Mental ráðgjöf

20/10/2026

Hvað gerum við áður en veikindadagarnir byrja að telja? Áður en vanlíðan verður að krísu?
Hvernig getum við eflt starfsánægju og traust með samtali?
Hvernig tökum við samtalið þegar okkur finnst eitthvað hafa breyst?
Hvernig getum við varnað því að fólkið okkar detti út af vinnumarkaði?
Hvernig mætum við fólki í veikindafjarveru?
Og hvernig styðjum við endurkomuna?

Hilja Guðmundsdóttir kennir námskeiðið Viðverustjórnun: Frá forvörnum til endurkomu hjá Endurmenntun HÍ.

Fyrir stjórnendur og mannauðsfólk sem vilja mæta þessum aðstæðum af nærgætni og öryggi.

📅 5. og 19. nóvember 2026
🕘 Kl. 9:00–11:30 báða daga
📍 Staðnám hjá Endurmenntun HÍ

Tökum samtalið. Gefum því rými.

Skráning fer fram hér: https://bit.ly/4BiQluj

Félagsfólk hjá aðildarfélögum og samstarfssjóða Starfsmenntar geta sótt námskeiðið án kostnaðar (sjá hér: https://www.smennt.is/namskeid/vidverustjornun-fra-forvornum-til-endurkomu)

29/09/2026

Við vildum nálgast EKKO fræðslu aðeins öðruvísi.
Ekki bara: horfa → haka við → búið.
Heldur: horfa → ræða → tengja → læra.

Rafræna EKKO fræðsla Mental sameinar þrenn stutt rafræn fræðsluerindi og samtal á vinnustaðnum. Fjallað er um einelti, kynferðislega áreitni, kynbundna áreitni og ofbeldi, birtingarmyndir þess og ábyrgð okkar allra í samskiptum.

Stjórnendur fá síðan leiðbeiningar til að leiða umræðu með starfsfólki.

Fræðslan skiptir máli en það gerir líka samtalið sem á sér stað í kjölfar fræðslunnar.

Kíktu við á https://mentalradgjof.is/course/ekko til að vita meira!

28/09/2026

Vinnustaðamenning er svolítið eins og púsl.

Einn biti af púslbiti getur ekki skapað heildarmyndina á sama hátt og einn einstaklingur getur ekki búið til vinnustaðamenninguna.

En hvert okkar leggur eitthvað til í heildarmyndina.

Hvernig við tölum við fólk.
Hvernig við bregðumst við mistökum.
Hvort við stígum inn eða segjum frá þegar eitthvað er ekki eins og það á að vera.
Hvort og hvernig við hlustum.
Hvort og hvernig við setjum mörk í starfi og samskiptum.
Og hvort við látum eitthvað viðgangast sem ætti kannski ekki að fá að viðgangast.

Á Mannauðsdeginum ætlum við hjá Mental að minna svolítið á þetta.

Við erum öll hluti af menningunni. Og við höfum öll áhrif á hana.
Ef þú verður í Hörpunni á Mannauðsdaginn 2. október: komdu við hjá okkur og nældu þér í táknrænan púslbita 💚

25/09/2026

Eitt er að vita að samtalið þarf að eiga sér stað. Annað að þora að eiga það.

Samtalið þarf ekki alltaf að vera fullkomið en stundum þarf það stundum að eiga sér stað.

Tölum ekki um einstaklinginn...tölum beint við hann.

24/09/2026

51%.

Þetta var niðurstaðan þegar við hjá Mental spurðum fólk hvert það myndi fyrst leita þegar erfiðleikar kæmu upp í samskiptum við samstarfsfélaga.

Rúmlega helmingur sagðist fyrst tala við einhvern annan en manneskjuna sem málið varðaði.

Ekki endilega vegna þess að fólki væri sama. Heldur vegna þess að það óttaðist viðbrögðin, vildi ekki særa eða efaðist um eigin túlkun. Þetta segir okkur eitthvað mikilvægt.

Við getum sagt fólki að „tala bara saman“. En til þess geta tekið samtöl af bæði umhyggju og festu þarf bæði færni, sjálfstraust og öryggi.

Hvað gerist á þínum vinnustað þegar samskipti verða erfið?

23/09/2026

Heilbrigð vinnustaðamenning verður til í samtölunum sem við eigum, mörkunum sem við setjum og því sem við veljum að bregðast við.

Ef þú vilt taka samtalið um þetta með okkur, kíktu þá við á básnum okkar á Mannauðsdaginn.

Þú getur einnig ávallt haft beint samband við okkur í gegnum https://mentalradgjof.is

23/09/2026

Það er bæði ánægjulegt og gefandi að fá að vinna með vinnustöðum sem hafa metnað til að styrkja stjórnendur sína og byggja upp heilbrigðari vinnustaðamenningu.

Undanfarna mánuði höfum við átt í afar góðu samstarfi við Borgarbyggð um uppbyggingu samræmdrar viðverustjórnunar og stjórnendatakts. Markmiðið er að skapa sameiginlega nálgun í stjórnun þar sem regluleg innlit, hugrökk samtöl, snemmtæk viðbrögð og markviss eftirfylgni verða eðlilegur hluti af daglegu starfi.

Það er sérstaklega ánægjulegt að sjá þessa vinnu færast úr undirbúningi yfir í framkvæmd og stjórnendur sameinast um sameiginlega nálgun í stjórnun.

Við erum þakklátar fyrir traustið og hlökkum til áframhaldandi samstarfs.

Hér má lesa frétt Borgarbyggðar um verkefnið 👇

Sem liður í áframhaldandi þróun leiðtogafærni og markvissari viðverustjórnun hjá Borgarbyggð taka allir stjórnendur sveitarfélagsins þátt í vinnustofu undir leiðsögn Helenu Jónsdóttur, klínískum sálfræðingi og sérfræðingi hjá Mental ráðgjöf.

18/09/2026

Hvað tekur við eftir vinnustofur hjá Mental ráðgjöf?

Á vinnustofum okkar fá stjórnendur og/eða starfsfólk tækifæri til að æfa færni sína.

Svo tekur hversdagsleikurinn við og þar gefst tækifæri til að prófa sig áfram.

En það er ekki nóg, eftirfylgni er mikilvæg. Til að yfirfærsla færni og þekkingar sé sem árangursríkust er mikilvægt að geta átt samtalið á ný við Mental ráðgjafa, tækifæri til að spegla og skerpa línurnar.

Þess vegna leggjum við hjá Mental áherslu á tenginguna milli fræðslu og framkvæmdar:
• Að æfa samtölin.
• Að prófa nálgunina í eigin starfi.
• Að fá stuðning og taka stöðuna aftur.

Við viljum vinna með stjórnendum, starfsfólki og mannauði að því að ný þekking fái pláss í daglegu starfi.

16/09/2026

Hvar getur stjórnandi hugsað upphátt um krefjandi samskipti?

Stjórnendahandleiðsla Mental er faglegt rými þar sem stjórnandinn kemur með raunverulegar aðstæður úr starfinu og fær aðstoð við að átta sig á þeim, undirbúa viðbrögð og finna næstu skref.

Handleiðsla getur átt sér stað :
- áður en samtalið er tekið.
- þegar óljóst er hvernig bregðast eigi við.
- eða eftir á, þegar þarf að meta næsta skref.

Handleiðsla gefur rými til að skoða aðstæður, undirbúa viðbrögð og vinna með eigin nálgun.

Hjá Mental bjóðum við handleiðslu fyrir stjórnendur og ráðgjöf fyrir mannauð.

Hafir þú áhuga á að vita meira, kíktu við á heimasíðu okkar : https://mentalradgjof.is/course/handleidsla eða sendu okkur línu á [email protected]

11/09/2026

Hvernig hef ég samtal sem mér finnst óþægilegt?

Dæmi um upphaf að slíku samtali gæti verið:

„Ég vil ræða við þig fundinn í gær og hvernig við gefum hvert öðru rými. Ég tók eftir þú greipst nokkrum sinnum fram í fyrir samstarfsfólki og mér. Ég upplifði það eins og okkar hugmyndir skiptu minna máli og tónninn fékk mig til að halda að pirringur væri til staðar. Hvernig upplifðir þú fundinn?“

Síðan þarf að gefa svarinu pláss. Öll þurfum við rými til að hugsa svör okkar.

Í lok samtalsins getur verið gagnlegt að spyrja:
„Hvað getum við gert öðruvísi á næsta fundi og hvenær tökum við stöðuna aftur?“

Þetta er dæmi til að laga að aðstæðum. Markmiðið er að ræða það sem gerðist, skilja sjónarmið og ákveða næsta skref.

Vistaðu færsluna ef hún gæti nýst við undirbúning samtals.