EIMUR

04/11/2026

Við fengum góða gesti til okkar í Eim í dag! 🇬🇧🇮🇸

Jane Stevens, sendiherra Bretlands á Íslandi, heimsótti okkur ásamt fylgdarliði. Við kynntum starfsemi Eims og þau fjölbreyttu verkefni sem við vinnum að, meðal annars Deploy PED og Vatnalíf / ICEWATER, og áttum góðar samræður um nýsköpun og bætta auðlindanýtingu.

Við sögðum líka frá verkefni í Bretlandi þar sem bændur breyta kúamykju í metangas sem knýr dráttarvélar og bíla og sparar þeim verulega í eldsneytiskostnaði. ♻️

Takk kærlega fyrir heimsóknina og áhugann á starfinu okkar!

03/11/2026

Viltu leiða stórt Evrópuverkefni?
Eimur leitar að öflugum verkefnastjóra til að leiða alþjóðlegt samstarfsverkefni með 20 samstarfsaðilum í 10 löndum.

Um er að ræða spennandi tækifæri til að hafa áhrif á framtíð sjálfbærrar orku, samfélagsþróunar og nýtingu auðlinda – í samstarfi við sérfræðinga víðs vegar um Evrópu.

Starfsstöð er á Akureyri eða annars staðar á Norðurlandi.

Hefur þú áhuga? Skoðaðu starfið og sæktu um!
https://bit.ly/4izjSr8

Nánari upplýsingar: [email protected]

30/10/2026

Nýtt heimili hjá Eimi! 📦

Við hjá Eimi höfum fært okkur um set og flutt skrifstofuna frá Brekkugötu 1b yfir á Skiptagötu 9 á Akureyri.
Þar deilum við nú hæðinni með góðum samstarfsaðilum, meðal annars SSNE. Það verður því stutt á milli fólks, hugmynda og samtals um áframhaldandi þróun og ný tækifæri á Norðurlandi.

Nýtt húsnæði, nýtt umhverfi og áfram sömu áherslur – betri nýting auðlinda og verðmætasköpun á Norðurlandi.

Við hlökkum til að taka á móti gestum á nýja staðnum!

22/10/2026

Eimur stýrir nýju Evrópuverkefni um orkujákvæð héruð

Eimur hefur gengið frá samningi við framkvæmdastjórn Evrópusambandsins um DEPLOY-PED, nýtt fjögurra ára Evrópuverkefni sem félagið stýrir. Verkefnið hlaut tæplega 5 milljóna evra styrk og sameinar 20 samstarfsaðila í 10 löndum.

Eitt af s*x sýnisverkefnum fer fram í Húnaþingi vestra, þar sem kannaðir verða möguleikar á framleiðslu lífgass úr mykju í samstarfi við kúabændur.

Verkefnið markar mikilvægt skref fyrir Eim og skapar tækifæri til að efla sjálfbærni, orkuskipti og verðmætasköpun í heimabyggð.

Lesið meira um verkefnið á heimasíðu Eims:
https://www.eimur.is/eimur-styrir-nyju-evropuverkefni-um-orkujakv-heru

12/10/2026

Spennandi ráðstefna er í vændum!

Iceland Geothermal Conference 2027 verður haldin í Hörpu dagana 25.–27. maí næstkomandi og stefnir í áhugaverða dagskrá þar sem fjölbreytt tækifæri og framtíðarmöguleikar jarðhita verða í brennidepli.

Við hjá Eimi hvetjum áhugasama til að kynna sér ráðstefnuna og nýta tækifærið til að senda inn erindi.

📢 Frestur til að senda inn erindi rennur út 15. október nk.!

Nánari upplýsingar í færslunni hér að neðan 👇

What does geothermal look like where you are?

In Iceland, geothermal is part of everyday life, from heating homes and swimming pools to producing electricity and supporting businesses and communities.

But geothermal looks very different around the world.

It might be a district heating network in Europe, a power plant in East Africa, a greenhouse, a hot spring, an industrial application, or a new project still taking shape.

Show us geothermal from your part of the world.

Tell us your country and how geothermal is used there in the comments.

We would love to see how far this IGC community reaches.

Reykjavík | 25–27 May 2027

09/10/2026

Í vikunni hitti allt starfsfólk Eims þær Katelyn og Jolanda frá White Bay Central Development Association á Nýfundnalandi í Kanada á Sauðárkróki. Fyrir hönd Eims tóku þátt Hildur, framkvæmdastjóri, Guðrún Huld, markaðsstjóri, Sigurður Líndal, sviðsstjóri sjálfbærrar viðskiptaþróunar, og Alessandra, sviðsstjóri hringrásarhagkerfis.

Við áttum gott samtal um verkefni Eims og nýtingu auðlinda á Norðurlandi og ræddum hugmyndir sem gætu nýst á þeirra heimasvæði. Katelyn og Jolanda deildu jafnframt reynslu sinni og sögðu frá því hvernig sambærilegum málum er háttað hjá þeim.

Það er alltaf gefandi að skiptast á reynslu og hugmyndum þvert á landamæri. Takk fyrir skemmtilegan fund!

08/10/2026

Í september fór fram Norræna lífgasráðstefnan 2026 í Reykjavík, þar sem saman komu sérfræðingar, fyrirtæki og aðrir hagaðilar frá Norðurlöndunum til að ræða þróun, tækifæri og áskoranir í lífgasi.

Eimur tók þátt í ráðstefnunni og lagði sitt af mörkum til umræðunnar um uppbyggingu lífgasframleiðslu á Íslandi. Sigurður Líndal Þórisson, sviðsstjóri sjálfbærra viðskipta hjá Eimi, flutti erindi ásamt Sveinn Aðalsteinsson, framkvæmdastjóra Orkídea.

Þar var meðal annars fjallað um tvær ólíkar leiðir að uppbyggingu lífgasframleiðslu á Íslandi. Annars vegar miðlæga uppbyggingu við Dysnes í Eyjafirði og hins vegar dreifða nálgun í Húnaþingi vestra. Ólíkar leiðir geta hentað ólíkum aðstæðum og því mikilvægt að skoða hvernig nýta megi staðbundin hráefni og innviði sem best.

Ráðstefnan var einnig tækifæri til að deila reynslu og læra af því sem er að gerast annars staðar á Norðurlöndunum, þar sem lífgas gegnir sífellt stærra hlutverki í orku- og hringrásarhagkerfinu.

Við hvetjum áhugasama til að kynna sér nánar það sem kom fram á ráðstefnunni og þátttöku Eims.

🔗 https://lnkd.in/esdS3HeE

02/10/2026

Fleiri myndir frá Hönnunarþingi á Húsavík 📸

Við höfum nú birt frétt á heimasíðu Eims um aðkomu okkar að Hönnunarþingi á Húsavík um síðustu helgi, þar sem orka var undirskrift hátíðarinnar í ár.

Í fréttinni má lesa nánar um erindi Ottós Elíassonar um orku og kynningu Alessöndru á LIFE-ICEWATER, þar sem fjallað var um fráveitu, auðlindanýtingu og tækifærin sem felast í því að nýta betur afurðir og afganga frá starfsemi matvælafyrirtækja.

Og auðvitað var dagskráin krydduð með frumsömdu lagi Villla Vandræðaskálds um fráveitumál, samsöng og Bloody Mary.

Við höfum deilt nokkrum myndum frá helginni fyrr í vikunni en hér koma fleiri myndir frá viðburðinum. 📸 Halldóra Kristín ljósmyndari

🔗 Lesa fréttina:
https://www.eimur.is/eimur-a-honnunaringi-a-husavik

01/10/2026

Takk fyrir samstarfið Ottó!

Ottó Elíasson lætur nú af störfum sem framkvæmdastjóri Eims eftir öflugt starf undanfarin ár.

Á þeim tíma hefur Ottó komið að fjölmörgum verkefnum á sviði auðlindanýtingar, orkuskipta, sjálfbærni og nýsköpunar og átt stóran þátt í að þróa starfsemi Eims og þau verkefni sem félagið hefur unnið að.

Undir hans stjórn hefur Eimur meðal annars unnið að verkefnum tengdum orkuskiptum, nýtingu varmaorku, hringrásarhagkerfi og nýtingu lífrænna auðlinda. Ottó hefur einnig verið mikilvægur þátttakandi í uppbyggingu og framkvæmd alþjóðlegra samstarfsverkefna, þar á meðal LIFE-RECET og LIFE-ICEWATER.

Hann hefur jafnframt sinnt fjölbreyttu samstarfi við sveitarfélög, fyrirtæki, stofnanir og aðra hagaðila og lagt sitt af mörkum til að tengja saman hugmyndir, þekkingu og tækifæri á sviði sjálfbærrar auðlindanýtingar.

Við hjá Eimi þökkum Ottó fyrir frábært samstarf, fagmennsku, kraft og framlag hans til starfsemi Eims undanfarin ár.
Við óskum honum innilega velfarnaðar á nýjum vettvangi og þökkum fyrir allt sem hann hefur lagt til uppbyggingar Eims.

02/07/2026

RECET í kastljósi EU Research
Frábær viðurkenning fyrir RECET! Verkefnið er til umfjöllunar í nýjasta tölublaði EU Research, þar sem lögð er áhersla á áhrifarík og nýskapandi verkefni sem móta framtíð Evrópu.

Í greininni er fjallað um markmið RECET, mikilvægi samstarfs þvert á greinar og landamæri og hvernig verkefnið styður við sjálfbær orkuskipti. Þar deila meðal annars Ottó Elíasson, framkvæmdastjóri Eims, og Marianne Raes hjá Nýorku sýn sinni á mikilvægi samstarfs og nýsköpunar við þróun orkukerfa framtíðarinnar.

Birtingin er mikilvæg viðurkenning á því öfluga starfi sem samstarfsaðilar RECET hafa unnið og eykur sýnileika verkefnisins á alþjóðavettvangi.

📖 Lesið greinina hér:
https://www.eimur.is/recet-i-kastljosi-eu-research