PDCA ráðgjafar er fyrirtæki sem sérhæfir sig í að bjóða fyrirtækjum á íslenskum markaði upp á innleiðingu á gæðastjórnunarkerfi samkvæmt alþjóðlega gæðastaðlinum ISO 9001. Gæðastjórnunarkerfið er stjórntæki sem beinir og stýrir starfsemi fyrirtækisins í átt til gæða sem fullnægja þörfum og væntingum viðskiptavina og hámarkar hagnað fyrirtækisins. Stjórnkerfið eykur ánægju viðskiptavina og starfsmanna og eykur samkeppnishæfni fyrirtækisins, eflir traust, gefur forskot á markaði og kemur í veg fyrir mistök og sóun í öllum rekstri. PDCA ráðgjafar vinnur náið með stjórnendum og starfsmönnum við innleiðingu, gefur út rekstrarhandbók fyrir viðkomandi fyrirtæki og býður í kjölfarið upp á að aðstoða viðkomandi fyrirtæki til að fá vottun samkvæmt staðlinum, ef fyrirtæki óskar eftir því. PDCA ráðgjafar bjóða einnig upp á þjónustusamning þar sem fyrirtækið tekur að sér öll gæðamál fyrirtækisins og sinnir starfi gæðastjóra með gæðaúttektum og uppfærslu á rekstrarhandbókinni. Kjörorð fyrirtækisins og loforð til viðskiptavina er “Fagmennska, ábyrgð og gæði”. Þar lofar fyrirtækið að gæta ábyrgðar og sýna fagmennsku í sínum gæðastörfum.
