjóri Eims og tekur hún til starfa 1. október næstkomandi.

Hildur hefur yfir tíu ára reynslu af stjórnun, stefnumótun, nýsköpun og verkefnastjórnun, einkum innan orku- og innviðageirans. Hún hefur leitt fjölbreytt þróunar- og umbótaverkefni og hefur mikla reynslu af því að þróa hugmyndir og koma þeim í framkvæmd.

Hildur segir:
„Ég er full tilhlökkunar að taka við starfi framkvæmdastjóra Eims. Ég sé gríðarleg tækifæri á Norðurlandi til að skapa ný verðmæti með því að nýta betur þær auðlindir, þekkingu og kraft sem þegar er til staðar á svæðinu.“

Við hlökkum til að fá Hildi til liðs við okkur og halda áfram því mikilvæga starfi sem Eimur sinnir við að tengja saman fólk, þekkingu og hugmyndir og breyta tækifærum í raunveruleg verkefni.

Við hlökkum til samstarfsins og næstu kafla hjá Eimi.

Lesið fréttina í heild á eimur.is

02/07/2026

RECET í kastljósi EU Research
Frábær viðurkenning fyrir RECET! Verkefnið er til umfjöllunar í nýjasta tölublaði EU Research, þar sem lögð er áhersla á áhrifarík og nýskapandi verkefni sem móta framtíð Evrópu.

Í greininni er fjallað um markmið RECET, mikilvægi samstarfs þvert á greinar og landamæri og hvernig verkefnið styður við sjálfbær orkuskipti. Þar deila meðal annars Ottó Elíasson, framkvæmdastjóri Eims, og Marianne Raes hjá Nýorku sýn sinni á mikilvægi samstarfs og nýsköpunar við þróun orkukerfa framtíðarinnar.

Birtingin er mikilvæg viðurkenning á því öfluga starfi sem samstarfsaðilar RECET hafa unnið og eykur sýnileika verkefnisins á alþjóðavettvangi.

📖 Lesið greinina hér:
https://www.eimur.is/recet-i-kastljosi-eu-research

29/06/2026

Við hjá Eimi höldum áfram að varpa ljósi á eitt stærsta vannýtta tækifæri Íslands: umframvarma sem gæti stutt innlenda matvælaframleiðslu allt árið.
Í samstarfi við Hringvarma höfum við kortlagt hvar ónotaður varmi er til staðar – í hitaveitum, gagnaverum, matvælavinnslum, fiskeldi, brugghúsum, jarðvarmavirkjunum og sundlaugum – og hvernig þessi auðlind gæti skapað ný verðmæti í formi sjálfbærrar matvælaframleiðslu.

Hringvarmi þróar færanlegar lóðréttar ræktunareiningar sem nýta þennan varma til að skapa stöðugt, hlýtt og stjórnað ræktunarumhverfi. Með því að umbreyta umframvarma í matvæli má styrkja fæðuöryggi, efla nýsköpun í dreifbýli og draga úr umhverfisáhrifum.

Kortlagningin sýnir að tækifærin eru víða og að
vannýttur varmi gæti orðið lykill að nýjum verðmætasköpunarleiðum.

📍 Lesa nánar um verkefnið og kortlagninguna:

Ísland flytur inn um 80% af fersku grænmeti og ávöxtum vegna takmarkaðra skilyrða til matvælaframleiðslu allt árið um kring. Á sama tíma fer gríðarlegt magn orku – í formi heits vatns og varma – til spillis á hverjum degi víða um land.

22/06/2026

Hópur frá Eimi fór í mars í námsferð til Írlands til að skoða sniglarækt — já, snigla! 🐌

Ferðin er hluti af verkefni sem snýst um að finna leiðir til að nýta glatvarma á landsbyggðinni og sjá hvaða ný verkefni gætu sprottið upp þar sem varmi er til staðar en lítið nýttur.

Á Írlandi heimsótti hópurinn sniglabýlið Inis Escargot og fékk að sjá hvernig slík starfsemi er rekin frá grunni. Einar Eðvald, bóndi í Skagafirði, segir í viðtali á Rás 2 að sniglarækt gæti vel hentað íslenskum bændum sem vilja nýta ónotað húsnæði eða bæta við nýrri tekjustoð.

Þetta er ótrúlega spennandi dæmi um hvernig nýting glatvarma getur skapað alveg ný tækifæri í sveitum landsins.

Lesa meira á Eimur.is: https://www.eimur.is/tkifri-i-sniglarkt-einar-evald-deilir-reynslu-sinni

Hlusta á viðtalið við Einar: https://www.ruv.is/utvarp/spila/fyrst-a-faetur/38860/bij46d

18/06/2026

🌿 RECET SAMSTARFSAÐILAR & SYSTURVERKEFNI NÚ AÐGENGILEG Á HEIMASÍÐUNNI
Eimur er stolt af því að taka þátt í öflugu samstarfi innan RECET‑verkefnisins – þar sem svæðisbundin orku‑ og loftslagsverkefni sameinast um að byggja sjálfbæra framtíð.
Samstarfsaðilar RECET eru:
• Samsø Energy Academy • Íslensk Nýorka - Icelandic New Energy • SSNE - Samtök sveitarfélaga og atvinnuþróunar á Norðurlandi eystra – North Sweden Energy Agency / Energikontor Syd • Vestfjarðastofa / Westfjords • Energy Agency of Southeast Sweden • Consell Insular de Menorca • Občina Postojna • Zavod Iskriva
Að auki hefur Eimur unnið með nokkrum aðilum sem koma fram undir systurverkefnum RECET, sem nú eru aðgengileg á heimasíðunni: 🔗 https://www.recetproject.eu/sister-project

Þessi tengsl styrkja þekkingu, hraða og gæði verkefna sem styðja við hreina orku, nýsköpun og sjálfbæra þróun á landsbyggðinni.

Nýja síðan gefur jafnframt góða yfirsýn yfir þau verkefni sem tengjast RECET og sýnir hversu víðfeðmt og sterkt samstarfsnetið er í kringum orkuskipti, loftslagsaðgerðir og sjálfbæra þróun í Evrópu. Við hvetjum alla til að kynna sér verkefnin og sjá hvernig þessi öfluga samvinna skilar raunverulegum árangri.

Sister projects Here you can explore our synergy members. Feel free to visit their websites for more details. AT LAST LOCAL GoGREEN strengthens the capacity of local authorities to design, implement, and monitor ambitious short‑ and medium‑term strategies that accelerate the Clean Energy Transit...

12/06/2026

Skiptineminn Hannah Foley frá School for International Training (SIT) í Bandaríkjunum hefur unnið rannsókn í samstarfi við Eim þar sem hún skoðaði hvernig hitastig hefur áhrif á metanframleiðslu úr búfjáráburði. Markmiðið er að finna leiðir til að nýta metangas betur og styðja við sjálfbærar lausnir í landbúnaði.

Niðurstöðurnar sýna að hærra og stöðugra hitastig getur aukið metanframleiðslu, á meðan sveiflur í hitastigi draga úr afköstum. Þessi þekking getur nýst við að þróa hagkvæmari og umhverfisvænni aðferðir til að nýta lífrænan úrgang.

Verkefnið er hluti af áframhaldandi samstarfi Eims og SIT, þar sem áhersla er lögð á rannsóknir og nýsköpun á sviði endurnýtingar lífrænna auðlinda. Frábært framtak og mikilvægt framlag frá Hannah.

Lesa nánar á heimasíðunni:

Nýverið var unnið rannsóknarverkefni í samstarfi við Eim og bæinn Bessastaðir þar sem skoðuð voru áhrif hitastigs á metanframleiðslu í fljótandi búfjáráburði og hvort nýta mætti jarðhita til að auka lífgasframleiðslu hér á landi. 

01/06/2026

Við vekjum athygli á þessari áhugaverðu málstofu sem verður haldin föstudaginn 5. júní í Hofi.
Skráning er nauðsynleg og sendist á [email protected]

29/05/2026

Karen Mist Kristjánsdóttir lætur nú af störfum hjá Eimi eftir farsælt og öflugt starf undanfarin ár. Karen hefur komið að fjölbreyttum verkefnum á sviði sjálfbærni, hringrásarhagkerfis og auðlindanýtingar, þar á meðal þróun og uppbyggingu LIFE ICEWATER verkefnisins.

Karen var einnig verkefnastjóri fyrir uppbyggingu Græns iðngarðs á Bakka við Húsavík, þar sem hún leiddi mikilvæga vinnu í tengslum við þróun svæðisins í anda nýsköpunar, orkuskipta og hringrásarhagkerfis. Undir hennar stjórn var unnið að kortlagningu auðlindastrauma, uppbyggingu samstarfs við fyrirtæki og mótun framtíðarsýnar fyrir svæðið.

Karen hefur störf hjá Iðnveri, en mun þó áfram vinna náið með Eimi að ICEWATER verkefninu og áframhaldandi þróun lausna tengdum sjálfbærri meðhöndlun og nýtingu fráveitu frá iðnaði.

Við hjá Eimi þökkum Karen fyrir hennar framlag, fagmennsku og drifkraft og óskum henni innilega til hamingju og velfarnaðar í nýju hlutverki.

29/05/2026

Mikill áhugi var á frumsýningu ICEWATER gámsins sem fór fram á miðvikudaginn sl. þar sem um 60 gestir frá iðnaði, stjórnsýslu, stofnunum og fyrirtækjum komu saman til að kynna sér nýja nálgun í formeðhöndlun iðnaðarfrárennslis og verðmætasköpun úr fráveitu frá matvælaiðnaði. ♻️

Viðburðurinn er samstarfsverkefni Eims og Iðnvers undir merkjum ICEWATER verkefnisins og markar mikilvægt skref í þróun sjálfbærra lausna fyrir íslenskan iðnað og fráveitumál.

Pétur Blöndal, eigandi Iðnvers, opnaði viðburðinn og í framhaldinu fóru Ottó Elíasson og Karen Mist Kristjánsdóttir yfir þróun verkefnisins og hönnun gámsins – frá hugmynd að framkvæmd.

Katrín Lilja Sigurðardóttir, betur þekkt sem Sprengju-Kata, hélt afar fræðandi fyrirlestur um efnafræðina og hreinsiferlið á bak við tæknina og Trevor Gent sýndi svo með lifandi hætti hvernig hægt er að aðskilja óhreinindi úr vatni með tæknilausnum gámsins. 💧

Gestum gafst einnig kostur á að skoða gáminn sjálfan og ræða möguleika tækninnar fyrir íslenskan iðnað, umhverfismál og hringrásarhagkerfið.

Við þökkum öllum sem mættu fyrir komuna, góð samtöl og áhugann á nýsköpun og sjálfbærni! 🙌

https://www.eimur.is/frumsyning-a-icewater-gaminum-vakti-mikinn-ahuga

Mikill áhugi var á frumsýningu ICEWATER gámsins sem fram fór í gær, en um 60 gestir frá iðnaði, stjórnsýslu, stofnunum og fyrirtækjum sóttu viðburðinn. Þar gafst gestum tækifæri til að kynna sér nýja lausn sem snýr að formeðhöndlun iðnaðarfrárennslis og verðmætasköpun...

26/05/2026

Ársskýrsla Eims fyrir starfsárið 2025 er nú komin út.
Árið 2025 einkenndist af fjölbreyttum verkefnum á sviði orkuskipta, varmaorku, lífmassa og sjálfbærrar verðmætasköpunar á Norðurlandi. Í ársskýrslunni er farið yfir helstu verkefni ársins, þróun nýrra lausna og það samstarf sem hefur átt sér stað með sveitarfélögum, fyrirtækjum, stofnunum og alþjóðlegum samstarfsaðilum.

Meðal verkefna sem fjallað er um í skýrslunni eru:
• RECET verkefnið og stuðningur við sveitarfélög í loftslags- og orkuskiptamálum
• Kortlagning og nýting glatvarma og hitaveituhjárennslis
• Sniglarækt og ný tækifæri í matvælaframleiðslu
• ICEWATER verkefnið og nýting lífmassa úr fráveituvatni
• Verkefni tengd metanvinnslu og hringrásarlausnum
• Uppbygging grænna iðngarða á Bakka við Húsavík

Í ávarpi framkvæmdastjóra kemur meðal annars fram hvernig Eimur hefur unnið markvisst að því að efla nýsköpun, styrkja samstarf og byggja upp verkefni sem styðja við sjálfbæra þróun og aukna verðmætasköpun í landshlutanum.

Smellið hér til að skoða árskýrslu Eims 2025
https://www.eimur.is/arsskyrsla-eims-2025