29/10/2026
Við erum stolt af því að tilheyra flokki framúrskarandi fyrirtækja ellefta árið í röð hjá Creditinfo, en aðeins 2,5% íslenskra fyrirtækja komust á listann í ár.
ARKÍS er jafnframt á lista Viðskiptablaðsins og Keldunnar yfir Fyrirmyndarfyrirtæki í rekstri, en fyrirtækið hefur verið á þeim lista samfellt frá árinu 2017.
Til að hljóta þessar viðurkenningar þurfa fyrirtæki að uppfylla ströng skilyrði um rekstur og fjárhagslega afkomu undanfarinna ára. Það er því sérstaklega ánægjulegt að tilheyra þessum úrvalshópi öflugra og traustra fyrirtækja enn eitt árið.
Þennan árangur þökkum við okkar frábæra starfsfólki og traustu viðskiptavinum. Viðurkenningarnar eru okkur jafnframt mikilvæg hvatning til að halda áfram að þróast og bæta starfsemina með áherslu á gæði, fagmennsku og stöðugar umbætur.
