Mental ráðgjöf

11/09/2026

Hvernig hef ég samtal sem mér finnst óþægilegt?

Dæmi um upphaf að slíku samtali gæti verið:

„Ég vil ræða við þig fundinn í gær og hvernig við gefum hvert öðru rými. Ég tók eftir þú greipst nokkrum sinnum fram í fyrir samstarfsfólki og mér. Ég upplifði það eins og okkar hugmyndir skiptu minna máli og tónninn fékk mig til að halda að pirringur væri til staðar. Hvernig upplifðir þú fundinn?“

Síðan þarf að gefa svarinu pláss. Öll þurfum við rými til að hugsa svör okkar.

Í lok samtalsins getur verið gagnlegt að spyrja:
„Hvað getum við gert öðruvísi á næsta fundi og hvenær tökum við stöðuna aftur?“

Þetta er dæmi til að laga að aðstæðum. Markmiðið er að ræða það sem gerðist, skilja sjónarmið og ákveða næsta skref.

Vistaðu færsluna ef hún gæti nýst við undirbúning samtals.

10/09/2026

09/09/2026

Það er samtal sem þú veist að þarf að eiga.

Kannski um tóninn á fundum. Athugasemd sem situr í fólki. Eða samskipti sem eru farin að hafa áhrif á samstarfið.

Það getur verið erfitt að finna réttu orðin. Góður upphafspunktur er að spyrja sig:
• Hverju hef ég tekið eftir?
• Hvað þarf ég að skilja betur?
• Hvað vil ég að verði öðruvísi eftir samtalið?

Hjá Mental verður áherslan næstu vikur á heilbrigð samskipti, hugrökk samtöl og stuðning við stjórnendur.

Hvaða samtal væri gagnlegt að undirbúa þessa vikuna?

07/09/2026

Gulur september minnir okkur á að taka eftir hvert öðru.

En það er ekki nóg að taka eftir. Við þurfum líka að þora að bregðast við.

Við þurfum hvorki að vita nákvæmlega hvað er að né hafa réttu lausnina. Stundum felst umhyggjan einfaldlega í því að nema staðar, spyrja og hlusta.

Ein einlæg setning getur opnað samtal:

„Mér finnst þú ekki alveg eins og þú átt að þér. Hvernig hefurðu það?“

Er einhver sem þú vilt gefa aðeins meiri gaum í þessari viku? 💛

28/08/2026

Tugir vinnustaða eru búnir að tryggja sér heimsókn í Gulum september.
Hvað með þinn vinnustað?
Sjá nánar : https://mentalradgjof.is/blog/vid-berum-oll-abyrgd

15/08/2026

„Voðalega er hún Anna orðin erfið.“

En áður en við tölum meira UM Önnu, ættum við kannski að tala VIÐ hana?

Ný grein Helenu á Vísi um samskipti, geðheilsu og ábyrgð okkar allra á að stíga inn. Lestu hana hér 👇

Fram undan er Gulur september. Á vinnustöðum verða hengdar upp gular slaufur, birt falleg skilaboð um geðrækt og jafnvel boðið upp á gula köku með kaffinu. Allt gott og blessað. En áður en við pöntum kökuna skulum við aðeins tala um hana Önnu.

13/08/2026

Í tilefni af Gulum september bjóðum við hjá Mental upp á nýtt, lifandi og gagnvirkt samtal fyrir vinnustaði:

VIÐ BERUM ÖLL ÁBYRGÐ Á AÐ STÍGA INN
Samskipti, geðheilsa og hugrökk samtöl á vinnustað

Við skoðum hvernig líðan og samskipti fléttast saman, af hverju við veigrum okkur við erfiðum samtölum og hvernig við getum sýnt umhyggju, sett mörk og stigið inn þegar á þarf að halda.

Erindið tekur um 50 mínútur, er ætlað öllu starfsfólki og hentar vel yfir morgunkaffinu, í hádeginu, í lok vinnudags eða sem hluti af starfsdegi.

Markmiðið er ekki bara að veita fræðslu. Markmiðið er að hefja samtal sem heldur áfram inni á vinnustaðnum eftir að við förum.

Kíktu hér inn: https://mentalradgjof.is/blog/vid-berum-oll-abyrgd til að tryggja þínum vinnustað pláss í september.

09/03/2026

Innsæið segir okkur nánast alltaf sannleikannlöngu áður en orð eru sögð. 👀

Við finnum þegar orkan breytist eða samstarfsfélaga líður illa. En hvað gerum við þá? Oftast þegjum við af ótta við að segja eitthvað vitlaust eða vonum að einhver annar taki samtalið.

Raunin er sú að við erum oft fyrstu viðbragðsaðilarnir á vinnustaðnum. Sálræn fyrsta hjálp snýst ekki um að vera sérfræðingur, heldur um að:

✅ Taka eftir merkjunum.
✅ Þora að spyrja.
✅ Hlusta án dóma.

Við hjá Mental ráðgjöf höfum opnað fyrir stutt örerindi um sálræna fyrstu hjálp þar sem Helena okkar fer yfir þessa mikilvægu færni. Erindið er öllum opið og aðgengilegt á vefnum okkar.

Munum: Þögnin getur verið hættulegri en samtalið sjálft. 💬

Sjáðu örerindið hér: https://mentalradgjof.is/blog/orerindi-sfh

25/02/2026

Við hjá Mental ráðgjöf höfum farið mjög mikinn í umræðu um viðverustjórnun undanfarið. Skrifað, rætt, frætt og á stundum ögrað. Og við ætlum ekki að hætta.

Af hverju?
Af því málið er brýnt.
Fjarvera er raunveruleg.
Hún kostar.
Hún vegur þungt í litlum teymum.
Og tortryggni virkar ekki.

Vandinn liggur sjaldnast í:
✖️ „svörtum sauðum“
✖️ leti
✖️ „nýju kynslóðinni“....eins og haldið hefur verið fram.

Heldur miklu frekar í:
• óskýrri viðverustefnu
• skorti á snemmtækum inngripum
• stjórnendum sem forðast og hreinlega óttast samtöl
• vöntun á raunverulegri eftirfylgni

Þau fyrirtæki sem gera þetta vel:
✔️ Bera kennsl á mynstur (t.d. Bradford)
✔️ Sinna reglulegum innlitum til starfsfólks
✔️ Taka viðverusamtöl snemma
✔️ Fylgja málum eftir
Og það er hér sem þetta klikkar iðulega!

Allt of fá fyrirtæki hafa sett fram skýr viðmið um inngrip, skýrar kröfur til stjórnenda, raunverulegar leiðbeiningar og enn færri hafa þjálfað stjórnendur til að gera þetta vel og af festu.

Þess vegna verða samtölin:
Of sein. Of mjúk. Of hörð. Eða eru bara ekki tekin.

Og undir þessu öllu er fólk.
Fólk sem líður alls konar.
Fólk sem þarf skýrleika, ekki tortryggni.
Fólk sem þarf samtal, ekki þögn.
Og er svo bara kallað svartir sauðir!

Hilja okkar útbjó ótrúlega vönduð og hagnýt leiðarljós um viðverustjórnun, skýr, mannleg og tilbúin til notkunar.

Hér er gjöf frá okkur til ykkar:
👉 https://mentalradgjof.is/moli-vidverustjornun

Taktu utan af henni. Notaðu hana. Deildu henni að vild.