Strata Advisory

07/09/2026

Við erum mjög spennt að hefja leik á morgun! ✨

Við byrjum á grunninum, tölunum í rekstrinum og hvernig daglegar ákvarðanir skila sér í rekstrarniðurstöðu og sjóðstreymi.

Það eru tvö sæti laus á Praktík fyrir fólk í rekstri. Ef þú vilt bætast í öflugan hóp stjórnenda og eigenda, þá máttu endilega senda okkur línu.

Sjáumst á Vinnustofu Kjarval!

04/09/2026

Ertu að skapa verðmæti í fyrirtækinu eða bara halda því gangandi? 👀

Við hjá STRATA erum enn á bleiku skýi eftir örviðburðinn okkar með áhrifamiklum konum í rekstri! Umræðurnar, tengslin og tækifærin sem hafa sprottið upp í kjölfarið eru mögnuð!

Við ræddum meðal annars hvað gerir fyrirtæki raunverulega verðmætt. Það er nefnilega ekki bara veltan. Framlegð, sjóðstreymi, sterkt teymi, góðir ferlar og rekstur sem getur vaxið án þess að allt velti á eigandanum skipta ekki síður máli.

Viðskiptablaðið fjallar um viðburðinn í fréttinni „Frá áhrifum til verðmætasköpunar“

Hvað skapar mest verðmæti í þínu fyrirtæki?

01/09/2026

Við hjá STRATA erum enn á bleiku skýi eftir frábæran örviðburð í síðustu viku með áhrifamiklum konum í rekstri. ✨

Takk fyrir opnar umræður, góðar spurningar og einstaka orku!

Nú styttist í Praktík fyrir fólk í rekstri og við hlökkum til að sjá ykkur í næstu viku.

31/08/2026

Við kynnum næsta gestafyrirlesara haustsins: Söndru Sif Stefánsdóttur
Það er eitt að meta fyrirtæki frá sjónarhóli bankans. Annað að sitja hinum megin við borðið og bera ábyrgð á fjármálunum sjálfum. Sandra hefur gert hvort tveggja.
Sandra er framkvæmdastjóri fjármála hjá Alfreð og Stokki Software og ráðgjafi hjá STRATA Advisory. Hún hefur um tíu ára reynslu úr fjármálageiranum og starfaði lengi hjá Arion banka, meðal annars á fyrirtækja- og fjárfestingarbankasviði, þar sem hún kom að greiningu fyrirtækja, lánveitingum og fjármögnun verkefna í byggingargeiranum.
Þessi reynsla veitir Söndru dýrmæta sýn á hvað bankar horfa til við mat á fyrirtækjum, hvaða upplýsingar þurfa að liggja fyrir og hvernig eigendur og stjórnendur geta undirbúið sig betur fyrir fjármögnunarviðræður. Í dag nýtir hún þessa þekkingu hinum megin við borðið, við fjármálastjórn og ákvarðanatöku í rekstri.
Sandra er með B.A.-gráðu í hagfræði, með aukagrein í stjórnun og stefnumótun, og Executive MBA-gráðu frá Háskóla Íslands.
Við erum afar ánægð að fá Söndru til liðs við okkur sem gestafyrirlesara á Praktík fyrir fólk í rekstri hjá STRATA Advisory.

31/08/2026

Hvaða vexti greiðir fyrirtækið þitt af skammtímafjármögnun?

Við hjálpum fyrirtækjum að finna hagkvæmari fjármögnunarleiðir, endurskipuleggja lán og koma rekstrinum í betra horf.

Á meðan þið haldið áfram að gera það sem þið eruð best í, að skapa verðmæti, hjálpum við ykkur að straumlínulaga fjármálaferla fyrirtækisins.

25/08/2026

Konan á bak við Praktík fyrir fólk í rekstri: Sólveig R. Gunnarsdóttir

Þegar Sólveig talar um rekstur er það ekki vegna þess að hún hafi aðeins lesið um hann. Hún hefur stofnað og byggt upp fyrirtæki, fjárfest í þeim, setið í stjórnum, borið ábyrgð á fjármálum þeirra og veitt yfir hundrað fyrirtækjum ráðgjöf.

Sólveig hefur 19 ára reynslu af fjárfestingum, bankastarfsemi og fjármálum fyrirtækja. Hún hefur meðal annars starfað við fjárfestingar hjá framtakssjóði Landsbréfa, við fjárstýringu hjá Orkuveitu Reykjavíkur og stýrt fjármálum fyrirtækja. Hún hefur komið að fjármögnun, verðmati, endurskipulagningu, fjárfestingum og veigamiklum ákvörðunum í rekstri.

Hún veit af eigin raun að meiri velta þýðir ekki alltaf betri rekstur, að hagnaður er ekki það sama og lausafé og að vöxtur getur orðið dýr ef yfirsýn og fjármögnun fylgja ekki með.

Sólveig er stofnandi, eigandi og ráðgjafi hjá STRATA Advisory. Hún er jafnframt meðeigandi og fjárfestir í nokkrum félögum, stundakennari við Háskóla Íslands og situr í stjórn Disact. Áður hefur hún meðal annars setið í stjórnum KEA Hótela og Ölgerðarinnar.

Sólveig er með MBA-gráðu frá Hult International Business School í San Francisco og B.Sc.-gráðu í iðnaðarverkfræði frá Háskóla Íslands. Í B.Sc.-náminu fór hún í skiptinám við North Carolina State University, NCSU, í Bandaríkjunum og í MBA-náminu stundaði hún hluta námsins í Shanghai í Kína. Hún vann jafnframt lokaverkefni sitt fyrir Nestlé. Sólveig er vottaður verðbréfamiðlari og hefur lokið náminu Ábyrgð og árangur í stjórnum.

Sólveig stofnaði Praktík fyrir fólk í rekstri til að veita eigendum og stjórnendum hagnýta þekkingu, ráð og verkfæri sem nýtast við raunverulegar aðstæður í rekstri. Á námskeiðinu tengir hún saman fjármálin, daglegan rekstur og stóru ákvarðanirnar með raunverulegum dæmum og reynslu úr atvinnulífinu.

Þetta er þekking sem fæst ekki með einni fyrirspurn í gervigreind eða lestri kennslubóka eingöngu. Fyrir utan góðan félagsskap og góðar veitingar er námskeiðið fyrst og fremst fjárfesting í þekkingu, yfirsýn og betri ákvörðunum í rekstri.

Skráning er hafin og námskeiðið hefst 8. september.

Sólveig Ragnheiður Gunnarsdóttir

25/08/2026

Við kynnum næsta gestafyrirlesara haustsins: Söndru Sif Stefánsdóttur

Það er eitt að meta fyrirtæki frá sjónarhóli bankans. Annað að sitja hinum megin við borðið og bera ábyrgð á fjármálunum sjálfum. Sandra hefur gert hvort tveggja.

Sandra er framkvæmdastjóri fjármála hjá Alfreð og Stokki Software og ráðgjafi hjá STRATA Advisory. Hún hefur um tíu ára reynslu úr fjármálageiranum og starfaði lengi hjá Arion banka, meðal annars á fyrirtækja- og fjárfestingarbankasviði, þar sem hún kom að greiningu fyrirtækja, lánveitingum og fjármögnun verkefna í byggingargeiranum.

Þessi reynsla veitir Söndru dýrmæta sýn á hvað bankar horfa til við mat á fyrirtækjum, hvaða upplýsingar þurfa að liggja fyrir og hvernig eigendur og stjórnendur geta undirbúið sig betur fyrir fjármögnunarviðræður. Í dag nýtir hún þessa þekkingu hinum megin við borðið, við fjármálastjórn og ákvarðanatöku í rekstri.

Sandra er með B.A.-gráðu í hagfræði, með aukagrein í stjórnun og stefnumótun, og Executive MBA-gráðu frá Háskóla Íslands.

Við erum afar ánægð að fá Söndru til liðs við okkur sem gestafyrirlesara á Praktík fyrir fólk í rekstri hjá STRATA Advisory.

24/08/2026

Við kynnum næsta gestafyrirlesara haustsins: Baldur Snorrason

Hvað sér fjárfestir þegar hann horfir á fyrirtækið þitt? Hvað hækkar verðmatið, hvað dregur úr því og hvað gerir fyrirtæki raunverulega eftirsóknarvert?

Á síðasta degi Praktík fyrir fólk í rekstri fáum við Baldur Snorrason í salinn til að skoða fyrirtækið með augum fjárfestis.

Baldur er forstöðumaður eignastýringar og staðgengill framkvæmdastjóra Festu lífeyrissjóðs. Hann leiðir eignastýringu sjóðsins, sem átti tæplega 347 milljarða króna í lok árs 2025, í þágu tugþúsunda sjóðfélaga.

Baldur hefur víðtæka reynslu af fjárfestingum, bæði hér á landi og erlendis, og situr jafnframt í stjórnum fyrirtækja og fjárfestingaráðum framtakssjóða. Sýn hans sem fjárfestis og stjórnarmanns er ómetanleg.

Þetta er ekki fræðileg umræða um verðmat, heldur raunveruleg innsýn í hvernig fjárfestar hugsa þegar eigið fé, ábyrgð og framtíðarávöxtun eru undir.

Ef þú ert að hugsa um vöxt, fjármögnun eða sölu fyrirtækisins, þá viltu vera þarna.

Skráning er hafin og námskeiðið hefst 8. september.

21/08/2026

Kynntu þér fyrirlesarana á Praktík fyrir fólk í rekstri

Á námskeiðinu fá þátttakendur að læra af reynslumiklum sérfræðingum með ólíkan bakgrunn og djúpa þekkingu á rekstri fyrirtækja:

Hjördís Ýr Ólafsdóttir, partner hjá KPMG og Audit Quality Partner, miðlar þekkingu sinni á reikningsskilum, uppgjörum og því hvernig lesa má raunverulega stöðu fyrirtækja úr tölunum.

Tina Paic, skattasérfræðingur og Senior Manager hjá KPMG Law, fjallar um virðisaukaskatt og þau skattalegu atriði sem stjórnendur og eigendur fyrirtækja þurfa að hafa á valdi sínu, missa af eða bera ábyrgð á.

Sandra Sif Stefánsdóttir, fjármálastjóri hjá Alfreð og ráðgjafi hjá STRATA Advisory, býr yfir áratuga reynslu úr fyrirtækjaráðgjöf, lánamálum og fjármálastjórn.

Guðmundur Sigþórsson hefur yfir 40 ára reynslu af ráðgjöf til fyrirtækja, meðal annars við fjárhagslega endurskipulagningu, skuldavanda og krefjandi rekstraraðstæður.

Baldur Snorrason hjá Festu lífeyrissjóði veitir þátttakendum innsýn í hvernig fjárfestar greina fyrirtæki, meta tækifæri og horfa á áhættu og ávöxtun.

Sólveig R. Gunnarsdóttir, stofnandi og framkvæmdastjóri STRATA Advisory, leiðir námskeiðið og tengir efnið við raunverulegar ákvarðanir í rekstri, fjármögnun, fjárfestingum og verðmætasköpun.

Markmiðið er að þátttakendur fari af námskeiðinu með skýrari sýn á reksturinn, sterkari forsendur til ákvarðanatöku og hagnýt verkfæri sem nýtast strax.

Námskeiðið hefst 8. september á Vinnustofu Kjarval. Takmarkaður fjöldi sæta.

Skráning og nánari upplýsingar í athugasemd.

STRATA Advisory ehf. er ráðgjafafyrirtæki sem sérhæfir sig í fjármálum fyrirtækja.
Við hjálpum þér að leysa vandamál, vaxa inn á ný mið eða grípa tækifærin.

21/08/2026

Við kynnum með ánægju næsta gestafyrirlesara haustsins: Guðmund Sigþórsson

Ef reksturinn er kominn í vanda, þá viltu hafa símanúmerið hans Guðmundar í símanum.

Guðmundur hefur komið að ótrúlegustu málum og hjálpað fyrirtækjum í gegnum mikinn ólgusjó. Hann þekkir flókin rekstrarmál, fjárhagslega endurskipulagningu, kröfumál, stefnur og fjárnám eins og lófann á sér. Hann kann að greina hvaða fyrirtæki eiga raunhæfan rekstrargrundvöll og framtíð, finna nýjar leiðir fyrir þau og leiða önnur mál til skynsamlegra lykta þegar áframhaldandi rekstur er ekki raunhæfur.

Guðmundur er reynslumikill fjármála- og rekstrarráðgjafi með víðtæka reynslu af uppbyggingu fyrirtækja, samrunum og yfirtökum og fjárhagslegri og rekstrarlegri endurskipulagningu.

Hann hefur jafnframt sjálfur rekið fjölmörg fyrirtæki, bæði í rótgrónum atvinnugreinum og nýsköpun. Hann þekkir því reksturinn beggja vegna borðsins, sem ráðgjafi og sem eigandi og stjórnandi. Guðmundur er með Executive MBA-gráðu frá Opna háskólanum.

Við hjá STRATA erum sjálf stöðugt að læra af Guðmundi og er afar þakklát fyrir að hann gefi sér tíma til að miðla reynslu sinni til þátttakenda í Praktík fyrir fólk í rekstri hjá STRATA Advisory.

Skráning er hafin og námskeiðið hefst 8. september.